« لهُ في القلب مالا يجوز لغيره.. وفي النبض نبض على سواه محرمُ ..♥».
ليس بيدها أن تتحكم بنفسها وبمشاعرها عند رؤيته، عند رؤيته يهرول قلبها إليه مسرعًا يستقبله بكل دفء وحب وينبض فقط لأجله، إنها تتمني أن يشعر بها ولو مرة واحدة يراها بعينيه الباردتين مقبلة عليها بشغف، فيبادلها بفتور، تفعل الكثير له ولا يشعر بشيء سويّ نفسه فقط، تسأله ماذا تعرف عن الحب فيبادرها بالكلام وانكار هذا الحديث بقوله المعتاد « مُحن كلاب».
تسرد قصتها لدهب وهي تشعر بالألم المُفرط الذي صاب قلبها منذ بدء صداقتها معه، انها تعلم الخطأ منها، هو لم يقترف ذنبًا يحاسب عليه، فقط يتعامل معها كصديقة ليس أكثر.
_ تقي ينفع اسألك سؤال واضح وصريح وتجاوبيني؟
• إسألي؟
_ هل مروان قالك انه بيحبك قبل كدا او حتي صرح بإعجابه بيكِ مثلًا؟
• لأ، بس تصرفاته بتقول كدا، إني حد مميز بالنسبة ليه.
_ طالما مقالهاش واضحة وصريحة يبقي متنجرفيش بمشاعرك ناحيته مهما حصل.
• بس انا حاسه انه فيه حاجه من ناحيته ليا، يعني قبل كدا قالي إنه بيرتاح معايا عكس أي حد بيتكلم معاه، واني مميزة وكمان هكون حبيبة مثالية، بيفهمني ودايمًا بيسمع مشاكلي وبيحلهالي، هو آه بيقولي احنا أخوات بس برضو نظرته ليا تختلف عن الباقيين، بس كان دايمًا بعد كل كلمة حلوة يقولهالي يلزق فيها انتِ أختي.
_الل بيديكِ كلمة حلوة ويرجع يسحبها يبقي حاجة من الاتنين، يا جبان، يا إما شخص غير سَوي نفسيًا، وفي الحالتين هتحتاجي إنك تهربي.
• دكتور دهب أنا متخيلتش حياتي بدون مروان ممكن تبقي ازاي، أنا مش عاوزه اتخيلها أصلا، الفراق ده صعب أوي وخصوصا لو بتفارقي حد كل احلامك وحياتك بّنتيها في خيالك معاه هو وبس.
_ تمام أنا معاكِ وفاهمة جدًا انه الفراق صعب، بس البقاء مُميت؛ هتتوجعي مرة لما تمشي، هتدمري وهتحسي إنك فقدتي نفسك هتاخدي وقتك في الموڤ اون وتتعافي وتفوقي لنفسك وتحبي بجد وتعرفي يعني ايه تبادل المشاعر مش من طرف واحد بس، لو هتفضلي فانتِ هتموتي كل يوم هتخسري في نفسك كل يوم عارفه لما تبقي متعورة وتيجي تشيلي الطبقة الل برا دي وتوجعك كل ما تيجي تشدي فيها بالراحة؟ بيقولولك ايه؟ شديها مرة واحدة وجع ساعة ولا كل ساعة ف هي هتتوجعي مرة، كفايه ظلم لنفسك، كفاية تحسي بإنك ناقصة ومتتحبيش، كفايه تشيلي فوق طاقتك.
« أجهشت بالبكاء وهي تستمع لقول دهب، ماذا ستفعل لا تتحمل ان تبتعد عنه أعدلًا ترك قلبها معه وترحل؟».
• طب ما هو ممكن يحبني؟
_ وإنتِ ليه تفضلي عايشة علي أمل ممكن يجيبك الأرض؟ طب مانتِ قدامه علطول، ومعاه وصاحبة ليه، بتقولي ارتبط وانتِ معاه؟ مستعدة تسمعي خبر جوازه يعني؟ وبعدين هتعملي إيه؟ هتقولي ممكن يطلق ويحبني؟ ليه هاين عليكِ قلبك كدا؟ ليه بتوجعي فيه؟.
_______________________________
في الطابق السابع من عمارة توجد في حي المعادي، دلف عيسي لداخل الشقة الخاصة بعائلته ويصيح بصوت مرتفع علي أبيه، خرجت أمه من المطبخ بزعر شديد مما يحدث وصرخت به قائلة.
أنت تقرأ
دهـب
Mystery / Thriller_ إحنا مُستحيل نقبل إنك تدَّرسي لينا مش شايفة شكلك!! إزاي هنبص لخلقتك دي إنتِ مسخ ولا يُمكن نسمحلك تبقي هنا ثانية واحدة. وضعت يداها أمامها ولم تعطي لها أيُ إهتمام فقد سئمت وحفظت كل هذه الأقاويل وأكملت حديثُها بثبات وهدوء لباقي الطُلاب. _ هدرس ليكم...
