اعذروني ع التأخير يشباب عملت فيها استرونج وومن ونزلت جيم وبقا مكسر جسمي ومكنتش بقدر اكتب الاسبوع اللي فات حاجه 😠😂.
« ليتني أملكك لأتفوه بما أشعر به الآن والغيرة تحرقني لأجلك♥✨»..
بعد اسبوعان من مرور حادث بسمة كان إبراهيم بجانبها ممسكًا يديها محاولًا في إسنادها لتسير في الطرقة الخاصة بالمستشفى لتشعر بتحسن بدلًا من نومتها كل الوقت في الفراش وأصبحت تشعر بسوء من هذه الحالة، يسير معها وهي تنظر له بترقب:
_ هو مين فينا الل اعترف بحبه للتاني؟
رمقها إبراهيم للحظات بنظرة حيرة وقلق وابتلع لعابه واردف بوجس:
_ أنا!!... وانتِ؟
بسمة بملامح مقتضبة:
_ ازاي يعني؟
إبراهيم وهو يسب لكريم بداخله علي ما فعله هو لا يريد أن يكذب علي بسمة ويختلق مواقف ليست حقيقية، إنتبه لها وهي تردد:
_ مالك سرحان فيه إيه؟
إبراهيم بنفي:
_ لا مفيش حاجه كنت بفتكر الموقف وسرحت فيه شويه
بسمة بإبتسامة خفيفه:
_ طب يلا احكيلي.
ابراهيم وهو يبتسم لبسمتها له:
_ كنا معزومين في خطوبة اتنين صحابنا من الدفعة وانتِ كنتِ اول مره تلبسي فستان وكان عريان شويه و...
قاطعته بتفكير:
_ هو أنا مش محجبة؟
إبراهيم بتوتر من حديثها وهي تكمل:
_ إنت قولتلي إني محجبة من شوية؟
إبراهيم:
_ آه محجبة، بس من بعد الحفلة دي عشان اتخانقت معاكي وقتها.
أماءت برأسها بتصديق وأكمل:
حد من الشباب كان عايز يرقص معاكي وانا اتخانقت فيه واتعصبت عليكي واتخانقنا ووسط الخناق زعقت فيكي وقولتلك إني بحبك، وردك كان إنك إنتِ كمان بتحبيني.
بسمة بفضول:
_ بس كده.
ابراهيم:
_ آه، ايه السؤال ده.
بسمة:
_ كنت فاكره انه قصتنا فيها suspense وكده مش سهلة يعني.
ابراهيم:
_ ما احنا حياتنا كان فيها مشاكل كتير وعديناها سوا ولسه بنعديها اهوه.
بسمة بحزن:
_ طب واهلي فين؟ ليه مش عايز تقولي حاجة عنهم وانا عايشة ازاي أصلا ومع مين
ابراهيم:
_ اهلك متوفيين، وليكي أخ ومتجوز بس مسافر بقاله كتير ومنعرفش عنه حاجه.
أنت تقرأ
دهـب
Tajemnica / Thriller_ إحنا مُستحيل نقبل إنك تدَّرسي لينا مش شايفة شكلك!! إزاي هنبص لخلقتك دي إنتِ مسخ ولا يُمكن نسمحلك تبقي هنا ثانية واحدة. وضعت يداها أمامها ولم تعطي لها أيُ إهتمام فقد سئمت وحفظت كل هذه الأقاويل وأكملت حديثُها بثبات وهدوء لباقي الطُلاب. _ هدرس ليكم...
