යෞවනයා සුළඟට මුහුණ දෙන අලංකාර ජේඩ් වෘක්ෂයක් වුවද, ඇදහිය නොහැකි තරම් හද උණුසුම්කරවන සහ ඇසට ප්‍රියජනක පෙනුමක් ඇති නමුත්, තමා ඔහුව හමුවීමට එතරම් කැමැත්තක් නොමැතිබව ජින්ග් චී ප්‍රකාශ කළේය. 'පශ්චාත් හිමිදිරිය' යැයි කියනුලබන අධිකරණයේදී සත්‍යවශයෙන්ම සිදුවූයේ මන්ත්‍රයක් සඳහා අළුයම සිංහාසන ගර්භයෙන් පිටත බලාසිටීම පමණි. පැහැදිලි යමක් පැවතියහොත් ඉහළට එවන්නේය. හිමිදිරියේ සිදුකිරීමට යමක් නොමැතිවූයේ නම් තමන්ව අමනාපකරගෙන එහි සිටින්නා වූ නිලධාරීන්ට ආචාරකළ යුතුය. ඔවුන්ව සම්බන්ධ කරගැනීමට අවශ්‍ය නම් ඔවුහු සමඟ මඳවේලාවක් කතාබහ කළයුතුය. ඒවා ඇසට ප්‍රසන්න නොවන්නේ නම් වදන් අතරට කම්පාවන හැඟීම් ලිස්සායනු ඇත. පසුව සෑම පුද්ගලයෙකුම විසිරී ගොස් තමන් කළයුතු දෑ සිදුකිරීමට යන්නේය. අධිරාජ්‍යයා තේ පානයට, සංදර්ශන නැරඹීමට සහ පක්ෂීන්ට ආහාර ලබාදීම සඳහා කාර්‍යබහුල වූ බැවින් ඔවුන් හට සවන් දී සිදුවීමක් සංවිධානයට කාලයක් නොතිබුණේය. එම හේතුව නිසා හේලියැන් යී, කුමරුගේ වාසභවනට පැමිණියේ තරමක් වේලාසනින් ය.
ජින්ග් චී මනුෂ්‍ය ලොවට පැමිණෙන විට දසවියැති වූ බැවින් ඔහුට පැවතියේ බොළඳ කටහඬකි, නමුදු ඊටපටහැනිව ඔහුගේ මුවින් පිටවූ වදන්වල වැඩිහිටිබව පැවතුණි. වරින් වර ඔහුගේ වැඩුණු ස්වරයෙන් යුක්තවූ වාක්‍ය ඛණ්ඩ කිහිපයක් අන් අයගේ මුවඟට සිනහවක් ගෙන ඒමට සමත් වන්නේය, නමුත් ඔහුගේ සිතේ පවතින්නා වූ අදහස්වලින් බොහොමයක් පිටකළහොත් එය අසන මිනිසුන්ගේ කේශර ඉහළට නැංවීමට සමත්වනු නිසැකය. ඔහු තමා නොමේරූ අයෙක්බව මවා පෙන්වීමටද අකමැති වූයේය. එබැවින් පසුගිය වසරවල, සම්පූර්ණයෙන්ම අඥාන වූ පින්ග් අ'න් හැරුණු විට වෙනත් මිනිසුන් සමඟ කටයුතු කිරීම සඳහා ඔහු නිවසෙන් පිටවීමට වැඩි ආශාවක් නොදක්වූයේය. තවමත් ඔහු හේලියැන් යී පිළිබඳව යටිසිතින් භීතියක් දැක්වූයේය-ඔහුගේ සිතතුළ අංශුමාත්‍රයක සෙනෙහසක් ඇතිවුවද එය සඟවාගත්තේය-ඔහු කුසීතව අස්ථි රහිතව සැතපීමේ විලාසයකින් කිසිවිටෙකත් අවදිනොවී සිටීමේ චර්‍යාව නිතිපතා පැළඳ සිටියේය. කාලයාගේ ඇවෑමෙන් කිරුළ හිමි කුමරු විස්මයජනක අයුරින් එයට අනුගත වූ අතර, ජ්‍යෙෂ්ඨ කුමරුගේ මරණයෙන් පසු සහ දරුණු රෝගාබාධයකින් පසුව, මෙම පිරිමි දරුවා තමා සමඟ කිසිදු අන්දමේ අමනාපයක් නොමැතිබව පෙනෙන්නට තිබුණත්, කෙසේවෙතත් ඔහුගේ ළමාවිය තුළ පදනමට හානිවී ඇතිබව සිතුවේය. දිනපතා මඳක් වෙහෙස වීමට බලාසිටි, පෙරදී ජවසම්පන්න වූ, කුස පිරුණු දඟකාරකම් සහිතව සිටි ඔහුට මේ වසර කිහිපය තුළදී ඔහුගේ වදන්වලින් පවා අඩුවක් දැනුනි.
YOU ARE READING
සත්වන සාමිවරයා (Sinhala Translation)
Romance"මෙම භවයේදී ඔබ පමණක් මගේ හදවතේ සිටිනු ඇත.. මගේ ආත්මය විසිරී නොයන තාක්, මීළඟ භවයේ සහ ඉන්පසු භවයේදීත් මම ඔබව සදහටම සිහිපත් කරන්නෙමි..." **************************************************** සිය සත්වන පුනර්භවයේදී නැවත අවදි වූ ජින්ග් බෙයියුආන් කුමරු, සෑ...
