හ'ලියැන් යී සහ සෙසු පිරිස පිටව යනතෙක් වූ ෂි නිශ්ශබ්දව පසෙකට වී අසුන්ගෙන සිටි අතර අවබෝධයෙන් සිටියේය.
ජින්ග් චී මොහොතක් ගතවන තුරු කිසිවක් පැවසුවේ නැත. ඔහුගේ හිස මඳක් පහත්කර දෑස් ආවරණය කර ඇතිවිට, ඔහු ඉදිරිපසින් අසුන්ගෙන සිටින්නාවූ අයෙකුට ඔහුගේ සදාකාලික ආකර්ශනීය සිනහව දෙස පැහැදිලි බැල්මක් ලබාගත නොහැකිවනු ඇත. මේ මොහොතේ, ඔහුගේ නිකට තරමක් තියුණු ලෙස දිස් වූ අතර, ඔහුගේ නෙත් කෙලවරෙහි ඇති මඳක් උඩුයටිකුරු බව නිසා ඔහු තරමක් වියුක්ත වී ඇතිබව කෙනෙකුට දැනෙන්නේය.
මඳ වේලාවකට පසුව ජින්ග් චී සමඟ කතාකිරීමට ජී ෂ්‍යන්ග් පැමිණියේය. "ස්වාමිපුතුණි, සූ මෙනෙවිය ජලය මඳක් පානය කොට, ශිචෙනය අවසන් වීමට ආසන්න බැවින් ඇය පිටත් වන බව පැවසුවා"
ජින්ග් චී හිස සැලුවේය. "ඇයව ඇරලවීමට කෙනෙක්ව කැඳවාගන්න.... ඕහ්, හරි, අවසන් වතාවට කෙනෙක් ත්‍යාග වශයෙන් ලබාදී තිබූ ඔප දැමූ කොරල් බඳුන ඇයට ලබාදෙන්න. අධ්‍යයන ශාලාවෙන් තැබූවිට එය දීප්තිමත් කරමින් දිදුලන නමුත් එය වඩාත්ම සුදුසු වන්නේ තරුණ කාන්තාවකගේ නිවසෙහි ප්‍රදර්ශනයට තැබීමටයි"
පින්ග් අ'න් විසින් ශීතල ආශ්වාසයක් ලබාගත්තේය. ආගන්තුකයින් සියල්ලන්ම පිටවගොස් ඇතිබවත්, වූ ෂි අසල්වාසියෙකු සහ නිරන්තරයෙන් හඳුනන අයෙකු බවත් සැලකිල්ලට ගනිමින්, ඔහු ජින්ග් චීගේ සවනට විවේචනාත්මක අන්දමින් කන්කෙඳිරි ගෑමට ආරම්භකළේය. "ස්වාමිපුතුණි, ජ්‍යෙෂ්ඨ කුමරු හට එය මිලදීගත හැකිවූයේ ඉහළ සම්බන්ධතා නිසා පමණයි.. ඔබ නිකරුණේ එය වෙනත් අයෙකුට ලබා දීමෙන්--"
ජින්ග් චී ඇඟිල්ලක් දිගුකොට, එය ඔහුගේ නළල මතට තදකොට ඔහුව ඉවතට තල්ලු කරමින් නොඉවසිලිමත් ලෙස සිය අනෙක් හස්තය සෙලවූයේය. "මුදල් යනු හුදු ද්‍රව්‍යමය ගුණාංගයක්. සිනහවක් රත්‍රං බිළාලයින් දහසක් මිල කළ හැකි බව ඔබ කෙදිනකවත් අසා නොමැතිද? ඔබට කාන්තාවක් කෙරෙහි වුවද එතරම් මසුරු විය හැකියි... මා හට මෙතැන් පටන් සෝදිසියෙන් ඉන්න සිදුවෙනවා ඔබ සමඟ විවාහ වීමට කැමැත්තක් දක්වන කෙනා වෙනුවෙන්."
CZYTASZ
සත්වන සාමිවරයා (Sinhala Translation)
Romans"මෙම භවයේදී ඔබ පමණක් මගේ හදවතේ සිටිනු ඇත.. මගේ ආත්මය විසිරී නොයන තාක්, මීළඟ භවයේ සහ ඉන්පසු භවයේදීත් මම ඔබව සදහටම සිහිපත් කරන්නෙමි..." **************************************************** සිය සත්වන පුනර්භවයේදී නැවත අවදි වූ ජින්ග් බෙයියුආන් කුමරු, සෑ...
