ජින්ග් චී හට පැහැදිලි බවක් ඇතිවිය. තරමක් වේගයෙන් ප්‍රතික්‍රියා කරමින්, ඔහු තම දෑත් දිගුකර සැහැල්ලුවෙන් වූ ෂිගේ දෑස් ඉදිරිපිට හස්තය සොලවා, ඔහු හුදෙක් ඔහුගේ දෑස් විවර කර ඇතිබවත්, සැබැවින්ම අවදියෙන් නොසිටි බවත්, ඒවායේ අවධානය එතරම් නිවැරදි නොවන බවත් සොයාගන්නා ලදී. ජින්ග් චීගේ හදගැස්ම මඟහැරිය එම වාක්‍යය පැවසීමෙන් පසු, ඔහුගේ හිස පසෙකට වී තිබූ අතර, ඔහු නැවත වතාවක් මෝහනයට පත් වූයේය.
අළුයම ආසන්නයේ, මුගටියා වූ ෂිගේ පසෙකින් සැතපී සිටියේ උගේ පිටුපස විහිදාගෙනය. අනෙක් අතට, ජින්ග් චී පින්ග් අ'න් විසින් යමෙකු අත එවා තිබූ නීල වර්ණ වස්ත්‍රයක් අගයමින් සිටි අතර, ඔහුගේ තෙහෙට්ටුව සම්පූර්ණයෙන්ම පහව ගොස් තිබිණි.
ත්‍රිත්ව ජීවිත පර්වතය අසළ අසුන්ගෙන සිටින ශ්වේත වර්ණ කේශකලාපයක් හෙබි හිසක්...
ඔහු වර්ෂ සියගණනක් යින් ලෝකයේ සැරිසැරූ අතර, තවමත් එහි නීතිරීති පිළිබඳව යම් දැනුමක් පැවතිණි. නිදසුනක් වශයෙන්, නවක ආත්මයන් සඳහා එයට ප්‍රවේශ වීමට නොහැකිය. තවත් නිදසුනක් වශයෙන්, වරක් ඔහු පසුකරගෙන ගිය මළ ආත්මයන් සියල්ලෝම ම'න්ග් පෝගේ සූපය පානය කළ අතර, අමතක වීමේ ජලයෙන් සේදී පවිත්‍රව හා නොදැනුවත්වම සිටියහ. එබැවින් ඔහු පර්වතය අසළ අසුන්ගෙන සිටි බව කිසිවෙකුට මතක තිබීමේ හැකියාවක් නොමැත.
එබැවින්, වූ ෂිගේ පෙර ආත්මයේදී ඔහු අවතාර පණිවිඩකරුවෙක් නොවුනේ නම්... ඔහු ආත්ම නෙළන්නෙකු විය යුතුව තිබිය යුත්තේය.
සැනෙකින් ඔහුට සිහි වූයේ පුනරුත්පත්තියේ තටාකයේදී මිනිසා පැවසූ දෙයයි, "ඔබේ ඉරණම මා නිසා විනාශ වූවා" සහ එවැනි දෑ... යින් සහ යැං ආපසු හැරවීම ස්වභාවික නීතිය උල්ලංඝනය කිරීමකි. ඒ සඳහා ඔහු සිය ධ්‍යාන කටයුතු සියල්ල අත් හැරියේද?
ජින්ග් චී ඔහුගේ ඇහිබැම් අතර අවකාශයට මෘදුව තට්ටු කිරීමට හිස එසවූයේ තවමත් අසුන්ගෙන සිටින්නාවූ රුධිරයේ ඡායාවක් මෙනි. බොහෝ වේලාවකට පසුව යලි පියවි සිහියට පැමිණි ඔහු සයනය අසළට වී එහි වැතිර සිටින්නා වූ රෝගී තරුණයා දෙස සංකීර්ණ බැල්මකින් යුක්තව බලා සිටියේය.
VOCÊ ESTÁ LENDO
සත්වන සාමිවරයා (Sinhala Translation)
Romance"මෙම භවයේදී ඔබ පමණක් මගේ හදවතේ සිටිනු ඇත.. මගේ ආත්මය විසිරී නොයන තාක්, මීළඟ භවයේ සහ ඉන්පසු භවයේදීත් මම ඔබව සදහටම සිහිපත් කරන්නෙමි..." **************************************************** සිය සත්වන පුනර්භවයේදී නැවත අවදි වූ ජින්ග් බෙයියුආන් කුමරු, සෑ...
