පිපාවන්ගේ ශබ්දය පළඟානක් මතට වැටෙන්නාවූ ජේඩ් පබළුවල හඬ මෙන් ඇසෙන්නට විය. එය කුඩා එම්බ්‍රොයිඩර් සාප්පුවක් අභ්‍යන්තරයේ සිට, හැපෙනසුළු සහ නොදන්නා සම්භවයක් සහිත කුඩා තනුවකින් ගලා පැමිණියේ ග්‍රාමීය නදියක් විසින් මනුෂ්‍යයින්ගේ හදවත් ක්‍රමයෙන් ඛාදනය කරන්නාක් මෙනි.
ජොව් ස'ෂු නිශ්ශබ්දව ද්වාරය අසළට වී සවන්දී ද්වාරය තල්ලුකොට අභ්‍යන්තරයට පැමිණීමට ප්‍රථමයෙන් පිපාව ක්ෂණයේම නතර විය. එහි නොනැසී පවතින ශබ්දය තවමත් කුටිය පුරා පැතිරගිය නමුත් වාදනය කරමින් සිටි කාන්තාව ඒ වනවිටත් හිස නමා නැඟී සිටියාය. "තරුණ ස්වාමිපුත්‍ර ජොව්"
"ඔබ එතරම් ආචාරශීලී විය යුතු නැහැ සූ මෙනෙවිය" ඔහු කඩිමුඩියේ පිළිතුරු දුන්නේය.
ඈ සැහැල්ලු වේශ නිරූපණයක් යොදා තිබූ අතර, ඇගේ දෑස් අග තරමක් උඩු යටිකුරු වූ ලා රක්ත වර්ණ තට්ටුවක් ඝනකමේ සිට සිහින්වන පරිදි පිටතට විහිදී ගොස්, වළාවන් මෙන් ඇගේ කොපුල් මත විසීරී පැවති අතර හිම මෙන් ශ්වේත වර්ණයෙන් බැබළෙන ඇගේ මෘදු මුහුණ වෙනස් විය.
ඈ කතාකරන කටහඬ ඈ ගායනා කරනවිට වඩා වෙනස් වූ අතර ස්වරයෙන් තරමක් පහත් විය. එය සාමාන්‍ය ස්ත්‍රියකගේ තුෂ්ණීම්භූත සහ තියුණු ආකාරයේ කටහඬක් මෙන් නොව අමුතු ආකර්ෂණයකින් යුක්ත වූවාය.
එම මෘදු සවිස්තරාත්මක වදන්, චලනය සහ නිශ්චල බව යන ද්විත්වයම තුලනය කිරීමේ එම කුසලතාවය ඇය කිසිවිටෙකවත් තම නිවසින් පිටතට පා නොතබා ඇති ධනවත්, අවිවාහක කාන්තාවන්ගේ කුසීතකමද කුසීත පොළඹවනසුළු ඛ්‍යාම ප්‍රභාවක් සහිත වෛශ්‍යාවක් සතු අධර බවද යන ද්විත්වයෙන්ම වෙනස් වූවාය.
ඔහුට සිතින් සුසුම් හෙළීම වළක්වාගත නොහැකි විය - මෙවන් කාන්තාවකට එරෙහි විය හැක්කේ කිනම් පුරුෂයෙකු හටද?
"ප්‍රථමයෙන් ගොස් විවේක ගන්න, චින්ග්ලුවාන්," හ'ලියැන් යී විධාන කළේය. "මා හට ජොව් සමඟ මඳක් කතාබහ කළ යුතුයි"
සූ චින්ග්ලුවාන් වදනකින් තොරව සිය පිපාව තුරුලුකොටගෙන ඉවත් වූවාය. "පැමිණෙන්න ස'ෂු, අසුන්ගන්න." ඔහු හිස මඳක් චලනය කළේය.
YOU ARE READING
සත්වන සාමිවරයා (Sinhala Translation)
Romance"මෙම භවයේදී ඔබ පමණක් මගේ හදවතේ සිටිනු ඇත.. මගේ ආත්මය විසිරී නොයන තාක්, මීළඟ භවයේ සහ ඉන්පසු භවයේදීත් මම ඔබව සදහටම සිහිපත් කරන්නෙමි..." **************************************************** සිය සත්වන පුනර්භවයේදී නැවත අවදි වූ ජින්ග් බෙයියුආන් කුමරු, සෑ...
