في الصباح الباكر بالتحديد في بيت الجد عامر كان هوا وزوجته ام عامر في الحوش ندا ابو عامر حفيدته اللي يحبها (كل اولاده عنده عايشين في بيت واحد لان البيت كبير ولانهو كبير في السن فيحتاج إلى الرعايه ) ...:ريم ياريم تعالي وانا ابوكِ..
سمعت صوت جدها الي تحبه فراحت عنده :صباح الخير
الكل :صباح النور.
الجد :وين القهوه؟.
ريم :الحين.
الجد:ولا ماتطيب القهوه إلا من يدك.
ريم :ابشر بأحلى اقهوه.
نوف جت :ونا؟.
الجد بحنان :انتي الزين كله
نوف بزعل متصنع:صدقت
الجد بجديه :كيفك عاد إلا اذا انتي كنتي تضنين انو انتي منتي مزيونه بكيفك..
نوف :لا والله امزح
جا سامر تنحنح علشان بنت عمه تتغطى ..ودخل على جده : السلام عليكم
الكل :وعليكم السلام
الجد: ياهلا بولدي تعال اجلس
سامر :اروح اشرب مويه وارجع
واتجه للمطبخ سمع بنت تغني ..تنحنح تغطت ريم :ادخل ياسامر
دخل سامر :السلام عليكم.
ريم : وعليكم السلام
شرب مويه وطلع
بعدها جو الحريم وبدا يساعدون بعض في تجهيز الفطور ..اللي تسوي الخبز ...واللي تسوي الإيدام ..واللي تساوي الشاي ..
كان دائماً فطور الحريم لحالهم وفطور الرجال لحالهم علشان ياخذون راحتهم بالاكل ...على السفره ..
ابوعمر :عمر علامه ولدك ماياكل ؟
عمر :عيا اقوله ياكل ورافض ..
ابو عمر بحنيه على حفيده اشر له يجي عنده:ليه ماتبغا تاكل ماعجبك الاكل .
فارس :ابغا حليب مع الشاهي بس مافي .
ابو عمر :بس ابشر ولا يمهك
هز الصغير راسه...ابو عمر :ثامر
ثامر لف على عمه:سم ياعم
ابو عمر :سم الله عدوك ..صب لفارس حليب
صب ثامر نص الكاس علشان فارس ماينكب عليه ..وعطاه
الجد كالعاده في محاولت تزويج احفاده :إلا ماقلت لي يامحمد متى ناوي نفرح فيك ؟
محمد :ياجد الحين ابي اسئلك ..؟
الجد :تسئل وش ..!
محمد :انت الحين مانت مركز على غيري ياخي شف واحد من اولاد اعمامي .
الجد :انت اكبرهم
محمد :والله اني مااريد ازعلك لاكن انا ماابغا الزواج الحين .
الجد:باغي سنه وتدخل ٣٠ ونت تقول ماابغا الزواج الحين .
محمد سكت ..وتذكر كل شي ..
**
عند الحريم ..
ام ريم :يمه ريم حبيبتي ناوليني الخبز
ريم ناولت امها :خذي يمه
كانو البنات على جنب السفره اما ام ريم وام عامر وام سامر والباغي فكانو على جنب السفره الثانيه ..كانت الكل ياكل ماعاد هي انتبهت لها البنات ..ريم :الجازي ..الجازي ...الجازي انتبهت لها :هلا
ايهام:علامك سرحانه وحنا نسولف من الاول ..؟
ريوف بغمزه:مشتاقه له ...
البنات :ههههههههههه
الجازي :خايفه..
البنات سكتو من الضحك واستغربو تخاف من وش..نوف :تخافين من وش .
الجازي بضيق:بتضحكون علي..؟
الكل :لا
الجازي :اخاف مااجيب عيال لانو انا ثلاث سنين متزوجه وما حملت وبدأت اخاف اني مااقدر اجيب عيال ..
ريوف تضربها على كتفها بخفه:وش تقولين انتي مو انتي وزوجك متفاهمين واصلن ماهو عيب اذا ماجبتي عيال وكل شي مكتوب ومقدر بيد رب العالمين ليه تخافين ابي افهم ..؟
الجازي :لاتسوين نفسك ماتعرفين امه سوسه تدور على اي زله علشان تخلينا نطلق وتزوجه بنت اختها نور .
ريم :لاتوسوسين وان شاء الله مافيكي إلا العافيه .
الحريم بدأو يشوفون بناتهم جوهم تغير فجأه..ام سامر :علامكم يابنات وش فيمكم ليه وجيهكم كذا
ريوف بتصريف :لايمه حبيبتي بس كنا نبى نسوي حلا اليوم بس ماهو متوفر كل اغراضه.
ام سامر :خلاص ولا يهمكم العصريه بقول لسامر يجي وياخذ طلباتكم بس لا تزعلون.
البنات تصنعو البسمه:ان شاء لله
واكمل فطورهم وبعد ما خلصو كالعاده ساعدو بعض وناد ابو ريم "عبدالله"البنات يشيلون الفطور ..بعد ماتجمعو الرجال بمجلسهم جلسو شوي وبعدها قال ابو ريم :فارس ونا ابوك رح جب القهوه .
فارس :ابشر
واتجه باخذ القوه سمعهم يسولفون :احمممم
ريم عرفت بانه صوته واتجهت له :صباح الخير
فارس باس راس اخته:صباح النور..
ريم :تبي القهوه صح
فارس بإبتسامه:اي والله
ريم :تعال الحقني المطبخ
واتجهو للمطبخ ...عطته القهوه ..وقال لها:اليوم بنطلع نتمشي نحنا الشباب شوي وماظن عندي ثوب نظيف البسه ..
ريم :انت الحين ود القهوه وبعدها رح جيب اثيابك اللي تحتاج تنظيف علشان انظفهم لك ..مسكت بأذنه..وثاني مره كل ماغيرت ثوب جيبه سمعت ولا لا .
فارس وهو يتألم:حاظر توبه مااعيدها ..
دخلت امهم وهي تشوفهم هم وهبالهم وتدعي ان الله يخليهم لها :فارس هلا يمه
فارس لف جهت الباب:هلا بالقمر .
وراح باس راس امه :ها شلونك بعد صداع امس ..؟
ام ريم :الحمد لله زينه .
فارس بغمزه:ايه بتكونين بخير والحب ساهر عليكي طول الليل وخايف عليكي .
امه صارت خدودها حمراء من الخجل :عيب ياولد متى تتأدب .
ريم تضحك على امها :ههههههههه شف يافارس الام كيف صارو خدودها .
فارس :اويلي لو يشوفك ابوي ليخلينا ويروح .
واخد القهوه والتمر وهج لمجلس الرجال ..امه تتوعد فيه :هين دواك
عندي يافارس .
ريم اخذت القهوه حقت الحريم وطلعت بخفه من ورا امها علشان لايجي دورها ..لفت ام ريم تبي تكمل على ريم بس ماشافتها :ونتي بعد الثانيه هجيتي انا اوريكي .
**
في المجلس كان العيال يسولفون لحالهم والشيبان لحالهم بس قاطعهم ابو سامر اللي يقول :سامر ونا ابوك رح انت وخوك تطمنو على الحلال ..ونت يا فارس خذ معك اثنين يساعدونك في المحل (لهم محل يبيعون فيه البشوت والقمصان والاشمغه والخناجر والسيوف) وقام كلهم ماعاد بقى إلا زايد فقرر يروح عند المحل قام يبي يطلع من عندهم وقفه ابوه :زايد ونا ابوك روح شف اذا كان ناقص الحريم شي جيبه معك ولا تتأخرون ابد صلاة الظهر باقي عنها نص ساعه وتناوبو علشان البيع .
زايد :ابشر يبه ..
زايد مر من عند الحريم تنحنح وطلعت له امه:هلا يمه امر بغيت شي؟ .
زايد :ما يامر عليكِ ظالم ابد بس كنت رايح مع العيال واقال ابوي اشوف اذا ناقصكم شي ..
ام ريم :ريم ..ريم يمه تعالي .
جت ريم :هلا يمه .
ام ريم :شوفي وش ناقصنا واكتبيه لخوكِ.
ريم :انشاء الله..
راحت بالاول تشوف اذا البنات يبون شي وبعدها راحت المطبخ تشيك اذا كل شي موجود بعد ماخلصت رجعت وعطته الورقه ..
زايد متصنع الصدمه:اويلي ويلاه وش ذا كله ..!
ريم :خير اخوي فيك شي ترا كله ورقه مربعه صغيره ما بتضرك ؟.
زايد بكذب :بس ماعندي فلوس لكل هاذا .
ريم راحت تبي تعطيه فلوس ..مسكها من يدها :امزح وش بلاكِ هههههههههه.
ريم تسحبه من شعره الكثيف :تكذب مره ثانيه ياويلك مني .
زايد بألم :توبه مااعيدها والله بس شوفي اذا مالقيت بعض الاغراض وش اسوي .
ريم :خله وبس .
زايد :طيب مع السلامة.
ريم :بحفظ الرحمن.
وراحت للبنات يكملون سوالف ..بنص الجلسه كان باين على الجازي التعب بعد ماجتهم من بيت زوجها ..نوف :الجازي علامك ليه وجهك كذا مصفر وهلكانه .
الجازي بتعب :ماادري .
ايهام:زوجك قال لك بعد يومين بيجيك وهاذا اليوم الثالث يعني بيمرك اليوم صح.
الجازي تهز راسها بس ..البنات خافو ما كانت الجازي كذا ابد كانت دائمًا نشيطة ..بعد دقائق وصل زوجها "فلاح"وتوجه لمجلس الرجال
**
في المجلس...
دخل عليهم :السلام عليكم .
الكل :وعليكم السلام .
وسلم على عمان زوجته وابوها وسئلو بعض عن احوال بعض وبعد شوي ناظر لساعه اللي في يده ..ابو عمر :علامك ياوليدي كل شوي تناظر في ذي الساعه ..؟
فلاح :والله ياعمي مشغول وابغا اخذ الجازي معي جيت علشانها بس كيف اروح اقول لها .؟
ابو عمر :ولا يهمك الحين اروح اقول لها تجهز .
فلاح كان متوتر بس محد يدري ليه كانو يشوفون المسبحه في يده كيف يعصرها من التوتر ..قال له الجد :استريح يبه الحين بتجي .
فلاح ابتسم له بخفه ..طلعت ابو عمر وراح للمجلس وقال :فلاح الجازي تنتظرك .
وسلم عليهم وتوجه الجازي اللي كانت عند السياره :السلام عليكم
الجازي تحاول تخفي تعبها:وعليكم السلام .
فلاح بخوف :علامه صوتك كذا ؟
الجازي ماردت ..اخذ شنطتها الصغيره وحطها ورا ..للحظه انتبه لها انها بيغمى عليها ...اتجه لها بسرعه وهو مايشوف شي من الخوف مسكها وينادي باعلى صوته:الجازي ..الجازي
مافي رد سمعهم ابو عمر واخوانه وراح وبسرعه ....
