عبد الرحمن دخل البيت ويشوف عمته وصايف جالسه وباين انها زعلانه ولابسه عبابتها وفي شي.. :السلام عليكم.
ابو عبدالرحمن ووصايف:وعليكم السلام.
عبد الرحمن جلس :علامك ليه وجيهكم كذا صاير شي؟.
وصايف:ماسمعت الخبر؟ .
عبدالرحمن :لا وش هو خبره بعد؟.
ابو عبدالرحمن :حفيد عمر سوا حادث ودخل في غيبوبه.
عبدالرحمن :سلامته بس متى؟.
وصايف : الله يسلمك.. امس اضن او قبله.
عبدالرحمن :طيب ليه زعلانه؟.
وصايف :كيف ماازعل كنت ابي اروح اشوف البنت ونخطبها لك بس مانقدر نفاتحهم بالموضوع وذا حالهم.
عبدالرحمن :خليه اجل بعد مايطيب..
ابو عبدالرحمن :سامر.
عبدالرحمن :سامر وتصير الفرحه فرحتين.
ابو عبدالرحمن :صادق اقعدي لين نسمع له خبر زين ونشوف.
< مرت الايام و الأسابيع اللي اخذت معاها كل شي الفرحه والسعاده كانت ايام ثقيله مره وصعبه على العائله اللي ابداً ماتوقعو يعيشونها لاكنهم راضين ومايئسو من رحمه ربي انه بيخلي سامر يقوم كانت البيت من كثر ماهو هادي ومافيه فرح كأن مافيه اهل كأنه مهجور او اهله ميتين او انه مايسكن فيه احد >
=بعد مرور شهر وثلاثه عشر يوم =
الساعه ٢ الظهر
كانو في المجلس والهدوء والصمت سيد الجو..
دق تلفون البيت.. قام فارس يرد..
المتصل :ألوو.
فارس بأستغراب :ثامر.. هلا.
"يجلس عند اخوه وبعض الاحيان يجي البيت"
كل المجلس لف على فارس..
ثامر يتكلم بفرحه كبيره:فارس.. قام يافارس قام.
فارس تضارب شعوره :من؟.
ثامر :سامر قام قول لأبوي يجي.
فارس يضحك من الصدمه :الحين.
وقفل وراح لعمه المستغرب وحظنه:سامر قام ياعمي خلينا نروح بسرعه.
الجد بفرحه:اسئلك بالله.
فارس :والله.
زايد : يالله وش ننتظر ؟.
ابو سامر مقدر ينطق بكلمه وطلع وهو ينادي على زوجته.. طلعت ام سامر مفزوعه من صراخه:خير عسى ماشر وش صار؟.
ابو سامر وعيونه تدمع :روحي البسي عبايتك بسرعه وقولي للكل يلبس بنروح المدينه.
ام سامر:سامر فيه شي؟.
ابو سامر :سامر صحى بسرعه.
ام سامر رجعت للبنات :بسرعه البسوا عباياتكم بنروح المدينه سامر صحى.
الجده :اللهم لك الحمد والشكر.. يالله قمن البسن.
وراحت كل وحده تلبس عبايتها والفرحه مب شايلتهم..
***
ابو ريم :روح جري يازايد لبيت محمد قل له يلحقنا.
زايد مارد على ابوه وطلع وهو يركض للبيت..
***
محمد جالس يسولف معا اريوف اللي متغيره وصايره هاديه عكس قبل.. محمد :و...
مامداه يكمل إلا والباب يندق بقوه.. ريوف بخوف :بسم الله من ذا اللي يدق الباب كذا.
محمد عصب من كثر الدق :الحين اشوف من هو ذا الكلب.
زايد سمعه :انا كلب.
محمد عرف صوته وضحك وزايد ضحك معه.. زايد :مافي بشاره اجل.
محمد : حلوه ولا لا.
زايد:تخليك تطير هههههههه.
محمد :قول نشوف.
زايد :سامر.
محمد بملامح بخوف :وش فيه.
زايد :أعوذ بالله.. مافيه الا العافيه بس صحى وقال ابوي تلحقونا.
محمد :قول والله.
زايد :ولله يالله بسرعه.
وراح ريوف كانت تسمع وراحت لبست العبايه والبرقه.. بدموع :جاهزه يالله.
محمد :تعجبني سرعتك هههههه.
ريوف ضحكت وهي تبكي :هههههه يالله.
وطلعو من البيت.
