ابو سامر بسرعه:من وين نلقى طيب؟.
الممرض :بنك الدم عندنا خلص منه ذي الفصيله لازم تشوفون من المدينه.
محمد كان عند باب غرفه العمليات.
سامر طلع لقسم الرجال :من فيكم فصيله دمه O+.
... :انا.
سامر :تكفى محتاجين تتبرع لا اخوي.
... :ولايهمك.
قام الرجال معا سامر وراح للممرض.. سحب منه الدم.. ابو سامر :نفسه ولا لا.
الممرض ابتسم :نفسه نفسه.
اخذ الدم وركض لغرفه العمليات.
ابو سامر لف على الرجال :مابنسى وقفتك.
... :ولا يهمك.. بس وش فيه؟.
ابو سامر :ابني تصاوب.
الرجال يقوم... :الله يقومه بالسلامه.
طلع من عندهم.. توجهو لغرفه العمليات يستنون.
***
عند الحريم.. بعد ماهدا الوضع.
ام سامر :وش يصير في عيالي بالأول سامر سوا حادث والحين ثامر واحد ماندري من هو اطلق عليه النار!؟.
الجده:لا تفاولين مافي شي وهذا مكتوب ادعي الحين لثامر.
ام ريم:بالغصب هدت نوف.
الجده:من يلومها شافت كل شي بعينها اذا نحنا كنا هنا ومتنا من الخوف كيف هي.
***
في المجلس..
دخل فلاح بسرعه وجه صاير الوان ومرعوب.
فلاح:وش صار من أطلق النار؟.
ابو عمر :هد واجلس.
"الجد راح لغرفته من زمان علشان يرتاح وينام للادويه بعد إلحاح من ابو عمر "
فلاح :وش صاير ياعمي سمعت الصوت من بيتكم؟.
ابو عمر :حرامي حسبي الله عليه اطلق النار على ثامر وهو الحين في المستشفى.
فلاح :مين راح معه؟.
فارس شاف عمه تعبان فجاوب :محمد وسامر وعمي خالد.
زايد :روح ياعمي ارتاح انت وابوي انا وفارس هنا ماعليك.
ابو ريم :لا انا مافيني نوم.
ابو عمر :روحو انتو نامو الساعه باغي شوي وتصير ٩.
فلاح :زين استأذنكم باين اني ازعجتكم.
ابو عمر :اذنك معك.
طلع فلاح وهو يتنفس براحه يسحب ان الجازي ولا بنته ريما صار فيهم شي.
***
عند البنات للحين مانامو.
نوف كانت هي الوحيده اللي نايمه..
هدى:اقشعر جسمي يوم شفت وجهها.
ريوف:ماادري الحين كيف حال اخوي.
الجازي :الله يقومه بالسلامه.
إيهام :أظن انهم للحين مارجعو.
***
في مكان بعيد في منطقه شبه صحراويه..
... ١:الفلوس كثيره.
...٣ :بتنقسم بينا نحنا الثلاثه.
... ٢:انا بكون اكثر لاني انا اللي سرقتها.
...١:حقك.
... ٣:انت ماسرقتها انت اخذتها غصب عنهم.
وضحكو ..
***
في المستشفى..
محمد:روح انت ياعمي انا وسامر بنجلس هنا.
"ثامر طلع بس بعده نايم من أثر البنج.. هم في غرفته".
ابو سامر يمحس على وجه.. ناظر لثامر :اذا صحي وطمنت عليه رحت.
سامر اخذ مفتاح السياره ومسك يد ابوه :معليك انا هنا اذا صحى دقيت عليكم يالله يبه باغي شوي وتنام.
ابو سامر:عطني المفتاح.
سامر :لا انا بوديك وبعدها برجع.
طلع ابو سامر وسامر للسياره وركب يودي ابوه.
بعد دقايق في غرفه ثامر صحى وهو يتكلم بدون وعي بسبب البنج:لا تخلونه.
محمد قام بسرعه عنده من سمع صوته :من؟.
ثامر :هو.
محمد تنهد بتعب وهو داري انه آثار البنج :ريح.
