عبدالرحمن :وش تقولين انتي وش تخربطين به؟.
إيهام تتكلم وهي تبكي :ساره قالت لي كل شي.
الحين عبد الرحمن فهم : وش قالت لك بالظبط؟.
إيهام :مايهم المهم اني عرفت وش بينك وبينها.
عبدالرحمن يمسح وجه بيدينه :اقعدي افهمك.
إيهام :لا مابقعد.
عبدالرحمن :اقعدي واسمعي بعدها قرري.
إيهام جلست.. عبدالرحمن :هاذي وحده تحبني ونا مااحبها حتى امها تبيني لها ونا ماابيهم والي قالته لك كله كذب في كذب انا حتى مااطيق اشوف وجهها وش ابي بوحده ماهي سنعه؟.. مسك يدها.. انا اخترتك انتي مااخترتها هي.
إيهام هدت :يعني اللي قالته كذب بس علشان تخلينا نفترق؟.
عبدالرحمن :اي كله من تحت راسها هي وامها الحيه بس لا تعطينهم وجه.
إيهام هزت راسها :طيب.
عبدالرحمن يتأمل عيونها :عيونك حلوه.
إيهام ابتسمت.. عبدالرحمن :اي كذا من اول.
***
في بيت الشيخ..
الكل مجتمع..
علي:سمعت وش صار بينكم وان ساره طولت لسانها عليكِ وغلطت.
وصايف :كلمه وان قالت وانتهينا.
علي :مابرضى لين تعتذر منك.. وناظر ساره اللي منزله راسها.. اعتذري لعمتك.
ساره وراسها بعدها نازل :آسفه ياعمه.
وصايف ابتسمت :ماعليه.
نوره كانت تتقوهى ومتجاهلتهم وكأنها ماسوت شي.. علي:اعتذري انتي الثانيه.
نوره تناظره بصدمه :انا.. ماسويت شي غلط ليه اعتذر؟.
علي بهدوء : كلمه ومابثنيها اعتذري.
وصايف :ماله داعي ي علي خلها.
علي:تعتذرين ولا...
نوره بحقد :السموحه..
وصياف ابتسمت..
ابو عبدالرحمن :حصل خير.
وقام وقامت اخته معه:يالله الوقت تأخر نشوفكم على خير.
وطلع وطلعت أخته معه..
علي:والله ثم والله ثم والله لو سمعت شي عنكم انتم الثنتين لابالعقال سامعه انت وياها.
نوره:زين.
وقامت غرفتها وخلت حتى بنتها الصغيره.
ساره :آسفه يبه ماكان ودي توصل لذي المواصيل.
على ابتسم :لا عاد تعيدينها ونا ابوك.
ساره :ان شاء الله.
***
في المستشفى.. دخل وهو خايف..
ناظر فيها واتنفس براحه لا شعورياً.. انتبه لعمه وعمته :السلام عليكم.
ابو صقر :ياهلا وعليكم السلام.
رعد ناظرت فيه وعرفت من ملامحه انه خايف..
ابو صقر :مبروك ماجاك والله يطول بعمرهم.
عمر مستغرب ليش يتكلمون وكأنها جابت اثنين :الله يبارك فيك.
ام صقر :الممرضه قبل اشوي ودتهم.
ابو صقر :يالله نحنا نستأذن الوقت تأخر.
وكان بالفعل الوقت تأخر كان الساعه ١١ وهم متعودين ينامون بدري.
طلعو وصقر كان برا جا بعد عمر علشان ابوه وأمه وحرك اول ماركبور.
"امها كبيره سن ماتقدر تجلس معاها ورعد أصرت عليها تروح ترتاح"
عمر :وينها؟.
رعد والدموع في عيونها :وهو؟!.
عمر :وش الي وهو؟.
رعد :انا كنت حامل بثنين بنت وولد.
عمر جلس وقت طويل علشان يستوعب.. دمع عيونه وابتسم :وينهم الحين؟.
رعد :اخذتهم الممرضه علشان ينامون.
عمر :بروح اشوفهم.
وطلع بسرعه متوجه للحضانه يبي يشوفهم مايقدر يصدقهم.. شاف دكتوره وسئلها من منهم هم عياله وعلمته الدكتوره.. جلست يتئملهم من ورا القزاز وعيونه مليانه دموع :الحمد لله.
رجع لرعد.. رعد :شفتهم؟.
عمر ابتسم براحه عميقه ظن انه بيفقدها نفس ماكان رح يفقدها المره الاوله :شفتهم مثل القمر.. الحمد لله على سلامتك ما امداني اسئلك من الخوف.
رعد ابتسمت له :الله يسلمك.. خلاص الحين تطمن.. وينه فارس ليه ماجبته؟.
عمر :نايم.
رعد :اتعبك اعرفه مايخلي احد.
عمر :ايه هو متعب بس عمانه يأدبونه.
رعد :روح ارتاح انا مابيكتبون لي خروج إلا بكره.
عمر قام :بروح اجيب نوف.
رعد :لا لا خلها يمكن نايمه.
عمر :لا ماهي نايمه قبل اشوي خلص العرس.
وطلع متوجه للبيت.
