في الصباح في بيت الجد عمر.
كانو الكل على الفطور ...
ابو سامر :سمعت ان الجار القديم رجع ديرته وباع البيت تعرفون من اللي اشتراه.
محمد :انا اشتريته .
الجد بأستغراب :ليه ؟.
محمد لف على ابو سامر :إذا تسمح لي ياعمي بعد الزواج باخذ ريوف ونعيش في بيت لوحدنا .
ابو سامر :والله ونا عمك هاذي حياتكم ونتو احرار اللي يريحكم سوه .
ابو عمر:ازين من انك تبعد زين مخترت.
سامر كان جنب محمد من على اليمين وفارس على اليسار ..سامر بصوت واطي:مستعجل اجل .
فارس كتم الضحكه بس ماقدر انفجر وانفجر سامر معه ..
الجد بعصبيه :علامك انت وهو .
ابو ريم :خلهم يبه وافطر اوديك السوق .
وكملو الفطور ...
"نسرع الاحداث ..قبل العرس بيومين"
بعد الغدا..
ام سامر:الحمد الله جهزنا كل شي .
الجده :زين .
فاطمه ناظرت ريوف :يازين اللي كبرو وتزوجو .
ريوف صار خدودها احمر .
ام عمر :انا بخلي بناتي عندي .
ام ريم : لا تخافين بيجي نصيبهم .
الجده :كل شي ونصيبه وش فيها اصلن خليهم عندي احب البنات انا.
فاطمه :البنت زينت البيت .
اما البنات فأنسحبو من زمان وراحو توجهو لغرفتهم .
ريوف تطالع بفستانها اللي كان معلق ..
إيهام :متحمسه وربي .
ريوف :متوتره احس بطني يعورني .
ريم :بنات مين شافت ربطت شعري .
هدى:شفتها كانت بين ملابسنا .
نوف :بنات الضيوف بيكونون كثار ولا .
ريم :ابد بس عزمو القبيله كلها .
هدى:متحمس ودي اشوف ابوي وهو جنب عماني يلعبون لعب القبيلة.
وتركو ريوف اللي خايفه ومتوتره من حياتها الجديده .
***
في المجلس ..
الجد :تجهزو بكره بنروح وننصب الخيمه ونفرش الفرش الاحمر .
ابو سامر :الذبايح جاهزه وحنا اللي بنسويه .
ابو عمر :انا اعرف واحد يطبخ وطبخه زين بنخليه يسوي العشاء لا تعبون نفسكم .
ابو ريم :والحريم عشاهم معنا .
الجده :اي بيكون معنا والقهوه بيسوونها زايد وفارس ونت يامحمد بتكون اول الحظور وسامر بيكون معك هو وعمر ونت ياثامر شيك على المعازيم وشف كم صحن بيكفي وحط للحريم الي يكفيهم .
ابو عمر :ماقال لكم عمر متى يجي ؟.
سامر :إلا قال ياعمي بيجي هو بكره وحرمته بتجلس معا البنات
***
في بيت ام فلاح ..
فلاح ينادي على الجازي اللي في المطبخ طلعت وهي تمسك على بطنها اللي صار كبير شوي وباين :يالبيه.
فلاح مسكها من يدها :كيفك اليوم ؟. 'كانت مصدعه امس '
الجازي ابتسم له :بخير معليك .
جلسها وجلس جنبها :وين امي ؟.
الجازي :كالعاده راحت نامت بعد الغدا .
فلاح يلمس بطنها :يتحرك تحسين فيه .
الجازي ابتسمت :اي حط يدك وشف ..
فلاح حط يده على بطنها وحس بحركه خفيفه ناظر فيها وعيونه تلمع من الدموع من يلومه استني مايقارب ثلاث سنين وهو يتمني انه يصير اب وللحين ماهو مصدق انه بيسمعه صوته وهو يبكي ويشوفه بعد شهور ..:اللهم اني استودعتك فرحتي .
الجازي تضحكه :تخيل وش اشتهيت اليوم .
فلاح :وش اشتهيتي اشوف اذا ابني متعبك ؟.
الجازي :اشتهيت برتقال رحت اشوف بس مالقيت في المطبخ .
فلاح يقرب من بطنها :بسيطه تبي برتقال بس لا تعب امك علشان لا تعصب وتحط عصبيتها فيني ترا مالي دخل وانا ابوك .
الجازي تضحك :من الحين تتفقون اجل ههههههه.. طيب لو بنت.
فلاح يبوس جبينها وهو حاط يده ورا ظهرها ويده الثانيه ماسك يدها :لا بس اخليه يعرف ان امه غاليه.. يازينها .
