'يوم العزا'
اليوم اللي بدال ماتصير الذبائح حق سلامت سامر وفرحهم فيه انه قام.. صار لاام فلاح اللي ربي أخذها..
عند الحريم..
الجده بحزن لأنها ماعاد رح تشوف صديقتها اللي ضلت صداقتهم سنين.. قالت في نفسها:الله يرحمها ويغفر لها ويسكنها فسيح جناته.
كان مجلس الحريم كل ماتطلع وحده منهم يجون ثنتين بدالها..
***
في مجلس الرجال..
كان فلاح بصدر المجلس والمعزين يروحون ويجون...
جلسو وهو يحس الوقت طويل ولاهو راضي يتحرك كأنه وقف.. بعد صلاة الظهر حطو الغدا للمعزين واعطو الحريم صحونهم..
َ
***
بعد صلاه العشاء في بيت الجد..
في المجلس.. فلاح :سامحنا ياخوك ما قدرنا نفرح بسلامتك. "يقصد سامر".
سامر :ماهو ضروري.
الجد :قدر الله وما شاء فعل.
فلاح :ونعم بالله.
قام :يالله انا استأذنكم.
ابو عمر :وين؟.
فلاح :بروح البيت اريح.
ابو سامر :العيال مجهزين لك فراش بتنام هنا لين يخلص العزا بعدها بكيفك.
مافيه حيل يرادد:طيب بروح ابدل ثيباي وارجع.
محمد:بروح اسئل الجازي اذا جابت لك.
طلع ينادي اخته.. دقايق وطلعت.. الجازي :هلا بغيت شي؟.
محمد :جبتي لفلاح ملابس؟.
الجازي :اي جبت استنى شوي.
راحت جابت له ملابسه وطلعت.. مدت له ملابسه:وينه هو؟.
محمد :خليه معك بناديه..بصوت عالي.. فلاح تعال.
فلاح طلع توجه له :هلا.
محمد :خذ الملابس معاها.
بعد محمد "الجازي كانت وراه" وراح للمجلس.
فلاح :ناقصكِ شي.
الجازي تهز راسها بلا عطته ملابسه.. :اكلت شي لا صح؟.
فلاح :ماني مشتهي.
الجازي :بروح اسوي لك عشا وبتاكل وما ابي اسمع شي.
فلاح يبوس راسها :ماله داعي والله مو مشتهي المهم انتي تاكلين علشان الي في بطنك.
الجازي :طيب ونت كل لك شي علشاني وعلشان اللي في بطني.
فلاح شافها مصره :خلاص طيب.. بس كيف بتجيبينه؟.
الجازي :روح المجلس وقول لمحمد يجي ومعليك.. روح بدل بس لا تنام.
فلاح ابستم على حنانها :طيب.
راح للمجلس يقول لمحمد وبعدها راح لغرفه العيال يبدل.
'بعد اسبوع من العزا'
في بيت ابو عبدالرحمن.. كانت عمه عبدالرحمن وحرمت الشيخ "اسمها نوره" جالسات يسولفون وعبد الرحمن بينهم "بنت جده الثاني يعني عمته ومتزوج بالشيخ ابن عمها"
وصايف :خلاص بقول لا ابوك تتقدمون لها رسمي والله اشوفها احسن بنت لك.
نوره:بتخطبون لعبد الرحمن؟.
عبدالرحمن :اي بخطب.
نوره تناظره بسخريه :ومن بتخطب؟.
عبدالرحمن يناظرها ويدري يمكن تخرب لأنها تبيه حق بنتها ساره :بخطب بنت ابو عمر عندك مانع؟ .
نوره :الحين ليه انت ماتاخذ من مواخيذك؟.
عبدالرحمن :وش فيها البنت فيها عيب؟.
نوره:ماهي من ثوبنا انت عمك شيخ ورا ماتاخذ لك وحده من بناته. "تقصد زوجها"
عبدالرحمن بعصبيه :راضي فيها..ونا ماابي وحده من بناتك وبكيفي انا اللي بتزوج ولا انتي.
وصايف :ياجماعه هدو السالفه مافيها شي.
نوره :احترم نفسك ولا تقل أدبك معي.. وبناتي الف رجال يتمناهم.
عبدالرحمن :ونا مو من ضمنهم.. والله ياعمه ان جبتها هنا وشكت منك أو من وحده من بناتك ماتلومين إلا نفسك.
دخلت ساره واختها الصغيره معاها "ماتتغطى من عيال عمها" :وش سوينا.
عبدالرحمن :والكلام لك انتي بالذات.
ساره بدلع ينرفز:البنت لاابن عمها ونت بتاخذ وحده ماهي من بنات عمك.
عبدالرحمن :بكيفي حياتي ونا حر.
نوره :البنت ساحرتك انت.
عبدالرحمن يناظر فيها ويرفع يده السبابه "يهددها" :لا تغلطين على البنت وطلعينها بالشينه.
ساره بسخريه :يمه شكله يحبها وباين انه بيموت عليها.
وصايف :أعوذ بالله وش تقولين انتي؟.
ساره :والله هاذي تربيتك ياعمه.
"وصايف هي اللي ربته"
عبدالرحمن مسكها من شعرها :إلا عمتي ادفنك حيه وادوس فوق قبرك ياقليله الأصل.
ساره تبكي :يمه شعري.
عبدالرحمن دفها بعيد عنها.. قال يبي يقهرها:واذا على حبي لها اي احبها واموت فيها بنت اخلاق وسنعه مب مثلك حتى ماتعرف تسوي اقهوه.
وطلع من البيت وهو مايشوف بطريقه شي من العصبيه راخ لااخوياه.
نوره راحت لبنتها اللي تبكي من القهر "تحبه من طرف" :جعل يده الكسر ان شاء الله قليل الخاتمه.
ساره:صدعت من وراه.
نوره :اعلم ابوكِ يتفاهم معه.
وصايف :وليه تطلع السالفه من بينا خليها بينا ونحلها بينا.
نوره تناظرها :ماعاد ينفع واحد بيصك الثلاثين ولحيته بوجه تبينا نتفاهم معه وكأنه ورع.
وصايف :ترا ان طلع بيكبر وقولي ماقلت.
ساره ترفع صوتها :أعلمه انا.
ولبست العبايه وطلعت هي وامها واختها الصغيره.
