دخلت ام ريم وبناتها وراها.. ريم شافت ابوها وراحت بسرعه ركضت عنده :يبه فيك شي؟.
ابو ريم :لا يبه اجلسي..
جلس الكل.. فارس :يلا قول اجتمعنا..
هدى:وش صاير؟.
ابو ريم :اللي صاير انا انا كنت بعمر ٢٠ وابوي حلف لاابو امكم اللي هو جدكم انه انا أخذها ونا ماكنت ادري وفي يوم جاني ابوي وعلمني وكنت معصب بس حلف علي ان مااخذتها لاهو ابوي ولا انا ابنه فنجبرت اني اتزوجها وماكنت اطيقها ابد بس معا الايام تعودت عليها وبديت احبها.. صح ان ابوي حسيته غدر فيني وماعبرني ولا خلاني اختار شي حلو او زين بحياتي بس ربي عوضني فيكم.. ونا للحين مانسيت وش سوى فيني ماهو حقد او كُره بس ماقدرت.
فارس:ليه يايبه ما قلت لنا من الاول؟ .
ابو ريم :امكم رفضت بس لين متى ونحنا نخبي احسن انكم تعرفون من ولا من غيرنا.
لفو على امهم اللي عيونها دمعت.
زايد :الحمد لله على حسبالي في مصيبه بس تدري يبه المهم انك حبيتها ولا ضلمتها.
ابو ريم براحه:انا لو اني داري ان هاذي من الاول رده فعلكم كنت من زمان تكلمت.
هدى:حسيت عظامي ترجف من الخوف الله يسامحك يمه.
ابو ريم :ليه وش سوت؟.
ريم :ابد خطفت قلوبنا من ملامح وجهها.
ام ريم تمسح دموعها :حتى انا خفت ترا ما كنت ادري وش صاير مب بس انتو.
هدى :خليني اروح الحين للبنات.
ابو ريم :لا خليكي ابي اسولف معكم من زمان على قعدتنا سوا.
هدى:اجل السالفه في سوالف يعني خلاص بجلس.
ريم :يبه هاذي لو تسولف من هنا لين بكره ماتشبع.
فارس :زين علمتينا.
زايد :خلوها ونتو وش عليكم.
هدى تروح وتجلس جنب اخوها :اي هاذا الأخ اللي مايخلي اخته كفو.
الكل:ههههههههه.
وجلسوا يسولفون.
***
في بيت ابو عبدالرحمن..
جلس بتعب :يا وصياف.
وصايف في المطبخ :جايه الحين.
ابوعبدالرحمن :جيبي معك مويه اشرب.
جت وجابت مويه معاها :ها بشر وش صار؟.
عبدالرحمن :قالو يردون لنا خبر.
وصايف :يارب توافق.
عبدالرحمن :اكيد بيوافقون وين يلقون لبنتهم واحد احسن مني؟.
ابو عبدالرحمن :قول ان شاء الله.
عبدالرحمن :ان شاء الله أن شاء الله.
قام ابو عبد الرحمن :يالله بنام.
وصايف:تصبح على خير.
ابو عبدالرحمن :تلاقين الخير.
***
في بيت زمان مازرناه من زمان بيت ابو صقر..
صقر ياكل.. ام صقر :بنروح بكره نخطب لك بنت خالتك.
صقر نزل الخبز من يده :يمه ماابي ازعلك بس انا ماابي بنت خالتي متعوده على الدلع اكيد مابترضى بعيشتنا ابي بنت عمي سلمان عادي هي نفس عيشتنا.
ابو صقر :زين مخترت بس هي تراها صغيره.
صقر :كم يعني؟.
ابو صقر :انت الحين عمرك ٢٨ وهي ١٩.
صقر :اذا هي عاقله توكلنا على الله.
ابو صقر :بنروح لهم بكره بعد صلاه الظهر خلك جاهز.
صقر :ان شاء الله.
ام صقر :على راحتك يمه.
صقر :لا تزعلين يمه بس هاذا الصدق.
ام صقر :مازعلت.. يالله كمل عشاك.
***
في بيت الجد..
كان الكل نايم ماعدا البنات وأم عمر وابوه.. :انا باغي ماعلمت اخوانها يمكن هم مب موافقين.
ام عمر :اذا هي وافقت اكيد يوافقون ماراح يوقفون بوجهها ومادامنك ماسمعت عنه إلا كل خير تطمن.
ابو عمر :روحي نادي لي إيهام ونا بعدين بشوف اخوانها.
راحت ام عمر تنادي على إيهام ورجعت بعد شوي.. راحت سلمت على رأس ابوها :هلا يبه أمرني بغيت شي امي تقول تبيني؟.
ابو عمر :مايمر عليكِ ظالم.. ابد بس بغيتك بموضوع.
إيهام :اي قول يبه.
ابو عمر :مستعده تتزوجين؟.
إيهام منصدمه.. كمل ابوها:عبدالرحمن اللي عمه الشيخ قد سمعتي عنه؟.
إيهام :ايه بس وش فيه؟.
ابو عمر :تقدم لك ويبكِ على سنه الله ورسوله موافقه؟.
إيهام :يبه عطني وقت افكر وارد لك خبر.
