بعد ماخرجت من الحمام ..جاها عمر بسرعه :بشري .
رعد وعيونها مليانه دموع اعطته التحليل وقالت بصوت بكي :حامل .
وجلست تبكي بشكل هستيري حظنها وهو يبكي معاها :ماقلت لك ربي بيرزقنا لو بعد سنوات ما قلت لك ..بعد وقت طويل ومحاولت يهديها هدأت:بس تحليل البيت بعض الاحيان مب صحيح .
عمر وهو يحظنها :بسيطه اوديك المستشفى ونشوف يارب انك تطلعين حامل .
رعد وهي متمسكه بثوبه بقوه :يارب ..
***
عند الحريم..
كان سامر في الحوش ياكل ويسمع سوالف اخته وبنات اعمامه اللي دخلو البيت بسبب البرد ..
الجده :بنات وين ريم مااشوفها معكن ؟.
إيهام :ماادري والله تقول تبي تنام .
ام ريم :غريب ماكانت تنام هالحزه ؟.
هدى:احس فيها شي .
ام ريم :وشو هالشي ؟.
هدى:احسها خايفه .
ام ريم بقله صبر :من وشو تكلمي ؟.
هدى :مدري !.
نوف :يمكن مصدعه شوي او فيها نوم صدق .
ام ريم ماهي مرتاحه اما الجده فما سألت زياده .. اما هو فكان يسمع حوارهم ماهو تنصت بس كان قريب منهم ..قال في نفس :بسم عليها ان شاء لله مافيها شي .
***
بعد يوم طويل جدًا نام الكل علشان يصحون الصبح ويكملون باغي اشغالهم ...و..و..
***
في الصباح في بيت الجد عمر ..كان ينادي ريم كالعاده تسوي قهوه له بس..جت هدى بسرعه وهي تتنفس ..الجد بأستغراب :علامك يابنت ليه وجهك كذا كنك شايفه لك جني !؟.
هدى :ريم ..
الجد مسكها من كتوفها :علامها ريم انطقي ؟.
هدى :قبل شوي رحت ابي اصحيها علشان تفطر بس ويوم وصلت لمست خدها إلا وهي شابه حراره مدري علامها .
الجد ينادي على ابنه:عبدالله يا عبدالله.
ابو ريم بعد ماسمع صوته راح لابوه بسرعه :علامك يبه ليه تنادي كذا؟.
الجد :ريم مريضه خذها ودها المستشفى بسرعه لا...وسكت ..
اما ابو ريم راح بسرعه لغرفت البنات وشاف ريم اللي ترتجف من البرد معا انو لمسها حرارتها مرتفعة مره قال لبنته :عطيني عبايتها وطرحتها ..وساعدها تقوم :تقدرين تقومين ؟.
ريم تهز راسها بمعنى لا ..اما هدى فلبست اختها ولبست ام ريم العبايه تبي تروح معا بنتها بعد ماسمعت ان بنتها مريضه ركبو السياره وتوجهو للمستشفى.
***
عند الحريم ...
الجده للبنات :علامها ريم .
البنات كل وحده ترفع كتفها بمعنى ماندري ..استفز الجده هدؤهم :علامكن ماتردينا علي ؟.
إيهام :من فتره احسها متغيره بس تعرفين ريم ماتقول لااي احد شي وقالت البارحه تبي تنام وحنا صدقناها يمكن من ذاك الساع مريضه .
ام سامر :مابها إلا العافيه يمكن سخونه بسيطه .
ام عمر:اي سخونه بسيطه الله يهديك البنت مولعه .
***
في بيت ام فلاح..
بعد ماعرفت الجازي الخبر وهي تقول لفلاح يوديها المستشفى عندها:خليها لين تطلع ويصير خير .
الجازي :لا تكفى ودني وعمتي وحدها في المستشفى.
فلاح :لازم ترتاحين التعب ماهو زين حقك ونتي بذي الحال .
الجازي :بعدني خفيفه لا تخاف .
فلاح : مافي.
