بعد ماطاح سامر وجو الكل ..كانت امه جالسه تبكي ..والحريم يهدون فيها ..و فارس بعد ماسمع الصوت جا بسرعه وشاف اخته وابناء عمومته عندها وهي مو متقطيه سحبها لداخل المطبخ وغطاها..كانت خايفه وتبكي بشكل هستيري لانها اول مره تشوف حادث زي ذا وهي تظن انها هي السبب فيه :ماكان قصدي والله ماكان قصدي .
فارس :ادري خلاص كفايه لا عاد تبكين وان شاء الله انه بخير .
فارس طلع اخته من المطبخ ووداها عند الحريم ..اما سامر اغمى عليه وشالوه وودوه المستشفى ..
**
محمد دق على عمر وعلمه وش صار ..اتجه لزوجته اللي تلعب ابنها في الحوش :رعد رعد .
رعد لفت عليه :عيونها .
عمر وصل عندها وشال فارس :قومي البسي عبايتك بنروح بيت جدي سامر طاح على راس وودوه المستشفى .
رعد قامت وبسرعه لبست عبايتها وطلعو وتوجهو لبيت الجد ..
**
عند الحريم ..
بعد ماهدت ام سامر :كيف طاح ؟.
ام ريم :ماندري شوفت عينك حنا كنا معك لين ماسمعنا ريم تنادي وتصارخ ورحنا.
كانو الكل يدري ان ريم تخاف من الدم ..الجده:وينها ريم ؟.
إيهام :ياعمري عنها بغت تموت من الرعب اول ماشافت دم بكت لين مانامت .
ام سامر:ودوني لوليدي ابغا اشوفه .
وبذي اللحظه دق باب الحوش وراحت نوف تفتح :مين ؟.
عمر :انا عمر يانوف افتحي .
فتحت نوف الباب وقال لها :وينهم رجعو ولا باغي؟ .
نوف :باغي .
عمر :من الموجود هنا من العيال ؟.
نوف :جدي وزايد.
اتجه عمر للمجلس ..اما نوف استقبلت رعد وفارس الصغير وراحو عند الحريم ..
**
في المجلس ...
عمر :السلام عليكم .
زايد والجد:وعليكم السلام.
عمر:كيف صار الحادث؟.
زايد :زحلق بسبب المويه.
عمر:ماقد سمعتو خبر عنهم ؟.
زايد :لا والله باغي .
وجلس الكل متوتر في المجلس ..
**
في المستشفى..
بعد مادخل غرفت العمليات علشان كان في جرح عميق براسه ..خرج الدكتور :محتاجين دم .
ثامر قام :انا هنا انا اللي بتبرع.
الدكتور :الحين بتاخذك الممرضه وتسحب منك الدم روح معاها .
واتجه معا الممرضه وقلبه معا اخوه ويدعي انه مايصير فيه شي ..
كان ابو سامر دافن وجهه بين يديه وفاتح ازرار ثوبه لانه حس بالكتمه..ابو عمر جنبه يواسيه:هد ياخوي وان شاء الله ابنك مافيه إلا العافيه .
ابو سامر :الله يسمع منك .
محمد يهز رجله بتوتر ويحس ان الوقت طويل مايتخيل ان صديقه في المستشفى وطيحه بسيطه ادت انه يفقد دم كثير ونطر اننا نوديه المستشفى..فارس يطبطب على كتف محمد ويقول :مابه إلا العافيه.
**
عند الممرضه بعد ماسحبت منه الدم ..ثامر :اخوي بيكون بخير صح.
عمه عبدالله:ان شاء لله ادعي له .
وبعدها قام وتوجهو للكل ..واما الممرضه فأخذت الدم وراحت بسرعه لغرفة العمليات..
بعد وقت طويل الكل يحس فيه بخوف وتوتر وان الوقت طويل والكل كان يستنى ان الدكتور يطلع ويبشرهم انه بخير ومافيه شي ..
**
عند ريم بعد ماصحت قبل صلاه العصر تذكرت كل شي وبدت عيونها تتحول لشلال من الدموع بس تمالكت نفسها وقالت في نفسها :قومي توضي واستني الصلاه وادعي له ان ربي ما يفجعك فيه خلاص والله اعترف اني احبه واني يمكن اتحول إلى ضعيفه بسبب ذا الحب ..راحت غسلت وجهات واستغفرت بعد ماتوضت واستنت الصلاه وصلت وكانت تدعى من كل قلبها ان ربي يرده لها سالم ومافيه شي ..وبعد ماخلصت توجهت للبنات ..
