في بيت اول مره نزوره..
ابو عبدالرحمن :عبدالرحمن انت كم عمرك.
عبدالرحمن يلف على ابوه:عمري ٢٩ ليه؟.
ابو عبدالرحمن :بتصك الثلاثين ولا فرحتني فيك.
عبدالرحمن :زين اخطب لي.
ابو عبدالرحمن :بكلم لك عمتك تشوف بنت الحلال.
دخل عمته "إسمها وصايف ارمله ماعندها ابن عايشه معا اخوها ابو عبدالرحمن اسمه متعب" صبت القهوه لهم:اسمع اسمي.
عبدالرحمن :ان شاء الله سمعتي ابوي وش قال بعد.
وصايف :لا بس اسمي.
عبدالرحمن :هههههه يبيني اتزوج ونتي اللي بتشوفين لي بنت الحلال.
وصايف بفرحه :عندي ونا عمتك ازهلها.
عبدالرحمن يبي يشبع فضوله:من هي اشوف.
وصايف :بنت ابو عمر.
عبدالرحمن بتحقيق:من؟.
وصايف:إيهام.
عبدالرحمن :اسمها زين.
ابو عبدالرحمن :أثقل علامك خفيف.
عبدالرحمن بصدمه :ان يبه خفيف.
وصايف تضحك:خله ونا اختك يفرح...عالعموم بروح ازورهم بكره واشوف اذا البنت تناسبك ولا لا بس باين عليها انها سنعه.
ابو عبدالرحمن :الله يبلغني فيك ياولدي واشوف عيالك.
عبدالرحمن يطقطق:وعيالهم ماتبي تشوفهم هههههه.
ابو عبدالرحمن يضحك:اذا الله راد.
***
في بيت محمد..
بعد ماجهزت ريوف..
دخل محمد يبي يبدل ثيابه شافها واقفه تاخذ طرحتها تأملها بهدوء مايدري ليه لما يشوفها يتأملاها صح ماكانت ذاك الجمال بس بعيونه يشوفها جميله.. قرب من وراها وهو يمسكها من من خصرها ويبوس خدها.. ريوف وديها ترتجف مابعد تعودت عليه قالت بصوت عادي رغم الرجفه اللي هي فيها :جهزت لك ملابسك يلا لا نتأخر عليهم.
محمد لبس ثوبه وقفل ازرار ثوبه ولبس الشماغ.. لبست عبايتها كانت تبي تطلع بس وقفها مسكته ليدها وسحبها لحظنه :مانسيتي شي.
ريوف بفهاوه :لا.
محمد يقرب من وجهها:متأكده.
اما هي تحس أنفاسه الحاره تلامس وجهها.. محمد :نسيتي تسوين شي.
ريوف بحظنه.. قرب منها وهو.... كان فاتح عيونه وهو يشوفها تغمض عيونها بقوه ابتسم على خجلها.. بعد عنها وهو يمسك يدها :يالله.
ريوف بيدها الثانيه تغطي وجهها بالطرحه لأنها مالبست البرقع لان البيت قريب.. طلعو من البيت متوجهين لبيت الجد..
***
في المستشفى..
عند عمر ورعد.. كانت ماسكه يده بخوف والدكتوره تفحص فارس :جته نزلت برد.
رعد تطالع عمر :وين كان امس؟.
عمر :كان يلعب معا الورعان برا الخيمه.
الدكتوره:بعطيه ادويه ويلتزم فيها.
طلعت الدكتوره.. فارس يبكي ويمد يده لابوه :يبه.
عمر يتجه عنده لانه كان بعيده علشان الدكتوره :ياعين ابوك انت.
فارس يرتمي بحظنه :برد.
عمر بحنيه اخذ شماغه وهو يدفيه بحظنه :الحين تدفى.
أشر لرعد تجلس على الكرسي ترتاح.
رعد :جوعان.
فارس يهز راسه بلا.
عمر :كيف بطيب ونت ما تاكل لازم تاكل الحين نرجع البيت بس يخلص ذا بيدك.
***
في بيت الجد..
وصل محمد وريوف..
محمد بصوت عالي :ياأهل البيت.
طلع الجد وعياله من المجلس اما ريوف فراحت تسلم على جدها وابوها ترتمي بحضنه:اشتقت لك يبه.
ابو سامر بأبتسامه لبنته:هاذا ونتي ماكملتي يوم يالله ونا ابوكي ادخلي عند الحريم تلقين امك تنتظرك على جمره.
ريوف تهز رأيها ب اي.. توجهت عند الحريم.
