العصر في بيت الجد.
بعد مااتفوقو على كل شي..
الجد :اجل بيكون الملكه بكره والعرس بعد شهر واسبوعين.
سامر :اي علشان الشغل ماعاد بيعطوني اجازه إلاا بعد مده.
ابو ريم :مبروك مره ثانيه.
سامر : الله يبارك فيك.
ابو سامر :أخيراً بيجيني احافد.
سامر : من اولها يايبه.
عمر قاعد بعيد وفارس جنبه يناظرون فيهم.
ابو عمر انتبه له :ليه بعيد تعال؟.
عمر : مااهمكم.
ابو عمر :وش ذا الكلام؟.
عمر :اي والله.. اخر من يدري بخطبته وملكته انا.. لو كان ماعلمتو لي إلا يوم العرس مب احسن؟.
ابو عمر :بيتك بعيد.
عمر :تلفون البيت وش مقصر به؟.
سامر :خلاص ولا تزعل.
عمر :هو بقى فيها زعل!.
فارس الصغير :يبه نرجع البيت.. ابي انام.
عمر :من ينام الحين.. خل امك شوي.. نام جنبي ماعليك.
فارس انسحد جنب ابوه وعمر اخذ شماغه ودفاه لان مافي بطانيه.
صب لنفسه قهوه وجلس يتقهوى.. سامر راح عنده :خلاص ياخي لا تزعل.
عمر : ماني زعلان.
***
عند البنات..كان الكل مجتمع في غرفتهم "الجده والأمهات في مجلس الحريم".. نوف شايله رغد و ريم شايله محسن وريما نايمه.
إيهام :كل هاذا يصير ونا مدري؟.
الجازي :ونا ليه ماتعلموني؟.
ريم :عطينا طريقه نقول لك فيها الخبر.
هدى :والله يبنات ما شاء الله ذي السنه بيتنا أفراح في أفراح.
نوف : عسى دايم.
الكل :امين.
محسن بدا يبكي بحظن ريم :الحين ذا كيف يسكت؟.
رعد :ابد زر هههههههه.
الكل :هههههههه.
رعد عطتها رضاعته :كذا يسكت.. الحين كيف بتتزوجين ونتي ماتعرفين تسكتين ورع؟.
ريم :عيالي بعرف لهم بس عيال غيري لا طبعاً.
نوف :ياحلوها ما شاء الله "تقصد رغد" ماتشبهك لا انتي ولا اخوي.
الجازي :طالعه على عمتها.
هدى :لا وين ذي تشبه اخوي فارس.
الكل :ههههههههههههههه.
رعد تظربها :وجع.. عاد من زين اخوك والله ان بنتي احلا منه.
ريم تدافع عن اخوها :ماتسوا ظفر من رجله.
هدى :عاد ماشفتي ظفره الصغير.
الكل :هههههههه.
ريم :امزح لا تزعلين.. المهم لازم انتم الثلاث توقفون من سوق في سوق نفس ماسويت لكم.
إيهام : من عيوني ولا يهمك.
رعد :من بيجلس طيب معا عيالي؟.
هدى : عمتك.
رعد :مايسكتون علشان اخليهم عندها.
الجازي : انا مقدر اروح معكم.
ريم استغربت :ليه؟.
الجازي ماودها تفتح السيره :فلاح من يسوي له الاكل ؟.
ريم :اي صح.. خلاص انتي معذوره لا تجين بس ذولا "واشرت على رعد وإيهام" لا.
إيهام : شوفي اذا عبدالرحمن وافق بجي وإذا قال لا فلا.
ريم :قولي لي ابي أوقف معاها زي ما قفت بعرسي ولا ترا ازعل عليكِ.
رعد :يابنت والله مايسكتون عيالي.
نوف :اللي قدر يسكت عمر ماهو عاجز لا يسكت عيالك.
رعد ضحكت : فذي معاكي حق.
***
في بيت ابو صقر.. في غرفه صقر..
صقر ينادي على بدريه اللي تتقهوى معا عمتها :بدريه تعالي.
بدريه استئذنت من عمتها وراحت.. بدريه :بغيت شي؟.
صقر يدور على ثوبه :وين قميصي الأسود.
بدريه : طالع؟.
صقر :اي طالع معا بدر.
بدريه راحت تدور له ولقته :هاذا هو.
صقر أخذه ولبس : بتأخر.
بدريه :خذ فروتك الجو برد برا.
صقر :وينها هاذي الحين؟.
بدريه عطته.. لبس وطلع مستعجله.. صدم بكتفها بقوه بدون ماينتبه.. بدريه شدت على ملامحها.. صقر لف بسرعه :والله ما انتبهت.
بدريه تمسك كتفها بقوه من الألم :خلاص روح معليك.
صقر جلسها : يعورك.
بدريه بكذب :لا معليك.. روح لا تتأخر.
صقر : كيف ماعلي.. لاحق عليه.
بدريه :خلاص روح ماعورني.
صقر ناظر في عيونها اللي تجمع الدمع في عيونها :طيب ليه الدمع في عينك؟.
بدريه : ولا شي.. يالله روح.
صقر قام :زين.
طلع لبدر اللي توه وصل.
اما هي فدمعت عينها من الألم.. مسحت دموعها وطلعت لعمتها.
