الظهر في بيت الجد ...
البنات متفقات بعد صلاه العصر يروحون يتسوقون علشان الشمس والحر ...
إيهام : يلا بنات قولو لي وش كل وحده عليها .
ريم :انا نفسي وبعطيكم شوي من ذوقي .
نوف :محسستني انك انتي الوحيده اللي عندها ذوق حلو .
ريوف :اي سوق بنمر عليه بالاول ؟.
هدى:حبيبتي مايبغا لها بنروح سوق يبيعون فيه فساتين الاعراس بنختار لك واحد وبعدها ...تلف على نوف ..بنسوي رشوه لبنت العم تسوي لك مكياج
ريوف :ابيه يكون خفيف .
نوف :على حسب الفلوس ههههههه امزح من عيوني ياعروستنا .
جت ام سامر وشهقت:انتو هنا .
البنات بأستغراب :اي !.
ام سامر :الغدا .
إيهام تفتح عيونها ونوف ماعاد عرفت وش تسوي هههههههه ..قامو الثنتين مسرعات على المطبخ ..أيهام تفتح ضغط الغدا وتتنفس بأريحيه :الحمد الله الطبخه ما حترقت .
حطو الغدا لهم وللرجال وبعدها تغدو ...
***
في بيت ابو صقر بعد ماتغدو وصبت ام صقر القهوه لزوجها ..
ابو صقر ينادي :يا صقر .
صقر جا :سم يبه .
ابو صقر يأشر له يجي يجلس ..جلس :ها امر يبه وش بقيت؟.
ابو صقر :مايامر عليك عدو ...بنت ابو فارس رفضتك.
صقر يحس واحد كب عليه مويه بارده:وش ؟...
ابو صقر :اللي سمعته .
ام صقر :وليه يرفضونه ؟.
ابو صقر :هاذا اللي قاله لي ابو فارس .
صقر يلف قدام علشان ابوه لايشوف تعابير وجهه:خيره ...يحس هاذي الكلمه ثقيله على لسانه .
ابو صقر يحط يده على كتف ابنه :قلتها ونا ابوك قلتها .
ام صقر :ولا تزعل ولا تكدر خاطر يمه..طلبتك طلب ياوليدي .
صقر بعدم فهم ..قال بصوت : يمه تكفين لا يكون حمل ثقيل.. بس وشهو اطلبكِ؟.
ام صقر :بخطب لك نور بنت خالتك اغزيل .
صقر بعده ماهو مصدق الصدمه الاوله علشان تجي الثانيه :......
ام صقر :نحنا بنمر عليهم بعد يوم علشان نخطبها .
صقر :ماابيها يمه ماابيها.
صقر قام ويحس الدنيا تدور ..طلع برا البيت ..
***
في بيت عمر ..
عمر ينادي على رعد ...:رعد وينك.
رعد عند فارس تبدل له ثيابه:هنا ياعيونها .
راح عمر لها باس فارس وجلس اقبالهم .
فارس ببرائه :يبه انت قلت لي اليوم الصبح بتوديني الدكان اشتري حلاوه صح .
عمر :اي بوديك .
فارس يروح لاابوه :خلاص جهزت ..يلااا.
رعد بزعل :ونا وش بتشتري لي ؟.
فارس :بشتريلك حلاوه مثلي .
رعد :طيب وش رايك تروح تاخذ احذيتك عند الباب .
فارس يسحب يد امه :روحي جيبيه لي انا بجلس هنا علشان ابوي لايروح ويخليني وبعدها يقول نسيت .
رعد :ههههههههههه لا معليك انا بجلس هنا وبعدين ترضى اختك أو اخوك يتعب ؟.
فارس يهز راسه بمعنى لا :واذا راح .
رعد :لا مارح يروح انا هنا .
عمر :يلا تأخرنا ولا بروح واخليك معا امك.
فارس يتكلم فأذن ابوه :يبه وش رايك ناخذ ماما معنا .
عمر:لا .
فارس بزعل :ليه خليها تجي معنا .
عمر :لا اخاف عليها خلها هنا .
رعد تسمعهم وتبتسم لبرائه ابنها :يلا فارس حبيبي روح خذ الاحذيه .
فارس راح ..قامت جلست على السرير وجلس هو جنبها ..مسك يدها :تبين شي ونا راجع ؟.
رعد تناظر في عيونه:لا ابد سلامتك .
عمر قرب من خدها وباسه وهي صار خدودها احمر ..:يلا روح لا يجي فارس .
عمر : يازينكم.
فارس جا بسرعه :يبه يلا.
عمر :مامنه مفر ذا الولد .
رعد :ههههههههههه.
