في الصباح في بيت الجد عمر ..كان جالس معى جده في الحوش يبي لو حتى يسمع صوتها ..طلعت من غرفت البنات وهي حاط الغطوه (الطرحه )على كتوفها سمعت صوت جدها وهو جالس يسولف معا واحد بس ماتدري من ..راحت صوبهم وقفت بعيد عنهم شوي :صباح الخير.
الجد عرف صوتها :صبحك الله بالنور ..ها يابنيتي وش علومك اليوم ان شاء بخير .
ريم :اي زينه الحمد...الحمد الله على سلامتك يسامر (مسوين نفس ماالتقو في المطبخ ههههههه).
سامر بفرحه :الله يسلمك والحمد لله على سلامتك .
ريم مبتسم من تحت الغطوه :الله يسلمك ..ها يجد تبي قهوه ؟.
الجد :اي والله يااني استناكي من يوم مرضتي تطيبين علشان تسوين لي قهوه من يدينك الحلوه .
ريم بضحكه خفيفه :هههه ان شاء لله الحين اسوي لك .
سامر في نفسه :يالبى الضحك ياعرب .
كان مبتسم ..وانتبه له جده :علامك مبتسم ؟.
سامر بترقيع:ابد سلامتك بس تذكرت شي وابتسمت .
الجد :ايه زين ..بس ونا جدك الحين البنات صحيو لازم تروح عند العيال علشان ياخذون راحتهم .
سامر قام وباس راس جده :ابشر .
وتوجه الباب وهو يقول في نفسه :من قال لك اني ابي البنات انا ابيها هي من بينهم المهم اني كحلت عيني وصار يومي حلو وانتهينا .
***
عند ريم بالمطبخ ..
كان الكل موجود معاها اللي تسوي الخبز واللي تسوي الشاي والي تسوي إيدام للفطور ...ألخ.
ريم بعد ماخلصت توجهت لجدها :عندك احد ياجد ؟.
الجد:لا يابنيتي تعالي حياك .
ودخلت عنده بعد مانزلت الغطوه ..صبت له وعطته :سم .
الجد :سم الله عدوك .
ريم بعد ماصبت لها:إلا وين جدتي غريبه .
الجد :قبل ماتجي قلت تبي تروح ترتاح لان رجولها عورها .
ريم :اها.
الجد بحنيه:متأكده يابنيتي انك بخير ومابه شي يورك.
ريم :اي يجد لا تخاف ..ريم بتردد..عادي اسئلك .
الجد :الحين وش له ذي الرسميات يالله اسئلي ونا جدك .
ريم:انت تتكلم بالسين ؟.
الجد :اعرف ذيك اللهجه بس ماعاد صرت اتكلم بها .
ريم :ليه؟.
الجد :كان لي صديق حيل احبه يتكلم بذيك اللهجه بس يوم توفى الله يرحمه ماعاد صرت اتكلم بها .
ريم :الله يرحمه ..طيب ابي اسمه كلمه بس بالسين .
الجد :وش تبين تسمعين ؟.
ريم :وش اخبارك .
الجد :وش اخبارتس.
ريم وهي مبتسمه :والله اللهجه حلوه .
الجد :عجبتك اجل .
ريم :اي ..وقامت ..يالله عن اذنك بروح اساعدهم يسون الفطور .
الجد :اضنتس معاتس يابنيتي .
ريم تضحك:ههههه شكلنا بنستقر على ذي اللهجه .
الجد :ياجعلها دايمه ونا جدك.
ريم :ان شاء لله.
***
عند العيال ..في المجلس.
كانو يسولفون لين شافو محمد سرحان ..جلس سامر يأشر بيده عند وجهه :وينك يالحبيب ههههههه.
الكل :ههههههههههههه.
محمد ينتبه لهم :لا ابد بس فيني نوم شوي .
فارس :على مين .
محمد:متى بيجهز الفطور .
سامر :تلقاهم باغي شوي وينادون لنا .
اما الكبار فكانو بعاد شوي عنهم..
اما ثامر وزايد فكانو وحدهم صح ان فرق العمر اللي بينهم كبر بس كانو يفهمون على بعض ويطلعون اكثر الاوقات مع بعض ...
