ابو ريم :بس الشور الاول والاخير شور البنت ان وافقت الله يتمم لهم على خير وان رفضت هاذا النصيب .
ابو صقر يقوم : اتمنى انكم تردون لنا خبر خلال هاليومين ..فامن الله.
ابو ريم :بحفظ الرحمن.
وبعد ذا والكل راح لغرفته ..
***
عند البنات بعد ماستأذنت ام صقر ..الجده :يلا يابنات كل وحده على فراشها ...
وتوجه كل واحد فعلاً على فراشه ...اما ريوف فراحت غرفه امها وابوها وقفت ودقت الباب ..ابوها :تفضل ..يحسبها واحد من العيال .
ريوف دخلت :السلام عليكم.
ابو سامر:هلا ببنيتي وعليكم السلام.
سلمت على راس ابوها وامها ..وجلست ساكته فتره طويله ..ابوها :فيك شي ؟.
ريوف بخجل وتوتر :يبه انا موافقه على محمد .
ابو وهو يضمها لحظنه :مبروك يابنيتي والله يتتم لك على خير .
ريوف :الله يبارك فيك .
امها بفرحه ودموع :والله وكبرتي ونتي كنتي امس بحظني .
ريوف :يبه شوف تبكي ترا اغير رأيي .
ابو سامر من ورا راس ريوف يأشر لها تمسح دموع :لا شوفيها مابها شي .
ريوف :يالله عن اذنكم .
ابو سامر:اذنك معك .
وراحت وقفلت الباب ..ابو سامر :الله يهديكي كانت البنت بتهون بسبت دموعك.
ام سامر :صدقني دموع فرح .
ابو سامر يحظنها وتدمع عيونها :والله وكبر عيالنا .
ام سامر :كبرو وكبرنا معاهم .
ابو سامر يتغزل فيها :لا من ناحيتك تطمني بعدك المزيونه الاوله.
ام سامر خجلت :خلاص
ابو سامر :ايه من زمان ماتغزلت فيك خليني اطلع مواهبي .
ام سامر :يكفي اللي كنت تقوله لي .
ابو سامر :ماظنتي يكفيني انا .
***
في غرفت ابو ريم وام ريم :خيريه .
ام ريم :لبيه !.
ابو ريم يفتح ازرار ثوبه :روحي نادي لي ريم .
ام ريم :ان شاء لله.
واتجهت غرفت البنات اللي كانو مجتمعات على شكل دائره ..دخلت :ريم .
ريم :سمي يمه .
ام ريم : ابوكي يبغاك .
ريم حست بخوف وراحت اخذت الغطا وطلعت معا امها اما البنات فكل وحده تسئل ..الجازي :بنات انا رجلي يحتريني برا لازم اطلع .
رعد :لا تكفين .
الجازي سلمت عليهم :يالله مع السلامة وسلمو لي على ريم .
الكل :فامن الله،بحفظ الرحمن.
عمر ينادي سمعته رعد :بروح واجي.. وطلعت.
عمر :سلام عليكم.
رعد : وعليكم السلام.
عمر :يالله مشينا.
رعد :طيب الحين .
رجعت للبنات
رعد :بنات بروح رجلي بعد يحتريني برا.
البنات بصوت واحد :لاااا.
سلمو على بعض وطلعت رعد لعمر وهي مكشره ..عمر :علامها الحلوه زعلانه ؟.
رعد :كنت ابغا اسهر معا البنات بس يالله مره ثانيه .
عمر :ولا يهمك بكره بتسهرين معهم .
رعد بفرحه :والله.
عمر :والله.
ركبت وعطاها فارس اللي نام بعد العشاء وركب هو السياره وحركو.
***
في الغرفه عند ابو ريم وام ريم ..ريم :يبه علامك ؟.
ابو ريم :شوفي يابنتي انا بقولك شي بس لا تتسرعين وتأكدي مافي احد رح يظغط عليك ولا في احد رح يجبرك على شي انتي ماتبيه حتى لو كنت انا .
ريم بخوف :يبه وش فيه ؟.
ابو ريم :تعرفين اكيد رعد صح .
ريم :اي وش فيها .
ابو ريم :مافيها شي بس اخوها صقر تقدم لك وابيكي تفكرين قبل ماتعطيني اي خبر .
ريم تحس بالدنيا سوددت من حلوها ودموعها متجمع وعلى وشك تنزل هزت راسها بمعنى طيب وخرجت برا الغرفه وعلى طول راحت المطبخ ..
ابو ريم لام ريم :علامها ؟.
ام ريم :مدري .
ابو ريم :بعدها مريضه.
ام ريم :لا طابت والله الحمد .
الكل كان مستغرب منها ..اما هي فجالسه في المطبخ تبكي تدري انها يمديها توافق وتتزوجه وتدري انها يمديها ترفض بكل بساطه ويتقفل على السالفه ..بس تحس بضيقه شديده داخلها .
دخلو العيال غرفتهم بس فارس راح يشرب شي قبل ينام شافها مرميه على الارض ومتكوره على نفسها وتبكي بشكل ماهو طبيعي راح جري لعندها وحظنها والخوف ماكل قلبه ..اما هي فدفنت نفسها بحظن اخوها ..فارس :علامك ليه تبكين ؟.
ريم وهي تزيد بكى وتشاهق :...............
فارس باغي شوي ويموت من خون تكلم بعصبيه من الخوف :ريم علامك وقفتي قلبي ليه تبكين من سوا فيك كذا ؟.
ريم ولا رد :...........
جلس يقرا عليها ويهديها لين ماهدت ورفع وجهها :مين سوا فيك كذا ؟.
ريم :ولا احد .
فارس ويجن جنونه:اجل ليه تبكين مستحيل تبكين على ولا شي .
ريم : حسيت بضيقه وبس.
فارس :بسم الله على قلبك من الضيقه ..وحظنها وقال :ابوي علمك صح ..ورجعت ترتمي فحظنه وتبكي وعرف ان الموضوع هو السبب :محد رح يجبرك لو على ارقبتي بس تكفين خلاص بكي وربي قطعتي قلبي .
ريم هديت قامت تغسل وجهها :انا بروح انام تصبح على خير .
فارس يبوس راسها :ونتي من اهله .
وراحت عند البنات ..دخلت وكل وحده في فراشها تحس انها طولت وهي تبكي راحت عند فراشها وسط الظلام اللي يادوب كانت تشوف راحت وتغطت بالبطانيه ونامت وهي تحس حمل جبل فوق صدرها .
