الجد:نامو بدري ورانا شغل من بكره.
ابو سامر :ولله يأني صدعت.
ابو عمر :روح ريح ونا اخوك.
قام ابو سامر لغرفة يريح..
الجد:روح ياسامر جب القهوه من معا الحريم.
قام سامر توجه للحريم "المطبخ"..
***
في المطبخ عند ريوف وريم وفارس الصغير..
ريم :وش بتصير لاكبرت؟.
فارس وهو جالس بحظنها :بصير ظابط مثل عمي سامر...بس ليه ماعاد اشوفه يلبس لبس الظباط؟.
ريم :مدري يمكن عنده إجازه.
ريوف :ريم تعالي خذي قهوه الرجال ونت يافارس قول لاخوها يجي ياخذهم..
فارس هز راسه ب أي وراح..
ريم قامت تأخذ القهوه علشان تعطيهم لفارس :وقهوه الحريم خلصتي منها.
ريوف تاخذ القهوه :اي بروح اوديها الحين والحقيني.
ريم :طيب.
فارس مر من جنب سامر :عمي عمي.
سامر يشيله :هلا ياعيون عمك.
فارس :عمتي ريوف تقول انادي فارس تعطيه القهوه.
سامر بصدمه:وشو.. القهوه معا مين الحين؟.
فارس :معا عمتي ريم.
سامر عرف انه وصل له الخبر غلط.. تنفس :انت ماتعرف تهرج لو احد سمعك غيري وش بيسون.. نزله...روح عند ابوك لا اشوفك تنقل خبر.
فارس بزعل راح عند ابوه.
سامر تنحنح..
ريم تحسبه اخوها :تعال انا ريم يافارس ادخل.
سامر مادخل :انا سامر.
ريم تلخبطت :ااا.. سامر استنى اتغطى... تغطت.. ادخل.
دخل سامر :سلام عليكم.
ريم بتوتر:وعليكم السلام.
أعطته القهوه وهو أخذها :وين ريوف؟.
ريم :قبل شوي راحت.
سامر :زين.
كانت منزله راسها وهو يطالع فيها كان الغطا شوي شفاف كان يقدر يلمح شوي من ملامحها معا انه للحين مانساها.. لمح توترها:فيك شي.
ريم :روح لحد يشوفنا.
سامر بأبتسامه خفيفه:خايفه؟.
ريم :سامر تكفى روح.
سامر:ياعيونه، ابشري.
وطلع وهي باغي شوي وتموت من الرعب.
راحت عند البنات.
***
في الصباح... عند البنات في المطبخ..
ام سامر دخلت :ها جهز الفطور ولا باغي؟.
ريوف :اي الحين نجهز سفرت الرجال وسفرتنا.
ام سامر :بسرعه ورانا تجهيزات لازم صلاه العصر نكون جاهزين.
إيهام :معليكِ يعمه معانا وقت.
ام سامر :وين رعد وريوف والجازي ؟.
ريم:نايمات يقولون لما يجهز الفطور نصحيهم.
ام سامر :زين بسرعه انتي يانوف جهزي سفرت الرجال ونتي ياهدى جهزي سفرتنا.
هدى ونوف كل وحده راحت تكمل شغلها..
***
بعد صلاه الظهر.. غرفه العيال
محمد :ي عيال وين بشتي؟.
عمر :وقسم لدفنك لو ضيعته جدي يقول يلا لازم نوصل قبل المعازيم.
سامر طلع وهو لابس قميص قصير..العيال:ههههههههه.
سامر بعصبيه:مين الكلب اللي اخذ قميصي؟.
فارس:ليكون ذا اللي علي طويل كأني لابس فستان.
ثامر:عطه عطه لا يذبحنا.
زايد متجهز من زمان :صدقوني بيخرج منها مثل الشعره من العجينه.
عمر :لاتشوف ظابط ترا حتى الظباط يمشي عليهم القانون.
محمد بعد مالبس الشماغ والبشت:ها وش رايكم.
عمر :حلو صدقني مشينا.
سامر لبس ثوبه ولبس فارس ثوبه وعدلو اشمغتهم وطلعو يتبخرون معا الجد..
الجد شافهم جايين ابتسم وقال بصوت مسموع :يا جعلني اشوف عيالكم.
الكل :امين.
وتوجهو العيال يسلمون على راس جدهم.
ابو عمر :علامكم تأخرتم؟.
عمر:هاذا ابنك يبه ضيعه بشته وضيعنا معاه.
ابو ريم:يلا يلا لا نتأخر زياده.
وطلعو الاخوان "ابناء الجد" في سياره ابو عمر.. واما زايد وثامر ركبو معا عمر وفارس وسامر معا محمد.. متوجهين للمكان اللي بيسوون فيه العرس.
