محمد بصوت مليان ثقه وفرح!؟ لأن محد بيقدر ياخذها منه ولأن بيعيش حياته ويكملها معا البنت اللي هو يبيها تأمل وجهها ونطق :السلام عليكم.
ريوف بقوه تنطق من الخوف والتوتر:وعليكم السلام.
مسك يدها اللي ترتجف من الخوف.. ابو عمر :الله يجعله زواج الدهر ونا ابوك.
سامر :اللهم امين.
ابو سامر:مبروك ومنك المال ومنها العيال.
محمد :الله يبارك فيك.
وبدأ الكل يبارك له ولرويف اللي ساكت ماتتكلم من الحياء.. الجد وهو يدخل ومبتسم اما فارس فجلس خارج.. توجه لريوف:مبروك يابنيتي.
ريوف :الله يبارك فيك.
الجد :محمد انت انتضر برا لين الحريم يجون يسلمون عليها واخذ حرمتك.
محمد طلع وهو يشوف فارس.. فارس قام وهو مبتسم وتوجه عنده وهو يحظنه:مبروك.
محمد والابتسامه شاقه وجهه:ماادري كيف خليتها ورحت المفروض أخذها معي على طول.
فارس وهو يضحك عليه بقوه:علامك مستعجل هههههههههه؟.
محمد :اخاف تهون.
فارس :وين تهون وهي على ذمتك... وين بيتك انت اللي اشتريته؟.
محمد وهو يأشر على ٤ بيت :هذاك هو.
فارس بصدمه:وجدي يقول جيرانا وين؟.
محمد :اي قريبين منكم مب بعيدين مثل عمر.
فارس :والله بيتك مايبعد عن بيت عمر إلا بيتين... لا تخليها تجي هنا وحدها ترا عيال الحرام كثيرين.
محمد بجديه:مهبول انا اخليها تروح لحالها بدوني.
البنات كانو يودعون ريوف.. ريوف وعيونها مليانه دموع :والله بشتاق لكم.
هدى:ابد ياحبيبتي كل مااشتقتي تعالي تراهو قريب لأنهم قالو انكم جيرانا.
الجده:يالله يابنتي رجلك يتحرك.
ام سامر بدموع :انتبهي على نفسك يمه.
ريوف وهي تحظن امها بعد ماحظنت البنات وسلمت على رأس جدتها :ان شاء الله.
طلعت وهي تشوف ابوها يناظرها بنضرات حنونه راحت وهي تبوس راسه وتحظنه.. ابوها :انتبهي على نفسك ورجلك ترا انتي متزوجه.. ودمعت عينه سحب شماغه وهو يمسح دموعه.. ريوف وعيونها مليانه دموع :تكفى ياسندي لا تبكي.
ابو سامر وهو يحظنه بنته :صار لك سند غيري.
محمد كان ورا من زمان ويسمع كل شي.
ريوف :بس انت الاول.
طلعت من حظن ابوها وهي تحظن جدها وتسلم فوق راسه وتلسم على عمانها اللي ماكانو مثل باغي العمان اللي همهم ورث اخوهم كانو عائله مرتبطه بمعنى الكلمه.. كان آخر حظن حظن اخوها الكبير سامر :لا تبكين ياروح اخوها.
سلم على رأسها.. محمد يهمس لريوف.. :مشينا.
عدل عبايتها فوق راسها.. وهو يمسك يدها ويدخلها السياره.
ابو سامر ماقدر يناظر بنته الوحيده وهي تروح لبيتها الجديد بيت رجلها.. توجه لغرفته فتح الباب وهو يشوف ام سامر..
***
عند السياره جا سامر :لا أوصيك على اختي حطها بعيونك والأهم انك تخاف ربك فيها.
محمد :اختك بعيوني بدون ماتوصي حريص.
ركب سيارته.. أما هي فكانت تبتسم على كلام اخوها وزوجها.
توجه للبيت اللي ماكان بعيد بس البيوت كانت كبيره علشان كذا تأخر بس انه وصل في غضون ٤ دقايق لان الخط كان خط ترابي بحكم انه في الديره..
***
عمر وزايد كانو من زمان واصلين..
عمر وهو مودي ابنه من زمان عند رعد لان نام.
عمر بتردد:يبه ماعليك امر تقدر تنادي رعد بنروح الوقت تأخر.
ابو عمر وهو يقوم :ان شاء الله.
اما الجد فراح لغرفته يبي ينام من زمان..
ابو عمر توجه لغرفت البنات وهو يدق :رعد ونا عمك رجلك يتحراكي برا.
رعد بصوت عالي علشان عمها يسمع :ان شاء الله عمي.
ابو عمر :عطيني الولد اشيله.
رعد بإحراج:لا ماله داعي ياعمي لا تعب روح انا اشيله.. طلعت بعد ماودعت البنات .
ابو عمر ياخذ فارس النايم من حظن امه :لا تعب ولا شي انتي بحسبت بنتي.. ابتسم وهو يدخل مجلس الرجال.. :يالله حرمتك برا.
توجه عمر لفارس وهو ياخذه منه :ليه يبه تشيله كان ناديتني.
ابو عمر بإبتسامه:اشيله مثل ماشلتك ونت صغير ونت ان شاء الله بعد بتشيلني.
عمر بخوف :الله يطول بعمرك يبه لا تفاؤل على نفسك.. اشيلك بعيوني بعد.. سلم على راس ابوه وتوجه يطلع لرغد اللي كانت تناظر القمر تستناه:ماعمري شفت قمر يناظر قمر.
رعد لفت عليه وضحكت :هاذاني اناظرك.
ابتسم عمر وركب السياره وعطا فارس امه وتوجهو للبيت.
وبعد دقايق الجازي وفلاح اللي وصل واخذها هي وامه لان ماقدر يحظر العرس بسبب وفاه اخو خويه فقرر انه يوقف معه بالعزاء.. "ابوه كان ميت من ٣سنين".
