عند العيال الساعه 11 :
سلطان : فيكم نوم؟
كلهم كان ردهم بـ لا
سلطان : ودكم نروح للاستراحة ونكمل السهره هناك؟
عبدالرحمن : تم
سلمان : بروح اسألهم كانهم يبون يجون معنا
فهد : اسألهم يله
قام سلمان وهو يروح يمّ الجلسه الي جالسين فيها
الجد إبراهيم : أمر يابوك وش بغيت؟
سلمان بأبتسامه : مايمر عليك عدو بس بقول لكم اننا بنروح الاستراحه احد يبي يجي معنا؟
الجد محمد : لا والله انهد حيلينا وبنروح نريح
ابو فهد : روحوا ووسعو صدوركم وحنا بنرجع البيت
سلمان : ان شاء الله
راح سلمان وجلس معهم لين مشو جميع للاستراحة وكلهم بسياراتهم
عند البنات :
رهف بصدمه : أحلفي بالله!
الجوهره : والله العظيم
جود : يالكلببه ليش ماعلمتيناا
الجوهره بضحك : وليه اعلمكم ياساتر
رهف : عشان ننتبه لك خيير
وتين : بنت ولا ولد؟
الجوهره : توه مايبين
جود : طيب انتي وش تبينه بنت ولا ولد؟
الجوهره : الي بيجي من الله خير ولا في بالي شيء بنت ولا ولد عادي
وتين : طيب نايف وش وده؟
جود : اكيد ابو سعود يبي ولد
الجوهره : بصراحه نايف يبي سعود يجي والي يجي من الله خير وبركه
وتين : ودلببيي تخيلت بيدك سعود صغيير
رهف : الله يتتمم عليك بالخيير وتشوفينه سليم بين يديكم
الجوهره : اللهم امين
ام وليد : الله يسهلها عليك يارب
الجوهره : امين
ام عبدالرحمن : عاد والله بنشتاق لك
جود : وراه؟
ام عبدالرحمن : بتروح لأهلها خلاص
رهف : مارح تجين الاسبوع الجاي؟
الجوهره بأبتسامه خفيفه : لا مارح اجي
وتين : إيه عادي اسبوعين بس وبتجي
الجوهره : ماهقوتي اسبوعين اكثر
جود : ونايف؟
الجوهره : ماهقوتي بيجي معي بس يمكن بين فتره وفتره يجي
ام وليد : عن إذنكم بنروح انا وام عبدالرحمن نشوف العشاء
رهف : خذو راحتكم
راحو الأمهات كون عشاء الحريم ماينحط بدري زي الرجال وباقي بس البنات
جود : الجوهره قولي الصدق بينك وبين نايف شيء؟
وتين : ماقدرت اسأل انا بعد صدق صدق الجوهره قولي بينكم شيء؟
الجوهره : بسم الله عليكم وش فيكم؟ مابيني وبينه شيء عادي من زمان ما شفت اهلي وبقعد عندهم
رهف : بس اكثر من اسبوعين؟ صعبه يالجوهره
الجوهره : ياحبايبي لي فتره طويله ماشفتهم ترى عادي بقعد عندهم هالاسبوعين وبرجع بيتي
جود : ومارح تقعدين شهرين الا وانتي راجعه لهم
الجوهره : ليه؟
جود : مارح تمرين بفتره الوحام عند نايف اكيد
الجوهره : صح بس مارح اقدر اروح لاهلي طريق السفر تعب علي مره ما اتوقع اني بروح لهم
رهف : تعالي واقعدي عندنا
جود : صح صح تقعدون بالعماره حقت جدي عشان تكونين عندنا
وتين : واهل نايف وين راحو؟ ودوامه وين راح بعد؟
نطقت رهف بعد ماضربت كتف وتين : اص انتي حنا نبيها تقعد عندنا
الجوهره : انتم ماعليكم مارح اقطعكم وان شاء الله كلها اسبوعين وبقعد عندكم
عند العيال :
نايف : شفيك سلمان فهيت؟
نطق سلمان وهو يناظر جواله : ابد والله معزومين عندنا بكره
عبدالرحمن : والمناسبه؟
سلمان : عشان رجعه عمتك
فهد : اكيد جدي متمم ولا مايوصلنا العلم
عبدالرحمن : والله ماعمره جدي رده على شيء
سلمان : جدي يقول حتى سلطان ونايف معزومين
نايف : انا اعتذر والله
سلطان : افاا ليه؟
نايف : ماشي الفجر
سلمان : معليه معذور
قعدو العيال يسولفون بأشياء كثيره وكان اغلب حديثهم نصايح لسلمان للجامعه كونه مقبل عليها قريب
على الساعه 12:20 اتصلو الحريم عليهم عشان يجون ياخذونهم واعلنو انتهاء سهرتهم وكلهم راحو بوقت واحد
وصلو للمكان على الساعه 12:34 وقعدو ينتظرونهم على ما يطلعون
كان عبدالرحمن وسلطان متسندين على سيارتهم وعلى جوالاتهم
انفتح الباب وطلعت ام فهد وبنتها إيمان عشان يركبون
وقت إيمان شافت عبدالرحمن صارت تمشي بدلع ولا شافت اخر درجه وتكرفست قدامهم
سلطان ماقدر يكتم ضحكته وانفجر ضحك على شكلها
عبدالرحمن ضحك بس ماطلع صوت ويناظر سلطان عشان يسكت
قام إيمان وركبت السياره وهي متفشله على شكلها قدامهم
طلعت ام سلطان ومشى هو وفهد وباقي بس سلمان ونايف وعبدالرحمن
طلعوا كلهم بوقت واحد وكل وحده فيهم دلت السياره ومشو
من ركبوا اهل عبدالرحمن السياره وهم بس يتكلمون عن العرس وكيف هو حلو وعاجبهم مره
وصلو البيت ونايف على طول حمل اغراضهم وعلى الساعه 2:20 مسك الخط ووقتها كان عبدالرحمن جالس مع خواته وأمه بالصالة وكان لاهي بجواله بس يسمعهم
جود : والله يمه ما شاء الله تبارك الله رهوف تجنن
وتين : صدق تبارك الله ماتوقعتها بتطلع بذي الحلاوة
ام عبدالرحمن : بسم الله عليها مناسبها الفضي الصراحه
جود : افف يمه ياحظظ الي بياخذهاا
وتين : صدق يمه محظوظظ الي بياخذ هالرهفف
جود : لو اني رجال خذتها من زماان
وتين : لو سمحتي باخذها قبلك لو اني رجال
ام عبدالرحمن : والله على كثر الحريم الي جوها اليوم يبون يخطبونها
وتين : ما الومهم موتتٍ حمّـرر
وهم كانو يتكلمون كانت إذن عبدالرحمن بحضنهم وكل تفكيره كيف شكل هالرهف الي من طلعو وهم يتكلمون عن زينها ورقتها
يتبع...
