بغرفه سلطان :
ام سلطان : يمه سلطان؟
سلطان بأبتسامه : ياهلا بدهر قلبي ورجعانه
ام سلطان براحه : لا لا سليم بسم الله عليك
نطق سلطان وهو يرفع يده الي انكسرت : سليم ماعليك
قربت وجلست على الكرسي الي جنب سريره ومسكت يده : ولدي وحش ماتعييقه كسر يد
سلطان : ابد ابشري به
ام سلطان : الله يخليك لي يارب سند وذخر
سلطان : امين ويخلييك لي يارب
ام سلطان : امين
سلطان : وليدك جويع يمه
ام سلطان : ابد تدلل وش بغيت؟
سلطان : اي شيء
ام سلطان : ابشر بس ارتاح الحين وانا برجع للبيت وبجيب لك أغراضك وبصلح لك شيء يحبه قلبك
سلطان : ياا ناس عساننيي ما خلاا
سلطان كان يدري ان امه متوتره وخايفه وبين لها العكس رغم وجعه وخوفه على الي كانو معه خصوص ان ماعنده خبر بأحد لكن ماله الا هي بهالدنيا
بغرفه الانتظار :
ام عبدالرحمن : مارح تعلموني غرفه ولدي وين؟
الجد محمد : لا
جود : جدي نبي نشوفه
الجد محمد : عنده فحوصات الحين إذا خلصو بنروح له كلنا
الجده حصه : ان شاء الله خير
ام عبدالرحمن : عمي تكفى لا تكذب علي ولدي فيه شيء؟ عبدالعزيز قل شيء تككفى
ابو عبدالرحمن : وش تبيني اقول لك؟ ولدي احتمال يدخل غيبوبه؟ ولا ان ولدي مب بخير وان الحادث اثر عليه؟ وش تبيني اقول لك علميني!
الجده حصه : اعقب! عبدالرحمن ذيب وبيقوم بصحه وعافيه ومافيه شيء
جود بضحكه خفيفه : شلون يعني مارح اشوفه مره ثانيه؟
الجد محمد : اخوكم مافيه الا العافيه ان شاء الله انتو أدعو له
وتين : يمه يعني عبدالرحمن مارح يقدر يوديني الجامعه زي جود؟
تمردت دموعها وقام ابوها وحضنها وهي انهارت لأول مره بحضن احد
نطق ابو عبدالرحمن وهو يمسح على رأسها : بيوديك ان شاء الله ما عليك وبيرجعك انتي وجود سوا
قعدو حوال الساعه ونص بغرفة الانتظار كان كل منهم بقسمه
بجهة ثانيه :
اتجه نايف لأحد الشقق واستأجر له وحده منهم لان محد كان يرد عليه
دخل غرفته وحط شنطته صلى الظهر وطلب له اكل ولما وصل اكل وخلص ثم انسدح على السرير عشان يرتاح شوي
وعلى سدحته دق جواله ابتسم بخفه من شاف أسمها على الشاشه
رد عليها ونطق : هلا وغلا
الجوهره : اهلين، وصلت؟
نايف : ايه وصلت
الجوهره : زين الحمدلله
نايف : ما اشتقتي؟
الجوهره : الا والله اشتقت بس توني مالي الا اسبوع
نايف : واضح الشوق لدرجه ماودك بالرجعة ابد ولا ناويتها
الجوهره : تشك بالشوق؟
نايف : ما اشك بالعكس،
الجوهره : وينك الحين؟
نايف : حجزت لي شقه بريح شوي وبروح
الجوهره : متى ناوي تروح يعني؟
نايف : بقعد نص ساعه كذا وبروح
الجوهره : اجل ما ازعجك ياقلبي ارتاح واذا مرت نص ساعه بدق عليك عشان تصحى
نايف : ماودك بالرجعه؟
الجوهره : اذا فضيت تعال خذني، تعرف امي تبي تخليني اقعد لين أولد
نايف : يعني موافقه اجي اخذك هاليومين؟
الجوهره : مقدر ارفض والله تعبت بالبيت هنا كثير
نايف : مزعجك احد؟
الجوهره : لا بس أمي تشد علي من ناحيه الاكل والنوم ولا أمشي ولا اسوي ولا شيء
نايف : معليه تحملي هاليومين وجاي ان شاء الله
الجوهره بأبتسامه : يله اجل نوم العوافي
نايف : بحفظ الرحمن يقلب النايف انتي
الجوهره : اذا كذا ترى منتب نايم
نايف : اذا عشانك عادي
الجوهره : لازم تنام يله مع السلامه نيّوف
سكرت بدون ماتسمع رد منه وهو قعد يفكر بأشياء سلبيه كثيرة كيف لو راح يجيب الجوهره ورفضو اهلها وش بيسوي بذي الحاله اصلا
بجهة ثانيه بعيده عن الديرة بأميال :
زياد : الحبوب ناقصه
فيصل : شلون ناقصه؟
زياد بعصبيه : الله يلعنكمم!! طالبب 50 كيس!! الكيسيين من أخذها بسررعه!
ناصر : رائد هو الي مدخلها
راكان : ماهقوتي رائد ماخذها اصلا مايستعمل هالنوع من الحبوب
زياد بحده : ناصر، انت دخلتها لي تو..
ناصر : وانت الي فتحته يعني مو مني
فيصل : اتوقع بالمخزن كلها كيسين بدور
زياد بعصبيه : رح شف بسررعه!!
راح فيصل المخزن وبدأ يدور بين الرفوف
راكان : ممكن تهدأ طيب؟ ترى الموضوع مايستاهل هالعصبيه ابد
زياد بعصبيه : راكان لاتجنني زياده
رائد : لازم تهدأ، كلنا داخلين بالموضوع هذا، انا متهم الحين واقدر اصارخ وانافخ زيك بس السالفه ماتسوى اصلا
مسح زياد وجهه وجلس ساكت
بعد 10 دقايق تقريبا رجع فيصل ومعه كيسين من نفس النوع الي معهم
فيصل : امسك
زياد : حطها بالعلبه وواحد منكم يرتبها بشنطه ويمين بالله ان نقصت وحده ولا زادت وحده ماتلومون الا انفسكم سامعين
راكان : ان شاء الله
يتبع...
