ANCESTRAL GOD'S ARTIFACTS [Volume 2]

Chapter 20

Unti-unting humina ang tinig ng daing ni Roco at nagsimula itong tumawa ng malakas.

"Bwahahaha!!!" Sambit ng isang nakakapanindig na halakhak ng binatang si Roco.

Kapwa nahintatakutan si Framiyo at Commander Wilson sa kakaibang pangyayaring salungat sa inaasahan nila. Hindi man nakakamatay ang isa sa tatlong soul Skill nila ay kaya nitong magdulot ng sobrang sakit na atake sa kalaban ng isa o dalawang buwan ngunit sa nakikita nilang pagbabago sa binata ay alam nilang mas umiba at lumakas pa lalo ang kapangyarihan nito.

"Breakthrough?!!" Sambit ni Commander Wilson lalo pa't ginamit niya ang isang soul skill niya, ito ay ang Holy Light Power Analyzer na siyang kayang alamin ang kasaluku lakas ng binata. Ngunit mas ikinagulat niya ang sumunod na natuklasan niya sa binata.

"Hindi na siya isang Martial God Framiyo, Nasa BLOODLINE AWAKENING STAGE na siya!" Nahintatakutan na sambit ni Commander Wilson lalo pa't hindi na basta-basta ang lakas ng binatang nasa harap nila.

Nalaman niya lamang ang misteryosong rank na ito sa kaniyang namayapang ama at lolo niya noong nakaraang mga taon.

"BLOODLINE AWAKENING STAGE?! IMPOSIBLE!" Nahintatakutang sambit ni Framiyo lalo pa't napakadalang lang ng taong nakatungtong sa stage na ito lalo pa't ang alam niya lamang ay hanggang Martial God Realm lamang ang limitasyon ng Kontinenteng ito.

"Kanina pa kayo hah, subukan ko kaya ang bago kong kapangyarihan! Hahahaha!!!" Sambit ni Roco sa napakalalim nitong boses.

Biglang lumitaw ang isang balahibong kulay abo sa ibabaw ng uluhan ni Roco at unti-unting lumiwanag ang katawan nito. Unti-unting nalusaw ang kulay abong balahibo na ito at naging hugis espada.

Kasabay nito ang pag-iba sa katawan ni Roco. Until tinubuan siya ng kulay abong pakpak sa likod. Dalawang pakpak na sobrang laki na mayroong kakaibang enerhiyang bumabalot dito. Maging ang balot na balot nitong katawan ay napalitan ng isang armor na katulad ng mga mandirigmang mga anghel.

"Angel of Doom?! Isa siyang Angel of doom! Ano ang gagawin natin Commander Wilson?" Sambit ni Framiyo na may halong takot at pagkabahala sa transpormasyon ng binatang si Roco.

"Wala na tayong magagawa pa lalo na't ayon sa libro tungkol sa mga anghel ay sila ay tagaparusa o tagahatol ng mga itim na mga anghel at mga puting mga anghel. Kahit na ang mga matataas na mga arkanghel ay takot na kalabanin sila. Ano ba ang magagawa natin na isa lamang tayong hamak na Martial God? Isang atake lamang sa kanya ay lubhang ikakapinsala natin. Sumuko na lamang tayo." Mahabang salaysay ni Commander Wilson na tanggap na ang kaniyang pagkatalo. Totoo lahat ng kanyang sinabi maging ng kalkulasyon sa agwat na lakas nila.

"HAHAHA,Naturingan kang tagapangalaga ng Third Rate Class ay natakot ka na sa isang binatang ito. Isa lamang soyang binata at tatapusin ko siya gamit ang sarili kong lakas, hmmp!"

Walang inaksayang panahon si Framiyo at inatake niya ang Binatang si Roco ng napakalaks niyang Soul Skill.

"Hell Apocalypse Judgement!" Nakaigting-pangang sambit ni Framiyo lalo pa't hindi siya naniniwalang mas malakas ang binatang nasa harapan niya.

Agad na may itim na mga enerhiyang bumalot sa kinatatayuan ni Roco. Isang nakakapanindig balahibong mga enerhiya ang nararamdaman ng sinuman lalo na sa mga miyembro ng Alchemy Powerhouse Association ngunit hindi sila naapektuhan ng sobra, salamat sa protective Formation Arrays na nakapalibot sa loob ng assosasyong narito.

Ngunit hindi din maiiwasan na sumuka ng dugo ang mga Cultivator na nasa pamilihan na ilang metro lamang ang layo mula dito.

...

Agad na binalot ang binatang si Roco ng mga nag-iitimang mga enerhiya hanggang sa may mga lumitaw ng sobrang daming mga itim na kadenang parang buhay na pumulupot sa iba't ibang parte ng katawan ni Roco.