ANCESTRAL GOD'S ARTIFACTS [Volume 2]

Chapter 29

Patuloy lamang lumilipad si Van Grego papunta sa pinakapusod ng kagubatan ng Ult Magna Forest. Wala naman siyang nakikitang o nasasagupang mga mababangis na halimaw o nilalang sa mga dinadaanan niya kung kaya't mas binilisan niya pa ang lipad ng kanyang Flying Sword ngunit mas tinaasan niya ang lebel ng kanyang senses sa mga nagbabadyang panganib at mga pangahas na atake ng sinumang nilalang. Kinain niya ang isang Tier-4 Recovery Pill kanina para manumbalik ang lakas niya ngunit ang kanyang pagod at exhaustion ay ininda pa rin ng kanyang katawan. Ayaw niysng umasa sa mga Martial Pills na gawa niya mismo dahil hindi siya lalakas sa kabuuang aspeto ng kanyang pagiging Cultivator magdudulot lamang ng backflow o masasamang epekto sa kanya ang mga ito.

Nagpatuloy pa sa paglalakbay si Van Grego ngunit agad na nagbago ng ekspresyon niya ng matanaw ang napakadilim na lugar ang lokasyon mismo ng pinakapusod ng gubat. Malayo palang siya ay ramdam na ramdam niya ang nakakapangingilabot na enerhiyang pinaniniwalaan ni Van Grego na sa mga nilalang na naninirahan dito.

Habang papalapit si Van Grego sa lugar na siyang kinaroroonan ng mga misteryosong enerhiya ay hindi niya ibinaba ang kanyang depensa at mas pinatalas pa niya ang kanyang Spiritual Sense para hindi siya mapinsala kung sakaling may umatake man sa kanyang nilalang.

Agad na bumaba si Van Grego sa kanyang Flying Sword ng makitang hindi siya makakadaan kung ipagpapatuloy niya pa ang kanyang paglipad lalo pa't nakakatakot man sabihin ngunit puno ng naglalakihang itim na sapot ang halos umabot at maging kapantay na ito ng mga puno ng mga Neraya Tree. Halos mabulok na rin ang higanteng puno ng Neraya Tree dahil sa lasong taglay ng sapot. Alam ni Van Grego na kapag dumikit pa siya dito ay mas hihina ang depensa niya. Mayroon na siyang ideya sa kanyang makakalaban na isang uri ng gagamba ang mga ito.

Agad na may dinukot si Van Grego sa kanyang Interstellar Ring na siyang nagliwanag ang kanyang katawan at napalitan ang kanyang Armor ng isa pang bagong Armor at ito ay walang iba kundi ang Vampiric Crab Armor.

Ang Vampiric Crab Armor ay siyang matinding kalaban ng mga Spider-Type na mga Martial Beasts dahil na rin sa kakaibang resistance nila sa atake ng mga gagamba. Kayang mapawalang-bisa ng Shell nito ang makamandag na lason ng mga gagamba na siyang kinaiinisan ng mga gagamba. Hindi sila minamaliit ng sinumang nilalang dahil kayang-kaya at paborito ng mga Vampiric Crab Martial Beasts na sumipsip ng mga dugo ng mga nilalang kung kaya't hindi iniiwasan ang mga ito.

Naglalakad na si Van Grego papunta sa lugar na ito papunta sa lokasyon mismo ng nag-iitimang mga sapot na siyang hindi niya namalayan na nakatapak na siya sa lugar na siyang sakop ng isang misteryosong Martial Beasts na nakatira dito. Naamoy siya ng dalawang nilalang sa oras na pagtapak palang nito. Maging ang makalat na Spiritual Sense ni Van Grego ay nagpatunton mismo sa kanya mula sa mga halimaw na nakatira dito.

"Sino kang insekto ka upang tumapak sa aking teritoryo!" Sambit ng isang baritonong boses na kakikitaan ng awtoridad laban sa mapangahas na nilalang na tumapak sa kanyang sariling teritoryo.

Matagal na ang oras na ang hinintay ng misteryosong halimaw ngunit wala siyang inaasahang sagot kay Van Grego.

"Isa ka bang pipi, ipapatikim ko sayo ang bagsik ng aking mga anak, Sugod!"

Nagulat na lamang si Van Grego ng sumugod ang mga malalaking mga Martial Beasts na mga Uri ng mga gagamba.

...

Lingid sa kaalaman ng nilalang na may baritonong boses ay hindi naririnig ng batang si Van Grego dahil sa maraming mga sapot ang nakaharang dito na siyang bakod pala ng halimaw. Nahirapan si Van Grego na tapyasin ang mga ito dahil sa makakapal ang sapot maging ang tigas ng mga hibla ng sapot ay hindi basta-basta lalo pa't may dalang lason ang mga ito.

Ang ginawa lamang ni Van Grego ay naglabas siya ng Black Fang Sword na naglalabas ng awra maging ng makapal na enerhiya na nagpapatunay na isa itong High-Tier Legend-Grade Sword. Hindi din Basta-basta ang nakatirang halimaw na naririto sa lugar na malapit sa kanyang kinatatayuan mismo. Gawa sa napakatibay at napakatigas na ngipin ng dragon ang espadang ito na kayang tapyasin o hiwain ang mga matitigas na mga bagay maging ng mga may mga kasamang lason ay napakalakas ang resistance nito. Mas mainam ito kaysa sa mga mababang mga klase ng espada. Kung sino ang makikita ng mga kakaibang bagay na may matataas na kalidad na pangdepensa na Armor at napakalakas na sandata na hawak ni Van Grego ay gugustuhing makuha ito at angkinin ngunit sa kasamaang palad ay walang may lakas ng loob na pasukin ang masukal na kagubatang sakop ng Ult Magna Forest kung kaya't tanging mga Martial Beasts lamang ang nakakakita nito.