انا شاعرك العام والقصيد عيونك.

بارت41

عبدالرحمن كان يسوق متوجه لحائل وحسين على المقعد الي جنبه وولده عاصم ورا جالس ،
عاصم ناظر بالطريق : من اي طريق رايح انت؟
عبدالرحمن : والله ماشي على الموقع ،
حسين التفت له : بعيد بيتهم ولا قريب ؟
عبدالرحمن هز راسه بالنفي : ماهو بعيد ،
عاصم كان يشوف الطقس : والله قصيمنا يمطر ،
عبدالرحمن عقد حواجبه : والله؟
عاصم هز راسه وكمل : اي طلعنا وجاهم الخير ،
عبدالرحمن بضحكه : كان وجودنا شر الظاهر ،
-
سُلاف رفعت نظرها له : اهلك يتصلون!
سلطان تنهد : داري اروح البيت اغير و ارجع لكِ ،
ومشى وهو يشيل عساف ويحطه على السرير بمكانه وجهته وهمس : انتبهي ع نفسك واذا بغيتي شي اتصلي علي ! لا يردك عني شي! لا اقوال ولا بشر ،
سُلاف سكتت بهدوء وهي تشوف متوجه للباب وطالع سكتت والتفت لعساف اللي كان نايم ،
سلطان رفع نظره وهو يشوف المطر بدات تخف وتوجه ركب سيارته واخذ جواله يشوف اتصالات من امه تنهد وحرك سيارته متوجه للبيت يغير ،
-
غلا ناظرت للطقس وهي تشوف مطر في قصيم وعقدت حواجبها وهي تشوف عمر للحين ما اتصل ولا رد على رسايلها رغم انه شاف استغربت من حركاته و رفعت نظرها لمحسن الي دخل لغرفتها وبيده اثنين من ثوبه : كحلي ولا ابيض؟
غلا ابتسمت : عريس لازم تلبس ابيض ،
محسن ناظر فيها : ليه ما رحتي مع البنات للسوق ؟
غلا بهدوء : كنت مصدعه بروح معاهم بكره بس افكر ليت لو سويت عرسك في السعودية ،
محسن بضحكه : العروسه هنا.
-
عمر ما قدر يجيه النوم طول الوقت و ناظر لـ هديل اللي نايمه بحضنه تنهد وهو يسحب يده ويبعد عنها ويتركها ويقوم التفت يمين يسار يدور مفاتيحه و ناظر من بعيد لقاهم على الكنب مشى اخذهم وسحب ثوبه وطلع لبرا قفل باب غرفته وهو يشوف امه وخاله مُزنه يتقهون : سلام ،
خاله مُزنه التفتت له : غريب نمت الظهر؟
عمر تنهد : والله من التعب ي خالتي ،
مريم عقدت حواجبها : هديل بعد نايمه؟
عمر هز راسه بـ اي وقام بيمشي لكن وقفه خاله مُزنه وهي تناديه : تعال تقهوى الدنيا صار عصر ،
عمر عقد حواجبه وهو يشوف ساعته ٤ العصر ،
وتوجه بهدوء جلس ومريم صبت له القهوة ،
بهاللحظه دخل سلطان وناظر فيهم كانوا جالسين كلهم و ابتسم بخفه : سلام ،
ام صقر : وعليكم السلام خفت عليك والدنيا مطر ،
سلطان : بخير ي يمه كنت عند العيال ،
خاله مُزنه : تعال اجلس معنا و تقهوى ،
سلطان : لا والله خالتي بالعافيه عليكم بدخل اغير ،
-
امال وقفت عند الشباك وهي سرحانه وكلام سعود للحين ببالها عقدت حواجبها من شافت السياره الي وقف وقفلت الشباك بسرعه خافت يكون سعود ،
وناظرت من الجنب بهدوء ،...
وناظرت من الجنب بهدوء ، نزلوا حسين وعاصم ،
وعبدالرحمن حط نظارته وهو يقفل سيارته ويطلع،
امال فزت من لمحته وانصدمت وهي تشوفه والتفتت ناظرت لنجلاء اللي منسدحه بتعب وجوالها بيدها داخله قوقل تتعلم للاطفال : نجلاااء تعالييي.
نجلاء عقدت حواجبها : شصاير؟
امال بخوف : تعاليييي شوفييي هذا ايش جابه!
نجلاء قامت بخوف وتوجهت تناظر من الشباك معها وعقدت حواجبها : هذا مو قمراك الي ميته عليه؟
امال بخوف : اييي هووو ما علمني ليه جاء! و ركضت اخذت جوالها ترسل له وتتصل عليه ،
حسين ناظر لعبدالرحمن : توكلنا على الله ،
عبدالرحمن بهدوء : بندخل ا.سكت من رن جواله واخذه ناظر للاسم وقفل الخط وهو يحط جواله ثوبه ويتوجه للباب لكن سعود كان طالع واستغرب ،
امال كانت تراقب من الشباك و انقهرت انه ما رد ،
-
سلطان وقف وهو ينشب شعره و رمى المنشفه من يده ومد يده لشعره يعدلهم وتوجه سحب الثوب من الدولاب و لبسه ووقف عند المريا قفل ازارير ثوبه وتعطر واخذ ساعته يلبسه بهاللحظه دخلت ام صقر وناظرت فيه : وين رايح؟
سلطان ابتسم : اهلين يمه رايح لفوق عند صقر ،
ام سلطان : اي زين و شصار على هذيك؟
سلطان عقد حواجبه والتفت لها : من؟
ام صقر : لا تستغبي اتكلم عن اللي تزوجت منها!
سلطان تنهد ونطق بتوتر : اي طلقتها من زمان ،
ام صقر : و ابوك طلب اوراق الطلاق صح؟
سلطان : اي بالسياره متى ما يبي اجيبهم له ،
ام صقر سكتت من اقتنعت بكلامه : انزين افكر ادور لك عروسه قبل لا تصير زي اخوك عبدالرحمن صك الثلاثين وللحين رافض فكرة الزواج ،
سلطان باستغراب : ليه ي يمه تبين كلنا نتزوج؟ طفشتي مننا؟
ام صقر : ياولدي انا ما اضمن حياتي ولا عمري ب اي لحظه اموت ابي اشوفكم متزوجين و مستقرين بحياتكم ومع اطفالكم ابي اشوف عيالكم.
سلطان قرب وهو يقبل جبينها : بعيد الشر يارب واذا تبين تشوفين عيالك متزوجين و مستقرين بحياتهم ف ليه ما تعطينهم الحُريه يختارون شريكة حياتهم؟
ام صقر بشك : ليه تعرف لك احد تبي تتزوج منها؟
سلطان ابتسم بخفه : اذا قلت اي؟
ام صقر سكتت وهمست : ومنهي؟
سلطان رفع كتوفه : ما تعرفينها شلون اعلمك عنها بس بنت ناس والنعم فيها ما ناقصها شيء ،
ام صقر هزت راسها بالنفي : مستحيل اوافق ،
سلطان عقد حواجبه : سعادتنا ولاشي بعيونك؟
ام صقر : سعادتكم مرتبط مع بنت!
سلطان تنهد من تفكيرها : يمه بطلي تفكير حقين زمن الجاهلية حنا مو اطفال ي يمه كبرنا ونعرف الزين والشين واذا حبيت وحده مو معناتها ما تستحي و خبيثه ومدري ايش ولازم اتزوج عن عادات وتقاليد عشان تكون محترمه!
ام صقر بحدها : ..
ام صقر بحدها : سلطان!
سلطان بهدوء : يمه تكفين شوفي هذا صقر حب زوجته و رحتوا تخطبون له وش معنى حنا لا! يمه تكفين حنا مو اطفال ترا كبرنا ولنا الحق والحُريه نختار نعيش مع مين ! انا اكره زواج العادات والتقاليد قسم بالله و اكره اتزوج وحده معرف عنها شي؟ يمه انا لو تهمك سعادتي ولو شوي فكري فيني،
ام صقر بصدمه : ليه انتم كذا! ليه تشكون ما تهمني سعادتكم! عندي شي اغلى من سعادتكم! بس ياولدي الحُب يعمي الانسان مابيكم تطيحون بهالفخ! ما تدري هي وش مسويه ب ماضيها وكانت لها علاقه مع كم واحد و..قاطعها سلطان بصدمه ونطق : يمه هي مو كذا!
ام صقر سكتت لثواني وفزت : لا يكون ما طلقتها!
سلطان عرف انها شكت و اكتشفت من كلامه وسكت واخذ نفس : ما طلقتها انا ابيها ي يمه تكفين ي يمه والله بس اجلسي معها مره وحده راح تحبينها والله ي يمه ماهي ناقصها شي!
ام صقر بصدمه : لا تقول حتى ولدها تربيه!
سلطان تنهد : ولدها بعد اربيه انا اصير له الابو و راضي اعطيه كامل اسمي يمه وش ذنب الطفل ابوه ميت! و امه متطلقه و متشتته! افهميني تكفين،
ام صقر سكتت وصدت بتمشي لكن مسك يدها سلطان وهمس : عشان خاطري طلبتك! لا ترديني ي يمه! لا تردين ولدك و تكسرين بخاطره!
ام صقر ناظرت فيه : انت تعرف ليه كنت اغصب عمر و عبدالرحمن يتزوجون! لاني كشفتهم بعلاقه مع البنات وانت الوحيد ما شكيت فيك بس خيبت ظني لما وصلت المزرعه ومن بعده خيبت ثقتي كله لما تقول لي انك مع العيال اكون اعرف مانت مع العيال تكون عندها و..قاطعها سلطان ونطق بهدوء وهمس : هي زوجتي ي يمه! وحلالي قسم بالله ي يمه اني ما جلست معها بغرفه وحده وببيت واحد الا بعد ما صارت زوجتي! و كنت ابي اطلقها بس كل شي صار غلط ي يمه انا ابيها بس قابليها مره وحده و والله راح تحبينها ي يمه تكفين فكري !
ام صقر سكتت وهي تناظر فيه وتشوف وجهه وملامحه وكيف ماسك يدها و يترجاها اخذت نفس ونطقت : ابوك يكسر راسك تعرف ولا لا؟
سلطان ابتسم بخفه : اتخبى ورا ظهرك زي ما كان يضربني وانا صغير كنت اتخبى ورا ظهرك وانتي تحاولين معه ويهدى ،
ام صقر ضحكت بخفه من كلامه ،
-
صقر كان منسدح بحضنها وملاذ تلعب بشعره اخذ جواله وهو يدخل الواتس عقد حواجبه من شاف سلطان راسل له ودخل يقرا " اعرف انك مانتي راضي عني للحين كلهم رضوا الا انت وانا يهمني رضاك يا صقر جايك فوق نجلس و نتفاهم انتظرني ،
ترك جواله و رفع نظره لملاذ : سوي قهوة ، وسكت بهدوء وهو يقوم ومشى يسحب ثوبه يلبسه ،
ملاذ عقدت حواجبها باستغراب واشرت له " ليه؟ "
صقر فهم عليها وهمس : : ..
ملاذ عقدت حواجبها باستغراب واشرت له " ليه؟ "
صقر فهم عليها وهمس : اخوي جاي ،
ملاذ سكتت بهدوء وهزت راسها بـ اي وهي ماتعرف اسوي قهوة ما قد سوت ومشت اسوي كوفي توقعت انه يقصد كوفي قال قهوه ،
صقر طلع من غرفته ومشى للمجلس شغل الضوء والمكيف ودخل جلس بهدوء وهو يفكر فجاه رن الجرس قام توجه يفتح الباب والتفت لباب المطبخ كان مفتوح مشى يقفله لكن انصدم وهو يشوف ملاذ تسوي كوفي دخل وناظر : قلت قهوة!
ملاذ استوعبت و رفعت كتوفها واشرت له " معرف "
صقر اخذ نفس وهمس : خلاص روحي للغرفه ،
ملاذ طلعت و توجهت لغرفتها صقر مشى بهدوء وفتح الباب وهو يشوف سلطان ،
سلطان ناظر فيه و ابتسم وقرب يحضنه لكن صقر صد وهو يبعد عن طريقه : تفضل ،
سلطان تنهد ودخل وتوجهوا دخلوا المجلس ،
صقر ناظر فيه : ما راح اتكلم راح اسمعك ،
سلطان : اي تسمعني واذا قلت حرف واحد صفقتني،
صقر تنهد : رفعت يدي عليك كنت معصب ومصدوم منك ما توقعت بيكون تصير كذا!
سلطان : طيب افهمني يخي! ما جيت نتهاوش جيت ابرر جيت انهي هالزعل الي بيننا ،
صقر سكت بهدوء ، وسلطان جلس يعلمه كلشي،
-
عمر توجه بيطلع من البيت لكن عقد حواجبه وهو يشوف بيلا بالحوش وعلبة التونه قدامه تاكل ابتسم بخفه وتوجه يمسح عليها بيلا نطت بحضنه ضحك وهو يشيلها وطلع توجه لسيارته وهو يحطها بحضنه واخذ جواله يتصل على غلا ،
غلا كانت نايمه لكن فزت من نومه اول ما سمعت صوت وتمنت يكون عمر وفعلًا كان هو اخذت جوالها وناظرت للاسم كان عمر و ردت : عمررر!
عمر ابتسم : قلبه انتي اسف ما رديت كنت نايم ،
غلا بهدوء : بس شفت رسايلي!
عمر تنهد : اي شفت وبعده نمت ماقدرت ارد ماكنت لوحدي ،
غلا بقهر : عمر صاير تكرر هالحركه كثير! وين عمر الي كان يتصل و يزعجني وكنت اتضايق من كثر ما يتصل! الحين صاير عكس قبل! ما تحبني ولا ايش!
عمر بصدمه : انتي عارفه ايش قاعده تقولين!
غلا بقهر : اييي عارفه صرت اشك انك ما تحبني و تجيني وقت تكون فاضي! وانا كل دقيقه افز من نومي بسببك انتظر رساله منك او اتصال واحد! من نمت وانا كلشوي اصحى اشيك يمكن رسلت لي!
عمر بحده : غلااا قدري وضعي واني مشغول!
غلا انقهرت من رده : عمر ليه صاير كذا جاوبني!
عمر : غلااااا يكفييي خلاص اتصلت عليكِ عشان ارتاح من همومي مو تزيدين همي!
غلا نزلت دموعها من صراخه وقفلت الخط بقهر ،
عمر اخذ نفس وهو معصب وشاف انها قفلت الخط،
'
صقر بصدمه : وش معنى ما تطلقها!
سلطان تنهد : يخي مقدر حبيتها والله مقدر اتركها وكلمت امي و اظن وافقت ،
صقر : امي وافقت!!!
سلطان هز راسه : من كلامه نقول اي بس صقر يخي انت..