الوحش وذات القزحيتين ♡بالدارجة♡

الجزء 35

🎩#الوحش_وذات_القزحيتين🎩

✏للكاتبة ✏ chaymae ouaj

💎الجزء 94 💎

الساعة السادسة 6 صباحا فاق جاسم وهو مبتاسم مزالو مخشي فيها معنقها بيديه بجوج وحاط راسها على صدرو عنكشها فنومها الليل كلو كينعس شوي ويفيق يبوسها ويتلمسها ويرجع ينعس ويفيق ليها تاني

ناض حط راسها بشوية على الوسادة وتحنا كيبوس فخدودها عاد ناض توجه للحمام خدا دوش خفيف وخرج لاوي عليه فوطة شافها مزالها ناعسة ابتاسم ولبس حوايجو وكيف دائما وضع عطرو الراقي
وتوجه للسرير تكا على جنبو حداها وكيدوز أصابعو بحنية على خدها يفيقها وبصوت هادئ

جاسم : شيماء شيمائي شامة شيماء

(شيماء استنشقات عطرو الرجولي لي من أول يوم عجبها وكتسمع اسمها بصوتو وكتحس بلمساتو على خدها كيحسبلها غير كتحلم وهي تبتاسم فنوما )

جاسم : شاف ابتسامتها ) جميلتي النائمة كتشوف حلم زوين خلاها تبتاسم لوحشها

(كلماتو خلاوها حلات عين وحدة العسلية شافت فيه بيها هو ابتاسم وتحنى باسها جنب فمها ونطق بحب وبكلمات دوبوها )

جاسم : ابتليتَ بحبَ جميلَ ، لهَ عينانَ ملونتان فاتنتانَ وسَلاماً عَلى قلبيَ

(شيماء حلات فيه عينيها بجوج عالجهد😳 و استوعبات أنها مكتحلمش )

جاسم : بابتسامة ) نوضي بقات ساعة وغاتهبط الطائرة أنا غانخرج لبسي شيحاجة مستورة منشوفش لفتحة دصدرك ظاهرة أو فخاضك ( حط يدو على صدرها كيبعج فيه )
وماتحيديش العقد والحلق (باس جبينها وهو مغمض عينو وناض هز هاتفو وخرج )

(شيماء : مزالها مبلوكيا غير خرج ناضت قافزة كتحك فعينيها تشوف واش كتحلم )

شيماء : هااااويلي (حطات يديها على صدرها ) كككان ناعس حدايا ووصدري حط يدو على صدري ويلي ويلي وبلاتي آش هداك الشعر لي قالي واش كنحلم قالي ابتليت بحب جميل يعني أنا قصدني أنا والله تا أنا (ناضت كضحك وهي كتنقز بالفرحة فوق السرير تاعيات وجلسات )

شيماء : أححح هضرتو زوينة وريحتو كتحمق وعويناتووو زرقييين فسر وزعررر ولكن بلاتييييي (ناضت كتجري للمراية لقات أماكن جديدة فعنقها متورمة وهي طرطق عينيها ) ويلي ويلي بات كيبوس فيا علم الله آش قاس وآش دار هئ وا أنا يخ منيي كنعس ولا كنمووت

((توجهات للحمام دوشات بالخف وخرجات كتقلب فلا فاليز ديالها على ماتلبس نسات كلامو كلياااا حيت كانت مبوقة بالنعاس ودوخها كلامو وشعرو تانسات تنبيهو وجبدات جينز أزرق مزير عليها وبودي أحمر حد لكتاف مخطط بالأبيض قصير كيبين سرتها وبطنها وحتى صدرها
وضعات ميك أب خفيف والشال غطات بيه عنقها كليا من آثارو وتغطى حتى العقد وبقات فتحت صدرها المغري المنتفخ واضحة وبطنها النحيف حتى هو جمعات اللابتوب فلفاليز والهاتف دارتو فحقيبة اليد وهزات العلبة لي عامرة بلفريز ومشات خرجات ودخلات للأول غرفة جنب غرفة جاسم لقات لبنات مكرشخات جلسات جنبهم ربعات رجليها وحطات علبة لفريو أمامها وجلسات تاكل وتبنن وهي كتفرج فيهم ناعسات وكتذكر كل مواقفها مع جاسم وتبتاسم وضحك كيلهببلة)