🎩#الوحش_وذات_القزحيتين🎩
✏للكاتبة ✏ chaymae ouaj
💎الجزء 117💎
فقصر آل روجو فالهند وأفخم قاعة بالمقصر مزال الإحتفال بعيد الراكشا بندن مستمر القاعة عامرة بالضيوف والخدم ولي سيرفور بالعشرات كيفرقو الحلويات التقليدية الهندية والمشروبات المتنوعة منها الكحولية
وغير الكحولية وعصائر مع مقبلات وفجوانب القاعة كيتواجدو طاولات طوييلة ومزينة بمختلف الأطباق الفخمة ودئما أطباق هندية تقليدية وصحون ذهبية عامرة بالفواكه وعلى المنصة فرقة هندية تقليدية كيعزفو ألحان خلابة وراقصات كيتمايلو على أنغام تلك الألحان برقص هندي قديم ومحترم وحتى لباسهم ساريات محترمة جو ملكي تقليدي بامتياز
على طاولة واقفين البنات بخمسة من بعد ما عطاو كل هداياهم للخادمات داوهم لجناح كل وحدة وشيماء داوليها هداياها لجناح جاسم بأمر منو …
باربرة واقفة ومزال دموع الفرحة كتنهامر من عيونها وحنبها لبنات
شيماء : ههه واصافي سكتي شفتي قلتها لك جاسم وحتى خوتك قلبهم كبير عمرهم يفوتوك
باربرة طارة عنقاتها وبجهد تابعجاتها : هادشي بفضلك والله نتي لي حننتي قلبو عليا هئ ماكنتش غانتحمل نبعد عليكم وعليه وعلى خوتي ومي كنت غانمشي لشي بلاصة ونقتل راسي هئ كلشي بفظلك وأنا عمرني نسا آش درتي معايا
شيماء : الله يهديك مادرت والو غير هضرت معاه شوية وصاف
تارا : لا بصح جاسم راه تبدل عرفتي فموضوع باربرة عمتي هيلدا ماماه لي معمرو قالها لا وملي جبدات معاه موضوع باربرة تعصب حتى أنو غوت عليها ولكن نتي مارفضليكش طلبك فأنو يسمح ليها
شيماء : أوا ماشفتي والو راه تعصب عليا حتى قربت نبول فسروالي ورفض حتى لمن بعد ملي سخفت وفقت عاد قالي غايحل الأمر
أيار : إذن الحل هو السخيف مرة أخرى يقوليك لا سخفيليه
شيماء : واخا
تارا : هانتي وملي رجعو للمغرب تتحل الأمور مع جدي قوليلو سيفط تارا وأيار وباربرة وأليشا لجزر الكناري عطلة ويقوليك لا وسخفي ليه
شيماء : واخا وتانا بغيت نمشي
أيار : وا لامشيتي غايمشي حتى هو ويلا مشى غايمشيو لحلاقم ويلا مشاو غايمشي حتى دياب وفيليكس وغايزمتونا بغينة سفرة غير حنى لبنات
أليشا : حماقيتو شوفو هي بعيدة عليه غير بجوج خطوات ومخنزر عساك يخليها تسافر بوحدها
أنت تقرأ
الوحش وذات القزحيتين ♡بالدارجة♡
Historische Romane■□تقديم ■□ سلام سنفوراتي كيفكم 😍 جبت لكم قصه جديدة فعالم القصص وموضوعها وفكرتها جديدان أول حاجة قصتي #ممنوعة_من_النشر_بدون_أخد_الإذن +تانيا مرحبا بكن وكنتمنى من قلبي تنال إجابكن القصة 🥰 بكل بساطة خيالية نعم الخيال أجي نسولكم : شكون فينا لي عم...
