الوحش وذات القزحيتين ♡بالدارجة♡

الجزء 80

🎩#الوحش_وذات_القزحيتين🎩

✏للكاتبة ✏ chaymae ouaj
💜الجزء 192💜

عند جاسم لي متاجه ناحية الباب يلاه غايخرج حتى سمع اسمو منها
شيماء لي كانت خارجة من الكوزينة متاجهة عندهم للصالة حتى شافتو غادي خارج بخطوات سريعة عيطاتليه حتى وقف ومشات كتجري شدات فيدو ووقفات أمامو ..

شيماء : ففين غادي

جاسم : عندي خدمة ضرورية

شيماء خرجات فيه عينيها ): ووكنتي غادي هكا بلاما تقولي والو

جاسم ضغط على سنانو وخنزر فيها ) حتىىى تكوووني نتيي مسالية ليااا

شيماء : ووالله حتى مسالية أحم غير حاولت نقنع جدي بزواج لبنات

جاسم ابتاسم باستهزاء ) حاااولتيي إوا راك قنعتييه أمداام ماشي حاولتي سحرتيه ولا أي شيء قلتيه ليه كيديرو

شيماء طرطقات فيه عينيها ) جاسم واش حماقيتي عارف أش كتقول راه جدي

جاسم حيد يديه من يدها ) خاس نمشي

شيماء رجعات شدات يديه وقفاتو ) مزال أجاسم خاسك تشرحليا علاش جبتي دوك لي شاف والخادمات جداد واش أنا حتى الطياب غاتحرمني منو

جاسم جاوبها بهدوء ) : شيماء ماشي وقت هاذ الهضرة حتى نرجع ونهضرو

شيماء عينيها دمعو ) لا دابا غاتقووليا علاش درتي هكا حتى ملي دخلت للكوزينة دابا نصايب صاندويتشات لجدي مخلاونيش الخدم وصايبوهم هوما وقالو هادو هم أوامرك أني مانقرب لوالو علاش كديرليا بحال هكا

جاسم غوت فوجهها ) شيمااااء قلت ليييك تانرجع ونهضرووو

شيماء خنزرات فيه ودموع بداو يطيحوليها وهي طلق يديه بجهد ) ماتلبسيش ماتهضريش ماتخرجيش ماتمشيش ماتجيش قوتك ماتفعليش ماطيبيش وااخا أجاسم هانا قوليي نتي ماتعيشيش كاع ونتهنا هئ (استدارت ومشات كتجري طلعات مع الدرج خلاتو مزززير على يديه مسح على وجهو كينهج بالأعصاب وهو يخرج ….)

☘☘☘☘
عند أيار وتارا لي جالسات كيهضرو وأخيرا تحقق حلمهم وجل مخاوفهم تمحات غايطييرو بالفرحة وكيهضرو بيناتهم حتى جات سوزي جلسات حداهم وكتشووف فأيار …

سوزي : بنتي تارا عافاك طلعي لجناحي جيبيلي كينة دالراس راه فوق لكوافوز

تارا : واخا أعمتي (وناضت مشات)

سوزي : أيار واش هادشي لي قالو غسان بصح