الوحش وذات القزحيتين ♡بالدارجة♡

الجزء 64

🎩#الوحش_وذات_القزحيتين🎩

✏للكاتبة ✏ chaymae ouaj

💜الجزء 160💜
☘☘☘☘

نرجعو لقصر آل ستارك ولعند الشباب لي خليناهم جلسو فالصالة وشي كيشوف شي))

دياب : قوادت أدراري

غسان : تلاقاو بجوج كل واحد راسو قصح من الثاني

عدنان : ماشي بحال أغسان هاذ المرة شيماء كاينة فالخط وجدي جبد عيبو معاها جرى عليها لا والزوينة هي ملي قاليه طلقها وخليها دبر راسها مع النخبة
هاذ المرة جاسم ماغايسكتش لجدي كيف ديما كنظن دارها بصح ومشا

فيليكس : مستحيل يخلي عشيرتو بهاذ السهولة كيغايدير يترأس المحكمة دالمتحولين وهو ماشي رئيس عشيرة نسيتو أن أو شرط فالشخص لي يترأس المحكمة أنو يكون رئيس عشيرة ويعين جنبو أربع رؤساء كأعضاء فالمحكمة ماشي بحال النخبة يقدر أي متحول عادي ياخد رئاستها فكيفاش غايدير يلا تخلا على الرئاسة ماغايسمحولوش حتى بالمطالبة بالمحكمة عاد يترئسها!!

دياب : عندك الصح ماعرفتش فاش فكر ملي قال غايتخلى على الرئاسة

عدنان : وااش من نيتكم جدي غايخليه يتنازل عليها بهاذ السهوولة نسيتو بلي جاسم بزز قبليه فالأول يترأس عشيرتنا رفض كليا وقال لعمي معاذ يترأسها تاناضوليه عمامي بجوج طلبوه عاد قبل تا جدي فمو تياكلو ماكايعرفش آش تايقول

دياب : خاس فالغد ندوزو عندو للشركة أو الفيلة خاسو يشرحلنا هادشي وشنو ناوي يدير نسيتو إيفان لي خليناه منشور فداك لخلا راه الآن هو متأكد من أن باربرة كانت حامل وعاد ممكن يكون شك بأمر شيماء وجاسم لي قال لنيكولاي وبصريح العبارة أنو غايطالب برئاسة النخبة والمحكمة علم الله آش غايكون دار

فيليكس : نيكولاي ماعندو مايدير من غير أنو يحرض باقي العشائر باش مايصوتوش على جاسم
أما إيفان كنضنن لا فبالنسبة لشيماء عقل إييفان الصغير مستحيل يوصلو لاستنتاج أنها هجينة وهو ماحس بحتى شوية دالطاقة جيهتها يعني يلا ماسمع حتى تنقنيقة من شي قنت مستحيل يشك

دياب : قصدك بريا

فيليكس : هاديك العقرب أنا متأكد ماغاتسكتش وقضية أنها خدشات شيماء بسمها وهي غاتكون متأكدة من اختراق السم لجسد شيماء راه قوتها هذيك و ماغاتخفاااش عليها فكيفاش شيماء ماطراليها والو
بريا غاتبقا تنبش حتى تتوصل للحقيقة وماتنساوش خوالي وجدي (آل روجو ) كلهم عارفين طبيعة شيماء تقدر تنصت عليهم أو دير أي شيء تكتاشف به الحقيقة ويلا وصلات شكوكها لإيفان تما يقدر هو الاخر يشك ويبدأ يبحث فالأمر أو يخبر النخبة