الوحش وذات القزحيتين ♡بالدارجة♡

الجزء 65

🎩#الوحش_وذات_القزحيتين🎩

✏للكاتبة ✏ chaymae ouaj

💜الجزء 162💜

الساعة 8 صباحا المكان^ ألمانيا^ وخصوصا العاصمة^ برلين ^

وقفات سيارتو السوداء أمام قصرو أو قصر عشيرتو آل رومانوف وخرج من السيارة كيتكسل وهو كيحس كل عضامو كيضروه ووجهو لي مزال منتفخ وواضح عليه الكدمات لي تحول لونها لأزرق وتنفخو وكل هذا وهو كيضحك ومامسوقش
سد باب سيارتو ولاح مفاتيحها للكارد وتوجه يدخل لقصرو
حلاتليه الخادمة الباب وهي حانية راسها ودخل كيصفر وكيحرك راسو وكيتمشى كأنو كيشطح ويلاه غايحط رجلو فأول درجة يطلع لجناحو حتى سمع اسمو بصراخ وحدة الشيء لي خلاه غمض عينيه وطلقها بضحكة مجهدة واستدار …

نيكولاي : إييييييفااااااان

إيفان ضحك واستدار شاف فجدو لي واقف وراؤو والعصبية واااضحة عليه فنطق بالألمانية وبلكنة ساخرة )

إيفان: die Großeltern Hallo
Guten Morgen
سلام أجدي وصباااح الخير

نيكولاي : استفزو إيفان بطريقتو الساخرة ولكنو تحكم فأعصابو أمام الخدم ونطق ) تبعنيييي ودااااباااا

(وتوجه نيكولاي فاتجاه مكتبو أما إيفان تنهد وهو يتبعو ….خلاوها واقفة فأعلى الدرج ومخبية سمعات حديثهم الغريب وشافت عصبية باها فقررات تبعهم باش تصنت على آش غايقولو )

دخل نيكولاي للمكتب وبقا غادي جاي حتى دخل عليه إيفان ويلاه غايسد الباب حتى جمع معاه نيكولاي وبصفعة قوية خلات وجه إيفان استدار كليا )

نيكولاي : كيتكلم وهو كيترعد ) صصاااف تهنيتي هاااا درتي لي عجبككك إوااا هاااهو ناااض لينا هااااهو من غدا غايرسلييهم طلبو فرئاسة المحكمة وااااش تهنييتيي هااااا

إيفان شد حنكو لي أصلا كلها زرقة من لكمات جاسم وزادو جدو بهاذ الصفعة ختى خرجليه الدم من جنب فمو )

إيفان : أوووتش أجدي واش غاتكمل داكشي ليبداه اللووورد

نيكولاي : شاف فوجهو كولو مطبع ) هو لي دارليك هاذ الحالة إييوااا خلييييك تستاااهل نتا ليمشيتي تبعتيه نتا لي جبدتييه علينا (شد من راسو وكيمشي ويجي كيف الأحمق ) لالا مستحيل مستحييل نخليليه رئاسة المحكمة كلشيء غايتفضح يلا طالب بيها وأغلبهم غاصوتوو علييه ونتاااا (شاف فإيفان ) النخخخبة ودعهاااا غانعطيها لعمككك (((واحد الملاحظة ملي كيقول نيكولاي لحفييدو إيفان عمك كيقصد بيهم خوت نيكولاي حيت هو عندو غير بنت وحدة وهي أم إيفان ونيكولاي وسبق ذكرت هادشي عندو جوج خوت صغر منو وإيفان كيقولهم أعمامي أما هم فالأصل أعمام مو وخوت جدو ) ))