الوحش وذات القزحيتين ♡بالدارجة♡

الجزء 58

🎩#الوحش_وذات_القزحيتين🎩

✏للكاتبة ✏ chaymae ouaj

💜الجزء 146💜

عند رجال آل ستارك وآل روجو لي تجمعو على سفرة أو مائدة عامرة بمختلف أنواع الطعام كيتعشاو ويتناقشو بشأن أحداث اليوم
الشباب دخلو فالأكل طول وعرض وبالسيف فهم من الصباح فاقو على زبايل لبنات حتى الفطور مافطروهش أو تغذاو ملي فاقو وهم كيقلبو ومعديين غير بالماء كيسرطو بيه الفقسة
ماتهناو حتى كل واحد منهم لقا نصفو الثاني ولقاوهن بأمان

الشباب كلهم كياكلو وبشهية إلا جاسم لي ماداقش الأكل غير جالس معاهم جسد بدون روح أو عقل وهو عااارفها غاتكون كتبكي الآن حاس بيها وقلبو كيضرو ولكن خاسو يعطيها درسها هز راسو وشاف فالسيد عرفان ونطق

جاسم : سيد عرفان كنشكرك على استضافتك لينا هاذ الأيام وكنقدر كل مساعدة قدمتيها ليا

السيد عرفان : كل رجالي وعشيرتي تحت أمرك فأي وقت لورد

شامان : وأنا بدوري كنشكرك حيت قبلتي أليشا بنتي وبغيت نطلب منك..

جاسم قاطعو : أليشا حطيتها فمقام تارا وأيار وباربرة وغانديرها فعيني فبلا ماتهز همها سيد شامان غانخليها تختار المدرسة لي بغات وغانعاونها فأي شيء وهي من اليوم تحت حمايتي ماغايآذيها حتى مخلوق

فيليكس سرط ريقو وكيضور فعينيه )

السيد شامان : كنشكرك لورد

السيد عرفان : بالنسبة لجدك زيدان هو اتاصل بيا وطلب مني نخبرو بكل معلومات المدام شيماء وأنا قلتليه أنك غاتكلف وتقول ليه كل شيء وخبرني أنو هو الآخر فالغد غايكون فالمغرب فالصباح

جاسم : إذن غايسبقني

السيد عرفان : هو معصب وبزاف غايخسك تتحملو

جاسم : أناا مامضطرش نتحمل عصبية جدي أو غيرو أنا عارف آش كندير وماغانسمح لحتى شخص يفرض عليا شيء ما وحتى جدي

السيد عرفان ابتاسم : أكيد ونتا أنسب شخص للنخبة ولرئاسة المتحولين أنا معاك فأي شيء درتيه

جاسم ابتاسم له ) كنشكرك مرة أخرى على حسن استضافتك كنستأذن الآن
☘☘☘

نمشيو عند واحد زغبي د إيفان لي جلس مدة وهو منشور على الأرض فذلك الجبل حتى وأخيرا وقفات جنبو سيارتان وخرجو منهما رجالو لي بسرعة هزوه وهو غير كيضحك طلب منهم يديوه مباشرة للأوطيل ليحاجز فيه وامتاثلو
والطريق كلها ونيكولاي كيصوني عليه ولكنو كاعمة جاوبو بل بالأحرى ماقادرش يسمع اسطوانة جدو المعتادة
وصل للأوطيل ودخل طلبوليه طبيب لي جاء وداواليه كل جراحو خصوصا وجهو لي كولو تنفخ وزراق آمرهم يقطعوليه فطائرة خاصة فالغد لألمانيا واستلقى على سريرو وكل تفكيرو باربرة لي عشق طعم شفايفها وكلما كيتذكر قبلتو ليها كيضحك حتى أنو كتجيه على بالو صورة شيماء لي حس اتجاهها بشيء غريب …..؟