🎩#الوحش_وذات_القزحيتين🎩
✏للكاتبة ✏ chaymae ouaj
💎الجزء 131💎
بريا كانت فغرفتها كتجرب تصوني وتعاود لإيفان عدة مرات عاد جاوبها
بريا : إيفان علاش مكتجاوبش
إيفان : مامسالييش ليك
بريا : علاش جيتي أ إيفان للهند قولي آش بغيتي من جاسم وأنا نعاونك راه يلا عرفوني عطيتك الإذن غانمشي فيها
إيفان : كون منك فايدة كون عاونتيني وبزز عليك ولكن عارفك مافيدييكش وسمعي غاتقودي عليا ناقصاني غير نتي هاذ الساعة ولكدوب كنظن نتي معلمة فيهم ماغايصعابش عليك تفبركي شي كذبة للسبب ليخلاك تعطيني الإذن (وقطع)
بريا خبطات الطيلي مع الأرض حتى تفرتت وجلسات شادة راسها
بريا : هو تابع جاسم أكيد عنداك يدير شي مشكل هئ قوادت عليا
(قاطعها طرقات فالباب ودخلات خادمة )
الخادمة : آنسة بريا السيد عرفان كيطلب حضورك حالا لغرفة مكتبو
بريا وقفات مخرجة عينيها : أأأأش ببغاني
الخادمة : ماعرفتش أ آنسة السيد طلب حضورك حالا
بريا سرطات ريقها من التوتر وشافت فالخادمة
بريا : واش ببوحدو
الخادمة : ماعرفتش أ آنسة
بريا : و آش عااارفة هاا يخ خرجي عليا
الخادمة : أمرت باسطحابك بنفسي أ آنسة
بريا شيرات عليها بديكور جاها فالجبهة حتى تشقفات
بريا بصراخ : قودييي عليا هانا غانمشييي راااسي
الخادمة خرجات كتجري شادة من جبهتها))
بريا بدات ترعد : ززعمة يكون على قبل إيفان هئ ناري يلا كان معاه بابا وعمامي ساهلة نكدب عليهم وغير بجوج دمعات يتيقوني ولكن جاسم وخوتو لا هئ
(ناضت بريا بسرعة بدلات عليها لبسات فستان أسود مزير ودارت ميك أب بسرعة وخرجات كتمشى جيهت غرفة المكتب وهي كدعي فخاطرها مايكونش معاهم جاسم
💜💜💜💜💜💜
نرجعو عند لبنات لي تجمعو على تلك العلب التلاث
وتافقو يفتحوهم فنفس الوقت
وهو كذلك حلوهم وبقاو كيشووفو
كانت علبة راقية داخلها مفتاح وجنبو كارط وجنبهم كارط ميموار صغيرة
أنت تقرأ
الوحش وذات القزحيتين ♡بالدارجة♡
Historical Fiction■□تقديم ■□ سلام سنفوراتي كيفكم 😍 جبت لكم قصه جديدة فعالم القصص وموضوعها وفكرتها جديدان أول حاجة قصتي #ممنوعة_من_النشر_بدون_أخد_الإذن +تانيا مرحبا بكن وكنتمنى من قلبي تنال إجابكن القصة 🥰 بكل بساطة خيالية نعم الخيال أجي نسولكم : شكون فينا لي عم...
