🎩#الوحش_وذات_القزحيتين🎩
✏للكاتبة ✏ chaymae ouaj
💎الجزء 114💎
قاعت الحفل عمرات بكل الضيوف المدعويين أغلبهم هنود بلباس تقليدي سيدات ورجال أيضا وبعض السفراء الأجانب لي عرض عليهم السيد شامان هم فقط لي مختالفين من حيث الملابس دي روب سواري للنساء وكوستيمات للرجال
الساعة تقريبا تشير للرابعة مسائا البنات فجناح جاسم جاهزات وجالسات كولا شادا تيليفونها وكيتسيلفاو وشيماء حمقها اللباس وتسريحتها والميك أب كتصور وتعاود والصور كيتنقلو مباااشرة لهاتف جاسم لي كان كيشوف كل الصور بحب حتى أنها صورات النقشة على قدميها وشافها حمقاتو وفرح أنها دارتليه خاطرو ومتلهف غير متى يشوفها
☘☘
دخلات السيدتان جايا وشيتال عند البنات كيمدحو فجمالهم
السيدة شيتال : ماشاء الله كتحمقو بنياتي كلكن
السيدة جايا : راه الصباح تكلمت فالهاتف مع أختي سوزي والسيدة هيلدا سلمو عليكم وسوزي باركات لكن عيد الراكشا بندن
أيار : ههه آه راه خديت بزاف دالصور رسلتهم ليها
السيدة شيتال شافت فشيماء ) أم مغنيتنا الجميلة لليوم جاهزة
شيماء : بتوتر ) الصراحة خايفة بزاف عمرني غنيت قدام حشد كبير من الناس كنت كنغني غير للبنات صديقاتي
السيدة جايا : ماتوتريش وفقط غير غاتغني أنا عطيت الأغنية للراقصات لبارح وراه وجدو لها رقصة خاصة نتي عليك غير تغني
أيار : ههه الرقصة لي وجدو تقليدية هندية أنا غانرقص معهن عليها حيت حافضاها
أليشا : وحتى أنا
تارا : ناري أنا ماحافضاش الحركات كلها واخا هكااك غاندخل معاكم
باربرة : ههه خليوني أنا غانكتفي نتفرج ونصوركم فيديو
جايا : أكيد غاتشكلو لوحة فنية رائعة
شيماء : كتسرط ريقها وكدعي يدوز هاذ الحفل على خير ماعرفاتش كيفاش ممكن تكون ردت فعل جاسم
ولكنها داخلها بغات تغني هاذ الأغنية تهديها للناس لي ولات فعلا حاسباهم عائلتها
جاسم أولهم لي إحساسها وتعلقها بيه كيزيد كل ثانية وتفكيرها كولو مشغول بيه
تارا أيار باربرة وحتى أليشا لي عزاتهم وحطاتهم فمكانة خاصة فقلبها
عدنان غسان ذياب وفيليكس لي كتعتابرهم إخوانها واخا مزالها ماعارفة واش متقبلينها معاهم بحال لبنات أو لا حيت مزال مابينو ليها لا تقبلهم ولا رفضهم
فقررات داخلها تهدي هاذ الأغنية ليهم كاملين
أنت تقرأ
الوحش وذات القزحيتين ♡بالدارجة♡
Historical Fiction■□تقديم ■□ سلام سنفوراتي كيفكم 😍 جبت لكم قصه جديدة فعالم القصص وموضوعها وفكرتها جديدان أول حاجة قصتي #ممنوعة_من_النشر_بدون_أخد_الإذن +تانيا مرحبا بكن وكنتمنى من قلبي تنال إجابكن القصة 🥰 بكل بساطة خيالية نعم الخيال أجي نسولكم : شكون فينا لي عم...
