الوحش وذات القزحيتين ♡بالدارجة♡

الجزء 55

🎩#الوحش_وذات_القزحيتين🎩

✏للكاتبة ✏ chaymae ouaj

💜الجزء 139💜

دياب كان مركز على بحثو فالبيسي ومامسوقش لحوارهم حتى أنو ماهزش راسو ملي وصل جاسم وبدا كيتحاور معاهم حيت كان كولو تركيز وكيتواصل معاه كل هاكرز الشركة فالمغرب لي علموه بأن هناك فيديو للبنات تحط هادي ساعة وتنشر بشكل سريع فمواقع التواصل الإجتماعي فالأول دياب ماتيقش واستغرب وأمرهم يرسلو ليه الفيديو ورسلوليه الصفحة لي تنشر فيها أول مرة من طرف مواطن هندي وجمع آلاف المشاهدات فغضون ساعة بلا التعاليق لي بالمئات
دياب يلاه دخل الصفحة وبسرعة طلع له الفيديو يلاه شغلو بانوليه لبنات و شيماء بدات تشلض دوك جوج و هو يغوت )

ديااب : أواااااااه ناااااااريييي لا

الشباب كلهم وجاسم استدارو شافو فيه جاسم عرف شيحاااجة تما وتوجه عندو بسرعة دياب شافو جاي وهو يسد لبيسي وابتاسم
جاسم وقف عليه وربع يديه وهو مخنننزر فيه

جاسم : ححل لبيسي

دياب : أأ أحم رراه مافيه والو

جاسم غوت تا قفزهم ) واااااحل لبيييسي

دياب : هانت أحم كووولكم غاتكالماو ونحلو ونوريكم

فيليكس : واااش وقعات لهن شيحاجة واااا حل وريينا

(دياب حل لبيسي وطلعاتليه لباج عاودلهم الفيديو من الأول لي غير بدأ خلا الشباب كلهم مطرطقين عينيهم فشاشت الحاسوب
الفيديو بدايتو ملي غوتات شيماء بالدارجة ….
👇الفيديو 👇
(( شيماء : مافهماتهمش آش قالو ولكن عارفاهم كيضسرو وخنزراااات ونطقات بالدارجة وبصراخ خلات كل الزبناء استدارو كيتفرجو وبعضهم كيصورو خزنة )
شيماء : واهااااا لمرض تاني)))

كان الشخص لي كيصور مركز الكاميرة على شيماء لي من بعد غوتات قرب منها الشاب لي عجباتو وقالها بالهندية ( زييين أحح عالتخنزيرة ونموووت أنا فالقطة لي كتقمش)

جاسم ملي سمع كلامو ليها زير على يديه بالأعصاب وبدأ كيعراق
من بعد شيماء لي مافهماتوش وسولات أليشا لي قالتها كيضسرو ومن بعد أليشا تقدمات وطلبات منهم بالهندية يبعدو من طريقهم حتى تقدم الشاب الآخر وعبر عن رغبتو يعرض عليها و حط عليها يديه وكيلمس فكتفها فيليكس طرطق عينيه يلاه غايغوت حتى شافو كلهم ردت فعل شيماء السريعة وكيفاش ردات لبنات وراها حماية لهن كدرع 😉 وتواجهات مع شاباين قد السخط وبوحدها وبدون ولا ذرة خوف و كيفاش نترات يدو من على كتف أليشا وصرفقاتو بذاك الجهد كولو خلات الشباب مصدومين مافيقهم من صدمتهم غير غواتها بالدارجة وكلامها ملي هدداتهم طهرليييهم ماعرفو يضحكو ولا يتصدمو وفيليكس فرح وتنهد حيت برداتليه جنونو فالزامل لي حط يديه على أليشا واخا غير تسرفيقة لي عطاتو مزال ماوصلو للقطة دالصينية