🎩#الوحش_وذات_القزحيتين🎩
✏للكاتبة ✏ chaymae ouaj
💜الجزء 197💜
وسط الغابة التابعة ل آل ستارك وفواحد البلاصة لي جات فأعماق الغابة ولي خاوية من الأشجار ولكن ضايرين بيها الاشجار الكبيرة والكثيفة من كل الجوانب كأنها ساحة أو ملعب وسط غابة(نفس المكان لي سلخ فيه جاسم عدنان وغسان يلا عقلتو ) توقفو سيارات الشباب وحدة حدى وحدة خرج جاسم وشيماء وأليشا وخرجو كلهم وتايغر غير حليه دياب الباب وهو يجي كيجري وقف جنب شيماء لي حالة فمها كتشوف فالغابة وكتنفس بسرعة هي نفس الغابة لي قطعاتها من بعد الحادث حتى وصلات للقصر باش طلب النجدة بدأت كترعد حتى حسات بيديه على يدها …جاسم ليشافها صفارت شد يديها بحنية ونطق ..)
جاسم : خاسك تكوني قوية أشيماء كيما عرفتك خاسك تبينيلي قوتك وحدود طاقتك اليوم
(شيماء سرطات ريقها وحركاتليه راسها بواخا طردات ذكرياتها المخيفة والتعيسة خاسها تركز فتدريبها ….جاسم شد يديها ودخلو لتلك الساحة مشيا والشباب تابعينهم بعدو بزاف على لبلاصة فين حطو السيارات ووقفو فوسط الغابة … جاسم حبس وشاف فيها وكل خوتو حتى هم …
جاسم : ابتاسم ليها وشعل يديه بالنارر ) غانبدأ أنا يا جميلتي غانهجم عليك بالنار ففعلي درعك
شيماء : واخا
الشباب ولبنات وتايغر لي بأمر من جاكلين كلهم بعدو من وسط الساحة ووقفو جنب الشجر كيتفرجو وجاسم بعد بخطوات على شيماء وتقابل معاها كيشوف فيها بحدة ويديه شاعلة بالنار والأخرى مكلاصية كلها فعل فيها الجليد و شيماء حتى هي واقفة كتشوف فيه بحدة ….)
جاسم نطق بصراخ ) شيمااء فعلييي درعك فعلييه يكون قوي وبزاف غانهجم علييك بقوى متعددة و فنفس الوقت غانضربك من كل الجوانب وريني شحال نتي قوية وريني أن حتى قوة من هاذو ماغاتأتر فيك كيما عاهدتك ديما يالاه
شيماء لي واقفة بفستانها الأزرق بعيدة عدة خطوات على جاسم غمضات عينيها كتركز طاقت جسدها لي حساات بيها كأن جسدها امتلأ بالحيوية والإينيرجي حلات عينيها وبتاسمات لجاسم بخبث وحلات يديها 🙌 بمعنا هاااانا ونطقات بصراخ ) هااانااا ورييينيي آش فجهدك ديير أراجلي (وغمزاتو )
(جاسم ضحك وبسرعة وجه ليها النار الحاااارقة بقوة كبيرة لدرجة الشباب مبعدين وحسو بالسخونة
لبنات طرطقو عينيهم وشهقو وخصوصا جاكلين وهم كيشوفو تلك النااار بتلك الكمية والحدة موجهة ناحيتها وغير قربات ليها وهي تنداثر اختفات كليا … جاسم ماعطلهاااش بسرعة احتفى من مكانو وضهر موراها بمسافة ووجه ليها كومة جليد قاتل ولكن غير قرب منها اختفى وهي استدارت شافت فيه
جاسم اختفى وظهر فجيهت جنبها فعل قوة الرياح أو التحكم بعنصر الرياح ووجه ليها زوبعة قوية🌪🌪 لدرجة الشباب تحركو من بلاصتهم بفعل الرياح القوية ولكن شيماء الريح ماقاصهاش بمرة حتى خصلة من شعرها ماطارت غير كيوصل ليها كينداثر ويختافي …. جاسم اختفى ضهر فجنبها الآخر ووجه ليها ضربة قوية بعنصر الماء أو قوة الماء 🌊 وهو الآخر تزلع فالنواحي ولكن كايوصل تاليها وينداثر
جاسم رجع اختفى وظهر أمامها وهز صخرة كبييييرة الحجم وثقييلة هزها بخفة باستعمالو قوة دياب كأنو هاز ريشة وشاف فشيماء ولاح عليها تلك الصخرة بكل قوتو …. الصخرة بتلك القوة باش تلاحت كان المفروض تمعسها ولكنها طاحت بعيدة عليها بفعل الدرع لي غير مسارها بلاصت ماطيح عليها طاحت جنبها بعيدة عليها بمسافة قليلة ….وجاسم بسرعة ركز الشوفة فالصخرة وفعل قوة التفجير و بووووم انفاجرات الصخرة العملاقة لي جنب شيماء كأنها قنبلة وتعاااالا الدخان فالجو غطى الرؤية لبنات والشباب مابقا كيبانليهم والووتعاااالا الدخان فالجو غطى الرؤية لبنات والشباب مابقا كيبانليهم والو
أنت تقرأ
الوحش وذات القزحيتين ♡بالدارجة♡
Historical Fiction■□تقديم ■□ سلام سنفوراتي كيفكم 😍 جبت لكم قصه جديدة فعالم القصص وموضوعها وفكرتها جديدان أول حاجة قصتي #ممنوعة_من_النشر_بدون_أخد_الإذن +تانيا مرحبا بكن وكنتمنى من قلبي تنال إجابكن القصة 🥰 بكل بساطة خيالية نعم الخيال أجي نسولكم : شكون فينا لي عم...
