اليوم الثاني في بيت ابو نايف على الغداء
اولاد ابو نايف كانو يسولفوا وياكلوا ويلعبو
ابو نايف بغضب : اسكتوا شوي ، استغفر الله العظيم !
كلهم سكتو وما بقي الا صوت ضحكات رنيم الي كان عمرها سبع سنوات
ابو نايف لف على أم نايف : انا بسافر للرياض و الدمام كم يوم اقدم على وظيفة مع ابو هايف
بهاج رفع راسه : يعني اليوم ما بنلعب مع سهم وجمانة ؟!!!
ابو نايف ناظر له : اذا تبي روح لهم بس لا تتأخر على البيت
بهاج أبتسم : ابشر
ام نايف : تمام الله معكم
.
طلع ابو نايف ومعه شنطته و توجه لبيت ابو هايف ودق الباب
ركضت جمانة الي تعودت زي ذا الوقت يجي ابو نايف و معه بهاج واخوانه
فتحت الباب : بهاااااج ، عمو عبدالعزيز وين بهاج؟
ابو نايف وهو يبوس راسها : يازينك والله ، بهاج بيجي بعد شوي بس وين ابوك ؟
جمانه : الحين اناديه لك
ركضت جمانة للصالة عند ابوها
ابو هايف : ها وينه بهاج ؟
جمانة : ما جاء بس عمو عبدالعزيز برا يبيك
طلع ابو هايف ومعه شنطته : هلااا اخووووي هلا
ابو نايف حضن ابو هايف : اهلييين ، يلا مستعد ؟
ابو هايف : اكييييد ، يلا
ركبو سيارة ابو نايف و توجهو للرياض
.
عند بهاج : يمه انا بروح عند جمانة و سهم
ام نايف : تمام وزي ماقال لك ابوك لا تتأخر ارجع قبل العصر ، وسلم لي عليهم
بهاج وهو يبوس راسها : ابشري
خرج بهاج و توجه لبيت ابو هايف ودق الباب
كالعادة فتحت جمانة : بهااااااج ، كنت انتظرك ليه تأخرت !
بهاج حط يده على شعرها وبعثره : كنت اساعد امي ، يلا تعالي نلعب
ام هايف : كيفك بهاج ؟
بهاج ناظر لها : الحمدلله يا خالة
ام هايف : كيفها امك؟
بهاج : الحمدلله تسلم عليكم
ام هايف : الله يسلمها ويسلمك
.
بهاج و جمانة وسهم كانوا يلعبوا مطاردة ( غميمه او غميضه ما اعرف وش تقولون لها ) و سهم كان يلحق بهاج وبهاج تعثر وطاح وانجرح في ركبته ،
ركضت له جمانه بخوف : بهاااج وش فيك ؟
بهاج وهو ويضغط على الجرح : مافيني شي
سهم جلس جنبه : اسف ماكان قصدي
ركضت جمانة للبيت تجيب لصقة اجراح
بهاج ابتسم لسهم وقال كلمة ابوه الي دايم يقولها لابو هايف : انت اخوي مستحيل تإذيني
رجعت جمانة ومعها مويا ومنديل ولصق وجلست ،
بهاج ضحك : وش ذا ؟
جمانة : انظف جرحك
بهاج ابتسم : يلا يا دكتورتي
اخذت جمانة المويه وحطتها في المنديل ونظفت الجرح و بعدها حطت اللصقة
بهاج وقف : شكراً يا دكتورة جمانة
جمانة ابتسمت : عفواً
خرجت ام هايف : بسم الله وش فيك بهاج ؟
بهاج : طحت و تعورت بس دكتورتكم جمانة عالجتني.
ام هايف ضحكت : ههههه بسم الله عليكم ، انتبوا وانتم تلعبون
الكل : تمام
كملو لعب و كإنه ماصار شي.
بعد يومين ، رجعو ابو هايف وابو نايف من السفر.
وبعد ثلاث ايام من رجعتهم ، ابو هايف انقبل في الدمام و باع بيته الي في شقراء وراح هو واهله للدمام.
و ابو نايف انقبل في الرياض و باع بيته و راح للرياض مع اهله.
وكل واحد انشغل مع حياته الجديدة و اشغاله وانقطع التواصل بينهم ، ومرت الايام والشهور والسنوات ، الين عدت " 15 سنة ".
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
