في جناح غياث .
دخل غياث الغرفة وشاف رغد تتألم ،
ركض لها غياث : رغد حبيبتي وش فيك ؟؟
رغد وهي تبكي من الألم : بطنيي بولددد
غياث : يمكن مغص مثل كل مرا !
رغد مسكت يد غياث بالقوة : لا لا يا غياااث
غياث بفهاوه : وشش ؟
رغد صرخت : غياااااث راح اووولددد الحقنيييي
ركض غياث بكل سرعته اخذ عباية رغد : البسي البسييي بسرعههه
لبست رغد عبايتها وهي تبكي وتصارخ من الألم
.
في الصالة ، رنيم وبهاج و ام نايف جالسين
بهاج : يمه الهنوف انخطبت
ام نايف بإستغراب :وش انخطبت؟ انت خطبتها !
بهاج : لا ، سهم خطبها
ام نايف ابتسمت براحة : الحمدلله ، الله يتمم لها يارب
رنيم : ليه ما قالت لنا الخايسة !
بهاج : اليوووم صار الشي اليووم! يمكن ماهي مستوعبة
قاطع كلامهم صراخ رغد من الدرج
ام نايف بخوف : بسم الله ، قومي يا رنيم شوفي وش فيها
وقفت رنيم وركضت للدرج بس وقفت لما شافت غياث ساند رغد ورغد تتألم
غياث: رنيييييم قولي لي أمي تلبس عبايتها بسرعهههه
رنيم : وش فيه ؟؟؟
غياث بصراخ : رغد بتووووولددد
ركضت رنيم لغرفة امها تاخذ عبايتها ، ورجعت طيرااان واعطتها امها : يمه يمه رغد بتولد
ام نايف لبست عبايتها بسرعه
غياث : يمه يلا
ام نايف : يلا يلا
خرجو ام نايف و غياث ورغد للمستشفى.
.
.
، في المستشفى
غياث وأمه كانوا واقفين عند غرفة الولادة
غياث بتوتر : يمه ليه طولت !
ام نايف مسكته : الحين تخرج ان شاء الله اهدء انت
خرج الدكتور من غرفة الولادة ، وركض له غياث
غياث : ها ، بشر يادكتور !؟
الدكتور ابتسم ؛ مبروك زوجتك بخير و جابت ولد
غياث زفر براحة وحضن امه : الحمدلله الحمدلله
ام نايف : مبروووك ياحبيبي يتربى بعزكم
غياث : الله يبارك فيكِ
لف غياث للدكتور : وينهم الحين ؟
الدكتور : زوجتك بغرفة ** و البيبي في الحضانة
اخذ غياث امه و راحو لغرفة رغد
رغد بصوت تعبان : غياث !
غياث حظنها : الحمدلله على السلامة رغودتيي
رغد ابتسمت وهي تبادله الحضن :
الله يسلمك يا عيوني
ام نايف : الحمدلله على سلامتك يمه رغد يتربى بعزكم
رغد : الله يسلمك خالتي
رغد ناظرت غياث : شفت البيبي؟!
غياث : لا ، قلت ما اشوفه الا معك
ام نايف: وش بتسمونه ؟
غياث ابتسم وناظر رغد : وش تبين تسميه؟
رغد : اممم ، وش رايك بـ غيث !
غياث رفع حواجبه بتعجب :
حلو ، غيث بن غياث بن عبدالعزيز ، خلاص نعتمد الاسم يمه ؟
ام نايف ابتسمت : اعتمدوه اعتمدووووه
.
في بيت ابو نايف
رنيم و بهاج كانوا جالسين في الصالة وهم متوترين و خايفين على رغد.
فجأة رن جوال بهاج
بهاج رد بسرعه : الو غياث بشر ؟!
غياث : باركلي جاء غيث بن غياث بن عبدالعزيز
بهاج بفرحة : مبرووووك مبروك يتربى بعزكم ان شاء الله ، كيفها رغد ؟
غياث : الله يبارك فيك ، الحمدلله بخير
بهاج : الحمدلله ، يلا الحيين جاينك انا ورنيم ، جهز لنا الشيخ غيث ابن غياث ابن عبدالعزيز
غياث ضحك : ابشر ابشر
قفل بهاج الخط ورنيم نطت عنده
رنيم : هااا وش صار؟
بهاج وهو مبتسم : شرف الشيخ غيث بن غياث
رنيم : الله ، تكفى يلا خلنا نرووووح
بهاج وقف : يلا اجهزي ، البس ثوبي ونخرج
راحت رنيم تلبس عبايتها و بهاج راح يلبس ثوبه وبعدها توجهوا للمستشفى.
.
في القصيم
في الصالة الكل كان جالس و يسولف ، بس قاطعهم اتصال ام نايف لأم يزن :
ام يزن : الو ..... وعليكم السلام....... الحمدلله وانتي ؟....... دوم يارب ....... والله !!!.... ماشاءالله ماشاءالله متى ......... الحمدلله ، ...... ان شاءالله بكرا الصباح نجي للرياض ........ و بعدها تجي للقصيم تخلص النفاس عندي .... تمام ، يلا مع السلامة.
قفلت ام يزن و هي فرحااانه : ابشركم ابشركم رغد ولدتتت وجابت غيث
ابو يزن : الحمدلله
روان ابتسمت : الحمدلله على سلامتها
ام يزن : الله يسلمك ، وعقبالك
روان ابتسمت : امين
يزن : متى بنروح لها ؟
ابو يزن : بكرا ان شاء الله
ام يزن :نجلس عندهم كم يوم ونرجع مع رغد تكمل النفاس هنا
ابو يزن : اجل اجهزو بكرا الصباح نحرك
.
في الرياض ، في المستشفى.
وصلو بهاج و رنيم ، وقف بهاج في السيب و دخلت رنيم الغرفة.
رنيم : هلاااا بأم غيث هلا
رغد ضحكت : اهلاااً بعمة غيث الجميييلة
رنيم حضنتها : مبرووك ما جاكم يتربى بعزكم
رغد : الله يبارك فيكي يارووحي
راحت رنيم لغياث الي شايل غيث وضربته على كتفه : حركااات صرت ابووو
غياث وهو يوريها غيث : شوفيييه كيف صغيير
رنيم : الله يخليه لكمممم
غياث : اميين
رنيم : بهاج برا يبي يشوفه
غياث خرج لبهاج وهو شايل غيث بين يده
بهاج وهو ياخذ غيث من غياث : ماشاءالله ماشاءالله ، مبرووك ما جاك ياعضيديي
غياث ابتسم : الله يبارك فيييك يا بعد قلبي
بهاج وهو يبوس غيث : ماشاءالله ، بالله عليك ما يشبهني ؟؟
غياث قطب حواجبه وضرب بهاج : اعوووذ بالله ، مرا مافي شبه اعقل ، يازينه يشبه ابوه
بهاج بطرف عين : انت تشبهني !
غياث : ويييين مرا مافي شبه
وصل ابو نايف وشافهم عند الباب.
ابو نايف حضن غياث : ماشاءالله مبروك ماجاك يتربى بعزك
غياث وهو يبادله الحضن: الله يبارك فيك ،
اخذ ابو نايف غيث من بهاج : ماشاءالله ماشاءالله
بهاج : متى بيجو عمي واهله ؟
غياث : بكرا الصباح
بهاج : اجل انا استئذنكم ، بروح البيت ارتاح
ابو نايف : الله معك ، و بكرا يوم يجو جدك بنخطب الهنوف
غمض بهاج بضيق و خرج بدون ما يقول شي.
وكالعادة راح للسوبرماركت و اخذ كراتين مويا ووزعها في المساجد ، ورجع البيت ونام
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
