صدفة بلا موعد وبك خافقي هام .

P13

.
صباح اليوم الثاني :
في الرياض ، في مكتب غياث
كان يقلب في اوراق احد القضاية ، بس قاطعه صوت دق الباب
غياث : تفضل
دخلت البنت : السلام عليكم
غياث قلبه دق ، حس انه يعرف الصوت ! ، بس حاول ينكره ، غياث بتشتت : ت تفضلي
جلست البنت ، وغياث ما قدر يرفع عينه يخاف تطلع الي في باله
غياث بتردد : ا اسمك ؟؟
البنت : جميلة ناصر
رفع غياث راسه بصدمة ، ايييه ايه الي في باااالكم جميلة ، حبيبته القديمة
غياث : وش جابك ؟!!!
جميلة بصوت باكي: رفعت دعوة طلاق و احتاج محامي ، وما اثق الا فيك
غياث غمض و بحدة  : اطلعي من هنا
جميله وهي تبكي : تكفى يا غياث ، والله ماقدرت انساك ، سامحني ، سامحني وخلينا نرجع لبعض تكفى يا غيااث
غياث بغضب: اخرجيييي من هناااا ، مافيه شي يرجع !
جميلة وقفت و قربت من مكتبه وهي تبكي :
غياث ، كيف يهون عليك تنسى حب ثلاث سنين يا غياث!! الله يخليك ياسمحنيي.
غياث وقف بصراخ وضرب الطاولة: اخرجيييي من هنااا قبل يصير شي مايعجبك !!!!
جميلة قربت منه و كانت تبي تمسك يده بس غياث بعد عنها : غياث تكفى لا ا.........
غياث مسك ذراعها بالقوة وتوجه للباب بغضب ، وفتحه ودفها.
غياث بغضب : لا عاد اشوفك هنا فاهمة ! ومافي شي راح يرجع ، ولا تطلعي بطريقي ثاني!
قفل غياث باب مكتبه ، و جلس وهو ماسك راسه ، وفيه مليون تساؤل في راسه ، هو كان يتناساها و تزوج وحدة ثانية وبدأ يحبها ، والحين تطلع وتقول نرجع لبعض !!! لييييه ترجع وتفتح المواجع ليييه !
.
في الدمام
في دوام بهاج
بهاج كان جالس في مكتبه ويناظر السقف بطفش
مصعب : بهاج
بهاج بنفس وضعيته : هااااااه
مصعب : لو تقدمت لأختك توافق ؟
بهاج عدل جلسته وناظر مصعب : اي اخت ؟
مصعب بإحراج : مدري ناسي مين هي ، بس الي يوم عرس غياث
بهاج قطب حواجبه بمزح : طبعاً ماراح اوافق !
مصعب بصدمة : ليه !
بهاج ضحك : هههههه امزح امزح ، والله نتشرف فيك يا حبيبي
مصعب زفر براحه : وجع طيحت قلبي ، من امس افكر كيف اكلمك
بهاج : انا ما عندي مشكله بس نشوف ابوي و البنت
مصعب : صح ، وش اسمها ؟
بهاج بطرف عين : استح على وجهك لما تخطبها تعرف
مصعب ضحك : هههههه تمام تمام لا تاكلني ، بس ما بخطبها الحين ، اول شي ارتب اموري ، و اشوف لي بيت مرتب و بعدها ان شاء الله اخطبها
بهاج ابتسم : الله يوفقك و يسهلك يارب
مصعب : امين
.
في الرياض بعد الظهر
غياث كان واقف عند حديقة و فكره مشووووش ،  قفل جواله و سدّح مقعدة السيارة وجلس بوضعه ذا الييين الليل.
.
الساعة 12:30
رجع غياث البيت و طلع جناحه ، وافكاره و مشاعره وكل شي فيه متلخبط.
رغد وقفت بإستغراب : غياث ! حبيبي وش فيك اتصل عليك من العصر ما ترد ؟ ليه تأخرت كذا !
غياث وهو يلبس تيشيرته و مقطب حواجبه : رغد ماني فايق لك !ابعدي عني.
رغد قربت منه ومسكت يده بهدوء : حبيبي غياث وش فيك ؟ وش مزع....
قاطعها غياث بصراخ :رغددد لاااا ترفعي ضغطي زيادة ! ، قلت لك ابعدي عني 
سحب غياث يده وراح انسدح على السرير وافكاره ومشاعره متلخبة ، صح انه بدأ ينسى جميلة بس ليه ! ليييه تجيه بعد كل ذا الوقت ليه؟ بعد ما تزوج ، وصار له 3 شهور ، و حب زوجته ، و بيجيه طفل منها ، فجأة تطلع في حياته ثاني ! ،وتبي ترجع له !.
عند رغد ، كانت واقفة وهي مصدومة وزعلااانه، ليه غياث يصرخ عليها ! وش السبب الي مضايقه؟.
.
.
اليوم الثاني ، يوم المخيم
صحى بهاج وهو متحممممس ، لبس ملابسه وراح لغرفة مازن وهو يدق الباب ويلحن
: ياااا مااازن يلا قووووم .. عشان لا نتأخررر .. يلا يا مزووووون
مازن فتح الباب بغضب : بهاااااااج اسكتتتت
بهاج باس راسه : حبيبي انت اسف ، يلا اجهز بسرعه
قفل مازن الباب في وجه بهاج وراح يتجهز
وراح بهاج لغرفة مصعب و مثل ما ازعج مازن ازعجه : يلاااا يا نسيبناااا يلا .. قووووم اجههززز يا مصعووووبييييي ..
مصعب فتح الباب وهو يحك عينه : يالله صباح الخيييير ، احتاج ابوك يسلفني عصاه
بهاج : والله نكنسل !
مصعب باس راس بهاج : اسف يا رجال محد يمزح معك انت؟!
بهاج ابتسم بتكبر : ايييه ادب ادب ، يلا اخلص انا بنزل اجهز السيارة
نزل بهاج للسيارة وهو مرووووق وبعدها بدقايق نزلو مازن و مصعب وتوجهو للمخيم
.
في بيت ابو هايف
ابو هايف في الحوش : يلاااا يولد انت ويااااه
هايف جاء وهو شايل وردة : والله يبه عيالك طلعو عيوني
سهم خرج وهو يركض : يلا يلا
ابو هايف : ياولد لاتركض اعقل اعقل
جمانة خرجت هي وامها : كل شي جاهز ؟
سهم : اخذنا كل البيت خلاص ، بس باقي السرير
الكل :  ههههههههههههههه
ابو هايف : يلا يلا غدير انتي واصال يلا
ركبو كلهم السيارة و توجهو للمخيم
.
في الرياض في بيت ابو نايف
رنيم كانت تسوي قهوة
ابو نايف : يا رنيم يابنتي اخلصيييي علينا
رنيم : يا يبه قربت اخلص
ام نايف : وينه غياث ما نزل ؟ ، روان يمه روحي شوفيه
روان : تمام
.
في جناح غياث
رغد كانت تلبس عبايتها وهي زعلانة من غياث ولا تبي تكلمه.
غياث كان عقله مشغول بموضوع امس ولا انتبه لزعل رغد.
ورغد كانت تنقهر منه ، فوق انه صرخ عليها ، يعاملها كإنها جدار ولا اهتم لزعلها. 
روان دقت الجرس
رغد فتحت الباب : هلا
روان : وينكم ؟ يلا بنحرك
رغد : الحين ننزل
نزلت روان ورغد سكرت الباب وراحت تاخذ شنطتها
رغد بدون ما تناظر غياث : اهلك ينتظرونا تحت
غياث ناظرها : تمام ، وش فيه وجهك؟
رغد : مافيني شي
راح لها غياث ومسك وجهها : زعلانة مني ؟
رغد وهي مقطبة حواجبها : وش تتوقع ؟
غياث باسها : طيب اسف ! ماكان قصدي اصرخ عليك بس كنت معصب شوي
رغد : ليه معصب ؟
غياث تنهد : صارت مشكلة في الدوام وبس
رغد رفعت حواجبها : مشكلة في الدوام !
غياث هز راسه : ايه
رغد ابتسمت وصغرت عيونها : كذاب
غياث اخذ شنطتها وحطها في يدها : تمام انا كذاب، بس خلينا ننزل قبل يعصب ابوي
رغد ابتسمت ورفعت اصباعها : ماراح اتركك !
غياث باسها : تماااااام يلا
نزلو غياث و رغد
وحركوا كلهم للمخيم مع الجد والعمة هنادي وعيالها و ابو يزن وعياله