صدفة بلا موعد وبك خافقي هام .

P24

ظهر اليوم الثاني ، وتحديداً في الرياض :
في احد غرف العناية المركزة ، غرفة جُمانة .
وأخيراً اللحظة الي كلنا ننتظرها بعد 4 شهور ،
حرّكت جمانة راسها بألم، بصوت تعب وهي مغمضة : يمه .... سههمم.... بهاااج
دخلت الممرضة لغرفة جمانة وتفاجأت انها تحرك راسها وتتكلم ، ركضت لها وبدأت تضربها بخفة على خدها : جمانة جمانة تسمعيني ؟
فتحت جمانة عيونها بشويش وكانت تشوف كل شي مغبش ، بدأت ترمش بعيونها الين قدرت تشوف كويس .
ابتسمت الدكتورة وحضنت جمانة :
الحمدلله الحمدلله صحيتي
جمانة بتعب : وين انا ؟ وش صار ؟
فزت جمانة بتعب اول ما تذكرت سهم :
سسسهههم !! وش صار عليه ؟ وينه !
الدكتورة : سهم بخير الحمدلله لا تخافي
جمانة بخوف : وينه ؟ وش صار علي !
الدكتورة قالت لها الي صار.
جمانة وهي تصيح : 4 شهووور وانا ما احس في احد !! كيف يالله ، لوسمحتي اتصلي بأهلي
الدكتورة : تمام
.
في بيت ابو نايف
في المجلس ، كانوا الرجال جالسين بعد الغداء ويسولفوا.
مازن : ياعمي ابو نايف ، والله جاينك اليوم طامعين بنسبكم و نبي القرب منكم ، نبي بنتك رنيم لمصعب اخوي .
ابو نايف ابتسم : والله هذي الساعه المباركه ، ومصعب ولدي و اعرفه زيين وشهادتي فيه مجروحة ، قم يا بهاج شاور اختك
.
راح بهاج للباب ودق الجرس
رنيم : وش تبي ؟
بهاج : وين امي ؟ ناديها وتعالي معها
راحت رنيم ورجعت مع امها
ام نايف: خير يابهاج ؟ وش فيه
بهاج : مصعب صديقي تقدم لرنيم
رنيم تجمدت في مكانها وهي تناظر بهاج وامها
ام نايف : انت كيف تشوف الولد؟ وابوك وش رايه ؟
بهاج : تعرفون اني اعرفه من تقريباً 6 سنوات و والله انه مثل اخوي واكثر و وماشفت منه الا كل خير ، و ابوي ماعنده مانع
ناظر بهاج رنيم وابتسم : وش رايك رنيمي ؟
رنيم بهدوء : الي تشوفونه
بهاج ضرب راسها : انتي الي بتتزوجين وش دخلنا ؟
رنيم هزت راسها : موافقة
بهاج حضنها: الله يتمم لك على خير يا حبيبة اخوووووك
.
رجع بهاج للمجلس
ابو نايف : ها وش تقول ؟
بهاج ابتسم: موافقة
كلهم وقفوا يباركوا لمصعب وهم فرحانين له
جلس بهاج جنب مصعب : بيتغير اللقب من خوي دربي لنسيبي
مصعب ضحك بهمس:يولد مافي شوفة شرعيه؟
بهاج ضربه على رجله : اعقل بس اعقل ، مافي شوفة شرعيه ، وبعدين تراها حلوه تشبهني
مصعب ناظره : اجل هونت
بهاج : افاااا يالنسيب !
الجد : متى تبي العرس يا مصعب ؟
مصعب : والله ما عندي مشكلة الوقت الي يعجبكم.
ابو نايف : بعد شهر مناسب ؟
مصعب ابتسم : ايه مناسب
ابو نايف : اجل الله يتمم لك على خير
الكل : امين
رن جوال ابو هايف .
ابو هايف خرج للحوش يكلم : الو
الممرضة: السلام عليكم ، معانا محمد ؟
ابو هايف : وعليكم السلام ، ايه نعم ، مين معي؟
الممرضة : مستشفى *****
ابو هايف ارتخت ملامحه بتوتر : وش صاير ؟ جمانة فيها شي ؟
الممرضة : ابشركم جمانة بنتك صحت الحمدلله
ابو هايف بصدمة : والله ؟؟؟ متى ؟ كيف وضعها!
الممرضة : ايه ، قبل شوي صحت ووضعها الحمدلله كويس
ابو هايف : يلا يلا الحين نجيها
قفل ابو هايف ورجع للمجلس و وجهه مبسوط والابتسامة شوي وتوصل اذنه
ابو هايف وقف في نص المجلس :
ابشرررركم ابشررركم جمانة بنتي صحححتتتت.
وقف بهاج بصدمة وركض لأبو هايف :
منجدك ياعم ؟
ابو هايف ابتسم وحضنه: ايييه والله صحتتت
كلهم وقفوا يباركوا ويحضنوا أبو هايف ، وبهاج كان متجمد في مكانه وعيونه مليانه دموع فرح و من الفرحة ماقدر يتحرك ، العيال راحو لبهاج ووقفو عنده
اتجه له غياث وحضنه : واخيراً رجع قلبك ، واخيرااا رجع لنا العاشق الولهاااااان
بهاج بادل غياث الحضن : اخخخ يا غياث والله احس اني رجعت للحياااااة ، واخييراً طوّلت مراا ياغياث
غياث : الحمدلله صحت خلاااص
مهند ضرب كتفه: واخيييراً بيرجع بهاج القديييم
مازن ابتسم : والله اشتقنالك
يزن : نبي اغاني وقصايد حب خلاص ههههه
سهم ضحك : ملينا من الاكتئاب