.
في المخيم
وصلو بهاج و العيال اول الناس ، وبدؤ ينزلو الاغراض الي جابوها
وبعدها بدقايق وصلو ابو هايف و عياله
ابو هايف نزل من السيارة وبهاج راح يسلم عليه
بهاج : كيفك يا عم
ابو هايف : الحمدلله ، وانت كيفك ؟
بهاج وهو يناظر سيارة ابو هايف :الحمدلله
سهم ضرب راس بهاج بضحك : وش تدور !
بهاج لف له بتوتر : و ولا شي
سهم ضحك وهو عارف انه يدور على جمانة
بهاج : تفضلوا يا عم قسم الحريم من اليمين ومن هنا قسم الرجال
ابو هايف : سهم روح ساعد خواتك
بهاج : سهم اساعدك ؟
سهم ابتسم : ارتاح انت
بهاج وابو هايف و هايف دخلوا قسم الرجال
و سهم راح يساعد جمانة و غدير
غدير دخلت المخيم : الله ، مرا يجنننن
جمانة : الله ، ان شاء الله اليوم يكون حلو
بعد ساعة ، وصل ابو نايف و عياله
.
في قسم الرجال ، بعد ما سلموا على بعض
الكل بدأ يسولف و يضحك إلا غياث كان يفكر
بهاج ضرب رجل غياث بشويش : وش فيك
غياث هز راسه ( يعني مافيه شي )
مهند : طول الطريق ساكت ، والله رغد هجدته
بهاج ضحك : هههههههه الله ينصر رغد ، من زمان ما شفته كذا هاجد
وقف غياث بضيق وطلع برا ، ولحقه بهاج.
كان غياث يمشي و بهاج سحبه من كتفه ،
بهاج : غياث ! وش فيك ؟
غياث لف بضيق : ولا شي
بهاج : غيااااث ، تكلم
غياث : جميلة
بهاج ناظره بصدمة: وش فيها ؟ لاتقول جاتك !!
غياث : ايه ، تبي تتطلق من زوجها وتبي محامي .... قاله غياث الي صار وبعدها قال : وانا الحين محتار
بهاج بغضب : غياث لا تجنني ، انت تزوجت رغد ورغد حبتك ، وش الي محيرك ؟ جميلة ! ، مع نفسها فيه مليون محامي غيرك ، وانت أنساها ،
غياث جلس : ما اعرف يا بهاج احس اني الى الأن احبها
بهاج مسك راسه : تبي ترفع ضغطي انت ! حبك برص ، غياااث وش فيك ؟؟؟ نسيت انها تركتك وانت كنت تحارب الكل عشان تاخذها ! اذا نسيت اذكرك !!!
غياث : ما نسيت يابهاج ما نسيت
بهاج وقف : اجل انسى الي صار و كمل حياتك مع رغد ولاتنسى انها حامل !
رجع بهاج للخيمة و غياث راح يمشي
عند الحريم
الكل كان يسولف و مبسوط وكلهم مشتاقين لبعض.
ام يزن : رغد يمه كيفك مع الحمل
رغد : الحمدلله
العمة هنادي: ماشاءالله ، كم شهرك ؟
رغد : الثاني
ام هايف : الله يسهلك يا حبيبتي
الكل : امين
جمانة : بنات وش رايكم نروح نتمشى برا ؟
رنيم: ايييه يلا
اصال : انا بجلس هنا
ميساء: وانا بجلس معها
وقفوا البنات كلهم ولبسوا عباياتهم ووقفت ارياف معهم بس مسكتها ام نايف : وين حبيبتي ؟
ارياف: بروح معهم
العمة هنادي : لا يحبيبتي ذول مجنن وانتي في بطنك بيبي اجلسي
ارياف جلست : ورغد تروح معهم !
ام هايف: ارتاحي هنا وش تبين في البزران و رغد توها في بداية حملها.
غدير : الله يهديك يمه صرنا بزران !
ام نايف : ايه والله بزران
الهنوف : يلا يا بنات
خرجو البنات وراحو يمشوا ويسولفوا و يلعبوا ،
وقابلو في طريقهم غياث
غياث : رغد
رغد لفت له : هلا!
غياث ابتسم : تعالي شوي
تنهدت رغد وراحت له : هلا ، وش تبي !
غياث ابتسم ورفع حواجبه : يمكن أشتقت لك ؟
رغد تخصرت : كذاب قبل شوي كنت معك ؟!
غياث نزل لمستواها وباسها ؛ عادي !
رغد ابتسمت وهي تعدل له ثوبه : طيب بسألك دامك مرق !
غياث : سمي
رغد : ليه كنت معصب امس ؟
غياث نزل راسه : قلت لك مشكله في العمل
رغد رفعت حواجبها : مشكلة في العمل و تعصب علي ! من متى ؟
غياث : طيب وش رايك نتكلم بعدين ؟ الحين روحي للبنات
رغد رفعت حاجب ونزلت حاجب : تصرفني !
غياث وهو يبوس خدها : لا والله ما اصرفك بس عشان لا تتأخرين عليهم
رغد قبل تمشي : اوكيه ، مع السلامة
ابتسم لها غياث و رجع للخيمة ، ورغد راحت للبنات
الهنوف : وش يبي ذا ؟
رغد وهي تدلع : اشتاق لي
كلهم ناظروها وبصوت واحد: يعععععع
رنيم : روان اعدتك ؟
جمانة : من عاشر قوم ههههههههههههههه
رغد : هههههههه مالكم دخل ، يلا نكمل
كملوا البنات مشي و لما بدأت الشمس تغرب رجعو للمخيم
.
بعد المغرب
في قسم الرجال
الكبار كانوا داخل المخيم ، و العيال جالسين برا حول شبة النار
مهند : يوووه اشتقت للأجواء ذي
نايف : ايه من زمان ما خرجنا للمخيمات
بهاج : تبون الجو يصير نااااار وحمااااس ؟
الكل : ايه
بهاج ناظر مهند : تكفى يا مطربنا اطربنا
مهند : لااااا
يزن : يا شينك يا مهند ، اعطني العود بس
كلهم ناظرو يزن بصدمة
سهم : انا عن نفسي ابي اذني
نايف : يزن استخير استخير
هايف : حرام عليكم عطوه يجرب
مازن : احس يجي منه
اخذ مصعب العود واعطاه يزن : يلا
يزن عدل جلسته وبدء يعزف و يغني
" اجاذبك الهوى و اطرب و اغني "
وكلهم كانوا منصدمين ، كييييف يزن يعرف يدق عوووود !.
خلص يزن ونزل العود : هااا كييييف ؟
بهاج صفق بصدمة : والله رهيييييب
مصعب صفق بعد بهاج : ما توقعت والله ههههه
كلهم صفقو بصدمة بعد مصعب و هم يمدحوا عزف يزن
غياث : طيب عندي فعالية ثانية
بهاج انسدح على رجل مصعب : وش
غياث : بقول لكم كم بيت
مازن: متحور بهاج !
الكل : ههههههههههههههه
غياث عدل جلسته : طيب اسكت انت وياه و اسمع
" كنت القرايب و كلهم اغراب
حتى القمر لاغاب شفتك محله
روح واعتبرني واحدٍ اذنب وتاب
مانيب ثوبٍ تلبسه ثم تمله ".
مصعب صفق : الله علييييك
نايف ضحك : صارعندنا شاعر ثاني
بهاج : طيب اسمع انت وهو
غياث : سمعنا وانا اخوك.
بهاج جلس و ابتسم :
" اجمل صدفة على مـر الاعـوام
ساعة تلاقت نظرة العين بالعين
صدفة بلا موعد وبك خافقي هام
ومشيت في درب الهوى و المحبين
معك ابتدت احلا الليالي و الاحلام
وعشت الهوى والحب عيشة سلاطين "
غياث ابتسم لانه فهم المقصود .
مصعب : لازم نشووووف حل مع ذا الرهيّف !
غياث وهو مبتسم : اتركوووووه مالكم دخل فيه .
مهند ؛ اغني لك بس اعترف مين الي تحبها ؟
بهاج : شكراً لا تغني لي
نايف : طيب بسألك وقول ايه او لا ، انت تحب ؟
بهاج ابتسم : لا
غياث كان يناظرهم و يحاول يكتم الضحكة.
مصعب : بهاااج نتكلم صدق ، تحب او لا ؟
بهاج : ياربييي منكم ، ايه احب ارتحتوا !
صح كلهم كانو متوقعين انه يحب بس انصدمو.
سهم ابتسم ابتسامه خفيفه وهو حاس لا متأكد انه يحب جمانة
مازن : مين مين ؟
بهاج : زودتوها ترا ! ، ذا شي خاص مالكم دخل
نايف : طيب نعرفها نحنا ؟
بهاج رفع كتوفه يعني مايدري
هايف : من اقاربكم ؟
بهاج رفع راسه : يالله لقااااافه ، خلاص قلت مالكم دخل
مصعب : اتركوه بيجي يوم ونعرف
مازن ناظر غياث و سهم : سبحاااان الله ، اكثر اثنين ملاقيف ساكتين ! و انت وش فيك كاتم الضحكة لين صرت طماطم
غياث كانه ينتظر احد يقول شي تافه عشان ينفجر ضحك
نايف ناظره : الحمدلله على نعمة العقل
غياث وهو يمسح وجهه : استغفر الله ، وش تبي انت !
بهاج ناظر سهم : وش فيك
سهم ابتسم : سلامتك حبيبي سلامتك
مصعب ليزن : متى عرسك انت ؟
يزن : الاسبوع الجاي
مصعب : في الديرة ولا القصيم ؟
يزن : لا ذا ولا ذا ، الرياض
مصعب: الله يتمم لك
الكل : امين
ابو نايف خرج لهم : يلا انت وياه صلاة
قاموا كلهم توضوا وصلو
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
