باقي 5 بارتات 😢
مسك بهاج سهم وراحو للأستقبال.
بهاج للممرضة: السلام عليكم ، لو سمحتي ابي ورقة و قلم
الممرضة: تفضل
آخذ بهاج الورقة و القلم و حطها ع الطاولة و بدأ يكتب
سهم : وش تسوي ؟
بهاج ناظره : اكتب لحبيبة القلب
سهم ضربه : استح على وجهك اخوك قدامها.
بهاج كمل كتابة : مالك دخل يا رجااال
سهم وهو يضحك: يااارب انك تثقل شوي بس
وقف بهاج و طبق الورقة و مدها لسهم :
خذ واعطيها جمانه
سهم : لا والله ؟ اقول اعقل واصبر الين تتزوجها!
بهاج : تكفى يا سهم !
سهم رفع اصباعه: اول مرا واخر مرا !
بهاج هز راسه : تمام تمام ، بس انت خذها الحين و امنتك بالله لا تفتحها
سهم اخذها وتنهد : الله يصبرني ، حركات مراهقين
بهاج : ايه بزر و مراهق و شايب لوتبي بس وصلها
ضحك سهم ورجع لغرفة جمانة يودعها لان الزيارة خلصت.
و بهاج و ابو نايف رجعو لبيتهم.
في غرفة جمانة.
غدير : يمه انتي روحي ارتاحي انا اجلس مع جمانة
ام هايف : تمام
ابو هايف : دام كلنا هنا ، جمانة حبيبتي بهاج متقدم لك
جمانه لفت لابوها وهي مبتسمة : والله ؟!
ابو هايف ضحك : ايييه
ام هايف ابتسمت : يا زينه بهاج والله.
هايف : ها وش رايك جمانة ؟
جمانه رفعت حواجبها وابتسمت: اكيد موافقه
غدير ضربت رجلها : اثقلي اثقلي
سهم : الله يعينا بنزوج اكثر اثنين خفيفين
هايف ضحك : اجل الله يوفقك
الكل : امين
غدير ضحكت : كلهم تزوجو الا انا
سهم : ادور لك على عريس ؟
غدير ضربته : قليل ادب انت ؟
سهم ضحك
ابو هايف : يلا نحنا بنرجع لبيت ابو نايف
جمانه : وانا متى اطلع ؟
هايف : بكرا ان شاء الله
سهم وهو يبوس راس جمانه : معي رساله من فارس الاحلام
جمانه ناظرته : ولله !
سهم ضحك ومد لها الرسالة: ايييه
غدير : فارس الاحلام رومانسي جداااً
جمانه اخذت الرسالة وناظرت سهم : وش رايك تجي بكرا بدري؟
سهم رفع حواجبه: ليه ؟
جمانه : كذا ، ابي اشوفك !
غدير : صدقني ما تبي تشوفك ، تبي تسأل
سهم ضحك : والله عااارف ، لاكن تبشر والله كم جمانه عندي؟
جمانة ابتسمت : ياااقلبي انتتتت
خرج سهم واهله ورجعو لبيت ابو نايف
.
في سيارة سهم ، كانت معه امه
سهم بفضول : يمه مين الي فتحت لي الباب في بيت ابو نايف ؟
ام هايف ابتسمت : خطيبتك الهنوف
سهم لف بذهول : والله !
ام هايف ضحكت : ايييه وش فيك
سهم ضحك بإحراج : لا ولا شي ، يمه ليه مافي شوفة شرعيه ؟
ام هايف ضربت يده : لا يسمعك جدها ، ماعندهم كذا
سهم : طيب عادي ! وش ماعندهم
ام هايف : سهممم ، اعقل تشوفها لما تتزوجها
ضحك سهم وكمل طريقه وقلبه مرتاااح مرتاح ، يحس انه بدأ يحب الهنوف و بدأ يتقبل الوضع.
.
في الحوش ، دخل بهاج وابوه وشافو غياث
بهاج سحب غياث : تعال تعال
غياث : وش فيك؟
بهاج توجه لباب البيت : الحين تعرف
بهاج من عند باب الصالة : يابنااات غطو وجيهكم الخايسة ابي ادخل
غياث ضرب بهاج : انت الخايس
ارياف ابتسمت: الحين اقدر اقول ان بهاج القديم رجع
غطو الهنوف و رغد وجيههم ودخل بهاج ومعه غياث
الهنوف وهي تضحك : عوداً حميداً بهاج ههههه
بهاج ضحك : عميمه شوفي بنتك !
ام نايف : كيف جمانه يا بهاج ان شاء لله انها بخير
بهاج والابتسامه شاقة وجهه : بخييير الحمدلله بخييير
الكل : الحمدلله
غياث : طيب وش سالفتك اخلص ؟
بهاج وهو ياخذ عهد من ارياف ويبوسها: باركولي .
رنيم : بهااااج تكلم بسرعه
بهاج ابتسم : خطبت جمانه
روان وقفت : والله !
بهاج : ايييه
غياث حضن بهاج: مبروووك الله يكثر الاخبار الحلوه
العمه هنادي : مبرووووك
بهاج : الله يبارك فيكم
ام نايف : الله يتمم لكم على خير
رغد : يعني خلاص انتصر الحب ؟
بهاج ضحك : انتصر انتصر
رنيم ضربت يده : واخييييرراً
ارياف : متى بتخرج من المستشفى ؟
بهاج رفع اكتافه : والله ما ادري بس الحين سهم واهله راجعين
غياث وقف وسحب بهاج من ثوبه : قم اخرج يلا
وقف بهاج وخرج مع غياث ودخلو للمجلس
يزن : هلاااااا بالعريس
بهاج جلس جنب مصعب : ماشاءالله يبه مسرع قلت لهم ؟
ابو يزن : الله يتمم لك على خير يا بهاج
الكل : امين
الجد : ان شاء الله تعقل شوي
بهاج ضحك: والله اني عاقل !
ابو نايف : ايه واااضح واضح
مازن ضرب بهاج : انت لا تعقل بس اثقل
بهاج مسك راسه : الكلمة ذي من كثر ماسمعتها اليوم ، خلااااص كرهتها
مازن ومصعب في نفس الوقت : اثقل اثقل
بهاج ضربهم وهو يضحك: خلاص ياورع انت وياه
دخلو سهم وابو هايف وهايف ،
ابو يزن : ها كيفها جمانة ؟
ابو هايف وهو مبتسم : الحمدلله بخييير
جلس سهم جنب بهاج
بهاج بهمس : عطيتها الرسالة ؟
سهم : ايه
بهاج : وش قالت ؟؟
سهم : تقول يع مصدق نفسه المراهق ذا
بهاج ابتسم : ذا قولك انت ، جمانه حبيبتي ما تقولها
سهم ضربه : انتم الاثنين ليه واثقين ببعض لذي الدرجة !؟؟
بهاج رفع حواجبه : ليه ؟
سهم ضحك : قلت لجمانة انك تزوجت و قالت بهاج مايسويها ويتركني ، وانت الحين تقول ما تقولها ، وش فيكم ؟
بهاج ضربه بقهر : الله ياخذ ابليسك يا سهم ، فيه احد يمزح كذا !
سهم ضحك : اقول اعقل بس ماصدقتني هههه
مازن : وش تقولون انتم؟
سهم : ملقوووووف وش تبي !
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
