صدفة بلا موعد وبك خافقي هام .

P30

بعد شهر ، بقى ثلاث ايام على عرس
" سهم و الهنوف ".
في شقة بهاج ، وتحديداً غرفة النوم.
خرج بهاج من الحمام وهو لابس الروب و ينشف شعره بالمنشفة
جمانة كانت واقفة عند المراية و لابسه فستان ازرق سماوي ، وتحط روج ، ناظرت بهاج من المراية : نعيماً
بهاج ابتسم و ووقف خلفها : الله ينعم عليك
جمانة لفت عليه واخذت منه المنشفة تنشف شعره ، بهاج نزل لمستواها.
جهز بهاج و خرجوا عشان يروحو لبيت ابو هايف .
وهم نازلين من الدرج قابلو مصعب و رنيم.
بهاج وهو يحضن مصعب : هلاااا نسيبناا
مصعب وهو يحضنه : هلا هلا بالعاشق الولهان.
جمانة حضنت رنيم : رنوومه كيييففك
رنيم وهي تحضنها : الحمدلله
بهاج سحب رنيم وضربها على راسها بمزح: ماعندك اخ انتي تسألين عنه ؟ بيتنا لاصق في بيتكم ولا تسألين ؟
رنيم ضربته : انت الاكبر انت أسال عني !
مصعب ضرب بهاج : وش تبي انت تضرب زوجتي؟
بهاج رفع حواجبه : الله واكبر ، لاتنسى زوجتك اختتييي
مصعب ضربه ثاني : لا اشوفك تضربها ثاني بكسر يدك .
رنيم : كفووو مصعب
مصعب ناظر رنيم وابتسم : اعجبك يقلبي
بهاج دف مصعب وضحك : ياخي انقلع خربت ثوبي !
مصعب : من زينه يارجال ، وين رايح ؟
بهاج : وش دخلك انت ؟ زوجتي الاولى وانا مدري ؟
مصعب ضربه : بتعقل انت ولا لا؟
بهاج ضحك: بروح عند اهل زوووووجتي الثانية.
مصعب ضحك : اترك زوجتك الثانية هناك وتعال انت و سهم نجهز لعرسه.
بهاج : تمام ، مع السلامة
مصعب وهو يطلع الدرج مع رنيم : مع السلامه.
ركب بهاج سيارته مع جمانة.
جمانه : خير بهاج ؟
بهاج : وش ؟
جمانة : وش زوجتي الاولى وزوجتي الثانية !
بهاج ضحك : امزح معه وش فيك زعلتي ؟
جمانة بغضب : لا تضحك تراك قاهرني
بهاج ضحك وباس راسها: مع ان الموضوع ما يستاهل تزعلين ، بس اسفييين.
جمانة : يلا امشي اتأخرنا
بهاج اشر على عيونه : من عيوني.
حرك بهاج و توجهو لبيت ابو هايف.
.
في بيت ابو هايف ، كانت غدير تجهز القهوه.
سهم جلس على الطاولة : غدير
غدير : هلا
سهم : وش تحب الهنوف ؟
غدير ناظرته بطرف عين : سههووم وش فيك ؟ كل مازانت الجلسة سألت عن الهنوف !
سهم رفع حواجبه: زوجتي ! وش تبين ؟
غدير رمت عليه الملعقة : خ ط ي ب ت ك ، بعد ثلاث ايام تصير زوجتك.
سهم ضحك : خلاص طيب خطيبتي وش تحب ؟
غدير : سهم والله لو اقول لجدي ( يقولو لأبو عبدالعزيز جدي لانه بمثابة جدهم ) والله بيكنسل العرس و يجلدك !
سهم وقف على صوت الجرس : يالله منك يا غدير
توجه سهم وفتح الباب : هلااا بهيييج هلاا نسيبنا
بهاج وهو يحضن سهم : اهلين معرسنا سهووم
جمانة سحبت بهاج : خير ؟
سهم رفع حواجبه : وش فيك !
جمانة : ليه تحضنه !
سهم نعّم صوته : يااااالله ، حركات الغيره ومدري وش ، حبيبتي صديييقييي تراااه
بهاج ابتسم ورجع حضن سهم : تعال تعال اشتقتلك
جمانة بغضب : بهاااج !
سهم بهمس : وش فيها نفسيتها خرا اليوم؟
بهاج بنفس الهمس : مدري عنها من يوم صحت وهي تدور شي تزعل عليه.
سهم ضحك : اجل الله يعينك.
جمانة دفت سهم و بهاج و دخلت البيت.
ام هايف: ياااا اهلاً والله نووور البيت
جمانة وهي تسلم على امها : منور بوجودكم
ابو هايف : كيفك جمانة
جمانة جلست بعد ماسلمت على ابوها : الحمدلله وانت كيفك يبه
ابو هايف : الحمدلله
دخل بهاج مع سهم و سلّم على ابو هايف وام هايف.
وبعدها جلس جنب جمانة
جمانه بهمس : ليه جالس جنبي ؟
بهاج رفع حواجبه وضحك : وين اجلس؟
جمانة : اجلس جنب صديقك.
بهاج ضحك وناظر ابو هايف : كيفك ياعم ؟
ابو هايف : الحمدلله وانت كيفك ؟
بهاج : الحمدلله على ماتحب.
ابو هايف ابتسم : هاااا متى نشوف عيالكم ؟ ترا ننتظرهم.
جمانة وجهها حمممر من الإحراج.
بهاج ابتسم: لما ربي يكتب ان شاء الله.
وقفت جمانة بإحراج ووجها احمر وخرجت من الصالة.
سهم ضحك : وش فيها ذي ؟
ام هايف : ياقلبي عليها انحرجت
سهم ضحك : ههههه سبحان الله ، اول مرا اشوفها منحرجة
.
عند جمانة دخلت المطبخ ووجها احمر
غدير لفت عليها : هلااا جوج.... وش فيه وجهك!
جمانة غمضت بأحراج : يالله يا غدير
غدير ضحكت : وش فيك.
جمانة قالت لها الي صار
غدير رفعت حواجبها: طيب عادي ؟
جمانة : مو هنا المشكلة ، المشكلة اني حاسه اني حامل !
غدير ضربت يدها : حمار انتي وش مشكله ؟
وبعدين كيف حاسه انك حامل ؟
جمانة : من بداية الاسبوع وانا مزاجي متقلب ودي مو من عاداتي ! واحس بمغص و بعض احيان غثيان
غدير : سوي تحليل حمل !
جمانة غطت وجهها بفشلة
غدير : سويتي تحليل ؟
جمانة : مستحية اطلب من بهاج
غدير ضحكت : اجل اخمدي عندنا بكرا سهم يوصلنا المستشفى ونشوف.
جمانة : ايه احسن بنام هنا لانه قاهرنيييي
غدير ضحكت : وش مسوي لك ؟
جمانة قالت لها الي صار مع سهم و مصعب :
غدير : ياالله يا جمااانة ! اخويااااه ، ا خ و ي ا ه يمزح معهم ، وش الي يزعل
جمانة رفعت حواجبها : احس اني اغااار ما ابي احد يقرب له ، ما ابي احد يمدحه ! ما ابي احد يحضنه ، هو لي لوحدي.
غدير : يع يا جمانة يع قرفتيني تكفين اسكتي ، حنطيه و خليه جنبك ، وش الي محد يحضنه ومدري وش!!!
دخل سهم : وش فيها ذي تتحلطم !
جمانة : اخرج لان بفصل عليك
سهم جلس فوق الطاولة : غدو اعطيني دلة القهوة ، وانتي وش فيك مطلعة عيون الرجال ؟
جمانة : والله انا بجلدك انت وهو ومصعب
سهم ضحك: وش دخل مصعب
جمانة : مالك دخل ، ارجع لبهاج وقول له بنام اليوم هنا
سهم : لاااا اذلفي معه تكفين
غدير : لا بتنام عشان بك......
جمانة : غدييييييير
سهم اخذ من غدير الدلة : الله يصبر بهاج والله انه صابر كثييييييير
خرج سهم وهو يضحك ، وجمانة مقهورة منه
وغدير تضحك عليها.
.
.
بعد المغرب في السوق.
بهاج و مصعب و مازن وسهم ، كانوا يشترون الثياب.
على الساعة 8 خلصو كل شي.
وكل واحد رجع لبيته.
.
.