طول الاسبوع
في الرياض ، غياث و امه والبنات بدؤ يجهزو للعرس و غياث كان يشتري كل شي اهم شي يعجب رغد.
وفي القصيم ، رغد وامها و بدو يجهزو للعرس و رغد فرحااانه.
وبهاج عرّف العيال على سهم و صارو اعز الاخوية
.
واخيراً باقي ثلاث ايام على العرس
وصلو عائلة ابو نايف الديرة و توجهو لبيت الجد
مهند فتح الباب : يالله حيييهم
الكل : الله يحيك
سلم مهند على ابو نايف وبعدها راح وحضن غياث
مهند : مبررووك يا عريس الله يتمم لك على خير
غياث : امييين وعقبالك يارب
رنيم : والله انكم ما تستحون ، نحنا نشيل الاغراض وانتم تسلمون على بعض ! قبل اسبوعين شايفين بعض
مهند اخذ حجره صغيرة ورماها عليها : وش دخلك انتي ؟ والله لسانها طويل
غياث : ملقوفة
رنيم اخذت حجرتين و رمتهم على مهند : اذلف انت
ابو نايف : بس انتِ وياه ، ماتستحون انتم ؟
رنيم : شوفهم يبه !
الهنوف من الشباك : خلاااص يا رنيم تعالي
مهند : روحي لها روحي لها
رنيم ناظرته وبطرف عين ودخلت البيت
.
في الدمام ، وتحديداً في شقة العيال
بهاج كان يرتب شنطته
مازن : والله ودي اروح معك بكرا
بهاج : ايه تعال حتى سهم واهله بكرا بيحركوا
مصعب: اجل انا جاي معك بكرا
بهاج : تمام
.
في جهه ثانيه في الدمام ، في بيت ابو هايف
كانت جمانة تجهز شنطتها وهي متحمسه
غدير : والله ياجمانة اشّك انك معجبة في بهاج
جمانة بطرف عين : من زييينه ، متحمسة اني بحضر عرس اول مرا
غدير ضحكت : ايه واضح واضح
جمانة رمت عليها المخدة ؛ مالك دخل فيني!
.
في بيت ابو يزن في شقراء
يزن كان جالس في غرفة رغد ويسولف معها،
يزن : الله البيت بيصير هدوووووء
رغد : ايه وبتشتاقون لي وما بجيكم
يزن : والله عاد انا من زمان ابي الفكه منك مافرقت معي
رغد : بتندم صدقني
.
اليوم الثاني ، الصباح في شقراء
وصلو بهاج و مازن و مصعب لبيت الجد
وفتح غياث الباب
بهاج حضنه : عريسسسناااااااا
غياث بادله الحضن : الحمدلله على سلامتكم
الكل : الله يسلمك
دخلو العيال مع غياث للمجلس و سلموا بحرارة على الموجودين ، وبعدها جلسو
الجد : يالله حيهم عيالي
بهاج و العيال : الله يحييك
.
بعد 4 ساعات وصل ابو هايف و عياله لبيت الجد
فتح بهاج الباب : يالله حييييهم ، تو نورت الديرة
ابو هايف وهو يحضن بهاج : الله يحيييك
بهاج رفع وردة بنت هايف : ماشاءالله وش اسمك؟
وردة : وردة
بهاج باسها : وااااه اسمك حلووو ماشاءالله
وردة ابتسمت : شكراً
غدير بهمس مزح لجمانة : ناس تتمنى وناس تتهنى
جمانة ضربتها: مو وقتك
بهاج : اقلط ياعم انت والعيال في المجلس و الاهل ( الحريم ) ادلهم على الباب
مشى بهاج لباب البيت ومشو وراه جمانة وام هايف و غدير
ام هايف : كيفك يا بهاج ؟
بهاج : الحمدلله يا امي وانتي كيفك
ام هايف : الحمدلله
بهاج دخل راسه من الباب وهو يصوّت لأمه : يمه وصلت ام هايف
ام نايف : يا هلا ياهلا
دخلت ام نايف ام هايف و البنات و سلمو على الكل وجلسو وبدؤا يسولفوا
.
دخل ابو هايف للمجلس والكل وقف يسلم عليه و لما وصل لأبو نايف حضنه حضن قوييييي يعبر عن شوقه من 15 سنه ، ابو هايف : يااااامرحبا بخوي دربييييي ، ياهلااااا
ابو نايف وحضن ابو هايف بالقوووه : اهللللللييييين يا اخووو دربييي ،
كانت اللحظة جداً جميلة ومأثرة ، بعدها جلس ابو هايف وعياله وبدات السوالف
الجد : يا ابو هايف ان شاء الله راح تبات عندنا الين ترجع للدمام
ابو هايف : لاولل
قاطعه الجد : تجي عندنا وتروح فندق ! لا والله ما تخرج بتنام هنا انت واهلك
ابو هايف : الله يسعدك يا عم
.
بعد العصر ، وقت الغداء
في المطبخ ، جمانة و العمه هنادي و روان اكانوا يجهزو غداء الرجال
روان : جمانة حبيبتي اعطيني الصحن الي هناك
جمانة : وين ؟
روان اشرت عليه : فوق الطاولة الي عند الباب
راحت جمانة تبي تاخذ الصحن وقبل تاخذه
دخل عليهم بهاج من باب المطبخ الخلفي و جمانة كانت قدامه وقريبه منه.
لمحها بهاج لاكن صد بسرعة
العمة هنادي خرجت لبهاج : بهاج خير ؟داخل بدون طق باب!
بهاج وهو يمسح دقنه وجهه محمر من الفشلة : نسيت ان فيه احد ، اعطيني صحن الرز
رجعت العمة هنادي المطبخ وقبل تاخذ صحن الرز ناظرت جمانة الي وجهها احمر :
اعتذر حبيبتي جمانة ، ماكان قصده
جمانة هزت راسها
.
عند بهاج اول ماسمع اسم جمانة فز ( مستحيييل مستحيل ذي جمانة !!! ماشاءالله كبرت ، وش ذا الجمال ! ) صح جمانة ماكانت متزينة مرا بس كانت جميييلله جداً جداً .
العمة هنادي خرجت ومعها صحن الرز: خذ ولا عاد اشوفك هنا !
بهاج بضحكة باحراج : ابشري يا عمه
اما عند جمانة رجعت للصالة ووجها احمرر وجلست عند غدير في السفرة
غدير ناظرتها بإستغراب : وش فيه وجهك قلب طماطم ؟
جمانة بإحراج : مافيني شي
غدير : متأكدة ؟
جمانة رفعت حواجبها : اييييه
.
عند بهاج في سفرة الرجال ، جلس وهو يقلب بالرز ويفكر بالموقف الي صار و بجمانة
مصعب ناظره : وش فيك ماتاكل ؟
بهاج : مافيني شي
مصعب قرب الملعقة لفم بهاج : يلا هم هم يا حلو
بهاج ضحك وبعّد وجهه : اقول ابعد عن وجهي بس
مصعب وهو يضحك؛ تردني ؟
بهاج ضحك واكلها : والله ما اردك
سهم وهو يضحك : والله العظيم اطفااال
مصعب ناظر بهاج ؛ نقلب عليه؟
بهاج : يلا
ثبت بهاج سهم واخذ مصعب ملعقة وأكلوا سهم بالغصب
الجد : وجع انت وياه نعمه نعمه
رجعوا بهاج و مصعب لي مكانهم والكل ضحك على شكل سهم.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
