.اليوم الثاني كل واحد رجع لمدينته.
بهاج اخذ اجازة ثلاث شهور ، و جلس في الرياض ، وعلى نفس وضعه ماتغير ، منعزل بالغرفة و 24 ساعه يدعي لجمانة ويبكي ، تغير شكله جداً جداً ، نحف و ظهرت على وجهه ملامح التعب . كان يومياً يخرج الفجر ويشتري كراتين مويا ويوزعها في المساجد بنية شفاء جمانة ، و كان واثق و مؤمن بالله و متفائل بإن جمانة راح تصحى .
اما غياث ، كان مشتت جداً ، يحاول يساعد رغد في حملها و يكون معها اغلب الوقت ، و يحاول يسعّد بهاج و يغير نفسيته ويصبره و يضحكه.
ام نايف، كانت تسمع لفضفضة بهاج ودايماً تهدئه و تقرأ عليه.
رنيم ، كانت دائما جنب بهاج و تحاول تغير نفسيته.
مصعب و مازن ومهند ، كل أسبوعين كانوا يزورو بهاج و يحاولو يغيرو نفسيته ، وأكثر شي كان يغير نفسية بهاج لما مهند يعلمه كيف يدق عود ، وبدأ بهاج يتقنه شوي.
اما سهم واهله ، كل نهاية اسبوع يروحو للرياض و يزورو جمانة.
سهم إلى الأن يلوم نفسه بإنه السبب في الحادث بس دائما غدير تذكره انه قضاء وقدر ، وام هايف و ابو هايف رغم شوقهم لجمانة و ضيقتهم الواضحة ، الا انهم كانو صبورين و راضين بقضاء الله.
واصال وهايف كانو مثل ام وابوهايف صابرين و هايف دايماً يصبر سهم ، وردة كانت تفتقد جمانة جداً وما تعرف انها في المستشفى.
يزن و روان ، علاقتهم كانت حلوة جداً وكلها مزح و ضحك.
اما ارياف ، دخلت الشهر التاسع وماباقي لها شي وتولد.
.
.
.
بعد ثلاث شهور
في الرياض
، في الصالة الكل كان متجمع الا بهاج
ابو نايف بغضب : وينه بهاج !!!
رنيم: في غرفته
ابو نايف : قومي ناديه
وقفت رنيم وراحت لبهاج في غرفته
رنيم: بهاج
بهاج : هاه
رنيم: ابوي يبيك تحت
بهاج وهو يوقف : تمام
نزلت رنيم وبعدها نزل بهاج و سلم على اهله وجلس
ابو نايف بغضب : متى ناوي ترجع لدوامك !!
بهاج بضيق : ما ادري
ابو نايف بصراخ: اسمممعع وضعك ذا مو عاجبني !!! من بكرا بترجع لدوامك فااااهم !! و ريحنا و ريح نفسك !، و البنت مستحيل تصحى من الغيبوبة افهمممم.
بهاج رفع راسه وناظر ابوه : يبه جمانة بتصحى والله بتصحى يا يبه!!
ابو نايف بغضب : لو بتصحى كان صحت من زمااان ، بس خلاااص ! ريح نفسك وريحنا معك، وافهممم مممسسستتتحييل تصحى ، وانت اذا ما بتعقل انا بتصرف معك
بهاج وقف بغضب : يبه!! جمانة بتصحى و باتزوجها وكلكم بتشوفون بعيونكم.
ابو نايف بغضب : ، اسمممع بتتزوج بنت عمتك الهنوف طيب ولا غصب ، لان الظاهر انك مابتعقل
بهاج بغضب : الهنوف مابخذها وأظلمها معي وانا في قلبي انسانة ثانية !!! وغير كذا هي مثل اختي ، و انا ما باتزوج غييير جماااااانة.
ابو نايف : غصبببب عننننك بتاااخذ الهنوووف
نايف : يبه الله يهديك ماينفع كذا !
رنيم وقفت : يبه ترضى احد يتزوج بنتك و بقلبه وحده ثاني ؟ مابترضى يا يبه حرام تظلمهم !
غياث : يا يبه راح تظلم البنت وانت ع.....
ابو نايف بصراخ ؛ انا قلت الي عندي فاااهممين ! وانت بتتزوجها غصباً عنك ولا والل....
قاطع صراخهم اتصال تركي زوج ارياف لأبو نايف
طلع بهاج لغرفته بغضب ، وابو نايف رد :
تركي : السلام عليكم
ابو نايف: وعليكم السلام
تركي بفرحة: ابشرك يا عمي ارياف ولدت وجابت بنت
ابو نايف ابتسم : ماشاءالله ماشاءالله تتربى بعزكم ، الحين نجيكم
قفل ابو نايف وهو مبسوط : ابشركم ارياف ولدت و جابت بنت
الكل : ماشاءالله
ابو نايف : يلا يا ام نايف تجهزي انتي و البنات بنروح لها
رغد بهمس لغياث : غياث ، روح شوف بهاج ، طلع وهو معصب
غياث ابتسم لها : تمام ، وانتي روحي تجهزي بسرعة
رغد ابتسمت : تمام
رنيم وقفت : يلا يا عصافير الحب اخلصو علينا
غياث وقف و دفها برجله : اذلفي بس
راحو كلهم يتجهزو و غياث طلع لبهاج.
.
دخل غياث الغرفة و شاف بهاج يحط ملابسه في الشنطة
غياث مسكه : هي هي ، وش فيك ! وين رايح ؟؟
بهاج بغضب وهو يصرخ: ابعععد عنيي يا غيياااث
غياث ثبته على الجدار: بهاااااج ! وش فيييك ؟ اهدء و بنلاقي حل بلا غباء !
بهاج دف غياث بغضب ، وغياث طاح على الارض: كيييف اهدء كييييف ! انت تعرف ابووي مستحييييل يغير رأيه ، لا تجننييي يا غياااث وانت عارف ابوي!
جلس غياث بهدوء و مارد على بهاج ولا ناظره ، بهاج جلس على الارض جنبه
بهاج بهدوء : اسف يا غياث ، والله ماكان قصدي أذيك
غياث ابتسم ومسك كتفه : حصل خير ، الحين وقم البس بنروح نشوف بنت اختك
بهاج رفع حواجبه بفهاوه : بنت اختي ؟؟!
غياث وقف ومد يده عشان يساعد بهاج يوقف : ايه صرت خال ، ارياف ولدت وجابت بنوتة
وقف بهاج وهو مبتسم : ماشاءالله ، روحو انتم انا ماراح اروح
غياث قطب حواجبه: ليه !
بهاج : برجع للدمام
غياث : ارياف بتزعل منك ، سلم عليها و حرك الدمام
بهاج تنهد بضيق: تمام ، يلا اخرج بغير ملابسي
.
.
في المستشفى ، وصلو كلهم لغرفة ارياف
ام نايف وهي تحضنها : مبروووك يبنيتي مبرووك
ارياف: الله يبارك فيك يمه
نايف : يوووه مين يصدق ارياف الي كانت بزرة صارت ام
غياث ضحك : تشوووف ههههههههههههههه
رغد وهي تحضن ارياف: مبروك ياروحي تتربى بعزكم
ارياف: الله يبارك فيك و الله يسهلك ياروحي
رغد : امييين
بهاج باس راس ارياف: تتربى بعزكم
ارياف ابتسمت : الله يعزك
رنيم : وش بتسمينها ؟
ارياف : عهد
ابو نايف : ماشاءالله حلو الاسم
دخلت السستر وهي تدف سرير البيبي
بهاج راح لها اول واحد : وااااه نقطططه
غياث وقف جنبه : يازينها ماشاءالله
رنيم : ينااااس ماشاءالله صغيييييرة
رغد : غياااث ابي اشوفهاااا
غياث : ابشريي
غياث مد يده لبهاج عشان ياخذها
بهاج بعّد عنه : مع نفسك انا اول واحد اخذتها
غياث : اقول عطني ياها
بهاج رفع حواجبه : اذلف كلها كم شهر وتولد زوجتك
غياث مسك عهد وسحبها ، وبهاج حاضنهت بالقوة.
ابو نايف بغضب : بسسس انت وياه ، عورتوا البنت
غياث ضرب راس بهاج : جيبها !!
بهاج اعطاه عهد ، و غياث اخذها عند رغد
رغد وهي تشيلها : يوووه ماشاءالله تجنن
بهاج : يلا انا استئذنكم
ام نايف : على وين ؟
بهاج : الدمام
ام نايف : ليه ؟
بهاج : دوام
نايف: الله معك انتبه للطريق
.
خرج بهاج من المستشفى ، وكالعادة راح للبقالة واخذ كراتين مويا و ووزعها في المساجد وبعدها حرك للدمام وهو وده يجلس في الرياض.
.
بعد خمس ساعات ، وصل بهاج للدمام ، وتحديداً شقة العيال
دخل وتفاجأ بوجود سهم
مصعب وقف يحضنه : هلاااا ببهيييج يالله حيييه
بهاج ابتسم : الله يحييك يا حبيبي
مازن كان مستغرب من شكل بهاج الي تغير ، معقوووله ! معقوله الحب يسوي كذا ؟
وقف سهم و حضن بهاج : منور حبيبي
بهاج بادلة الحضن: بنوووورك ، واضح كتفك اتعافى
سهم أبتسم: ايه الحمدلله
بهاج : الحمدلله
جلسوا كلهم وبدؤ يسولفوا وبهاج يسمع سوالفهم
سهم وقف : يلا استئذنكم ، وانت بهاج تعال معي شوي
وقف بهاج وخرج مع سهم عند السيارة
بهاج : هلا ؟
سهم فتح درج السيارة و اخذ الرسمة الي هو فيه اعطاها بهاج.
اخذها بهاج وفتحها واول ما شافها أبتسم وضحك بحب : ههههههههه يازيننننها
سهم ابتسم : كانت جمانة تدور عليها قبل الحادث ، وانا كنت مخبيها
بهاج سكت واختفت ابتسامته ، و دموعه بدأت تنزل على الرسمة : سهم
سهم ناظرة : هلا !
بهاج ناظره بعيون مليانة دموع : ابوي يبيني اتزوج اخت مهند.
سهم رفع حواجبه بصدمة : وشوووو ! ليه ؟
بهاج نزل راسه بضيق : يقول ان جمانة ماراح تصحى
رفع راسه بهاج و ناظر سهم ودموعه مابقى شي و تطيح على خده : انا ابي جمانة ياسهم ، مستعد انتظرها طوول عمري ، لو اعيش معها يوم واحد بسس ، والله اني ابيها ولا أبي غيرها.
سهم غمض بضيق : اسمع يا بهاج ، انت ما تدري اذا بتصحى جمانة او لا ، وانا اشوف كلام ابوك ص...
قاطعه بهاج بغضب : اسكتتتت ياااا سسههممم ! والله لا أنتظر جمانة طول عمري ولا اخذ غيرها !
سهم تنهد : بهاج ، ما اقص.....
قاطعه بهاج : لا تبرر يا سهم ، الله معك
طلع بهاج للشقة ، وتوجه لغرفته و انسدح و هو حاضن الرسمة و يناظرها ، وهو مقهووور ، واثق ان جمانة بتصحى ، بس ليه كلهم ما يصدقونه !! ، نام وهو حاضن الرسمة و عنده امل ان موعد لقائه مع جمانة قريبيييب.
،
اما عند سهم انسدح على سريره و هو يفكر في قرار حااااسم و بيغير كل حياته.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
