في المستشفى ، تحديدا غرفة سهم
سهم ضميره للأن مأنبه و يلوم نفسه
غدير : يا سهم ربي كتب يصير الحادث ، ارحم نفسك شوي !!
سهم بضيق : ياغدير ما اقدر ، بهاج مستحيل يسامحني مستحييييل.
غدير تنهدت بضيق : وش دخل بهاااج الحين ؟ لاتجنني ياسهم !
قاطع كلامهم صوت دق الباب
لبست غدير عبايتها و فتحت الباب : بهاج! تفضل
دخل بهاج و سلم على سهم : الحمدلله على سلامتك
سهم : الله يسلمك ، اسف يا بهاج وال...
قاطعه بهاج : قضاء وقدر يا سهم ، و الله يقومها بالسلامة ، وين عمي وعمتي ؟
سهم : راحو لنجمة في العناية
غمض بهاج بضيق : الله يصبرنا ، وانت كيفك ان شاء الله احسن
سهم : الحمدلله بخير
بهاج : الحمدلله على سلامتك
سهم : الله يسلمك
سهم ابتسم يوم تذكر موقف قديم : تذكر زمان يوم انجرحت برجلك ؟
بهاج صغر عيونه يتذكر وبعدها ضحك بضيق: اييييه
سهم وهو يضحك وعيونه مليانة دموع :
جمانة يوم رجعت لبيتكم كانت شايله همك ، و كل شوي تضربني تقول انت السبب جرحته هههههههه
نزل بهاج راسه وضحك وعيونه مليانه دموع : ههههههههه اههخ يازينها دكتورتكم.
غدير كانت واقفة عند الجدار وتضحك وهي تبكي ، و ما استوعبت ان بهاج يحب جمانة.
وسهم و بهاج كملوا يتذكرو ذكرياتهم وهم يضحكوا ويبكوا.
دخل ابو هايف وام هايف شافوا وضعهم
ابو هايف : بسم الله ، وش فيكم ؟
سهم وهو يمسح دموعه ويضحك :
مافينا شي ، بس نتذكر مواقفنا مع جمانة زمان
ام هايف ابتسمت بضيق : الله يقومها بالسلامة وترجع لنا
الكل : امين
بهاج لف لابو هايف: عمي وش قال الدكتور ؟
ابو هايف نزل راسه : الضربة كانت قوية شوي على راسها و عندها كسر في العنق ، ويمكن تطول ويمكن لا
بهاج بضيق : الله يقومها بالسلامة
ابو هايف : امين يارب
وقف بهاج : يلا انا استئذنكم ، وانتم تعالو عشاء اليوم
ابو هايف : مافيه احد يجلس مع سهم ماضنتي نجي
سهم وهو يعدل جلسته : لا انا بخير ان شاءالله جاين
ام هايف لسهم : متأكد ؟
سهم : ايه ، وهو كسر في الكتف بس مايحتاج اجلس
ابو هايف : براحتك
.
خرج بهاج من المستشفى وراح لسوبر ماركت وأشترى كراتين مويا ، و وزعها على المساجد بنية شفاء جمانة .
.
في بيت ابو نايف ، في غرفة البنات
الهنوف : ياحياتي يا بهاج ماتوقعت ابداً يحب جمانة ، واضح انه يحبهااا مراا
رنيم وهي تحط المسكرة : ايه والله امس شكله كان يكسسسر القلب
ميساء : الله يجبر قلبه و يقومها بالسلامة
قاطع كلامهم صوت دق الباب
فتحت رنيم : بهاج ! ، هلا حبيبي وش تبي
بهاج ؛ ابو هايف و اهله بيجون للعشاء
رنيم : وسهم بالمستشفى ؟ كيف يجون ؟
بهاج : خرج
رنيم : تمام ، احط لك غداء ؟
بهاج قبل يمشي : لا شكراً ، مالي نفس
رجع بهاج لغرفته ودخلت رنيم
رنيم وهي تبكي : والله ما اقدر اشوف بهاج ضايق
روان وهي تحضنها : خلاص يارنيم تكفين
رنيم : ارياف سوي له اكل تكفين ، من امس ما اكل
ارياف وقفت : تمام
نزلت ارياف للمطبخ ، و طبخت الاكله الي يحبها بهاج ، و اخذت الصينية وطلعت لغرفة بهاج
ارياف : بهاج
بهاج كان منسدح: هلا تفضلي
دخلت ارياف وحطت الصينية قدامه : يلا كُل
بهاج جلس و تنهد : ولله يا ارياف اسف مالي خلق
ارياف مسكت كتفه : بهاج ؟ من متى انت ضعيف كذا ؟ وبعدين انا متعبة نفسي في النهاية ماتاكل!
مسك بهاج الملعقة وبدأ ياكل : وليه تتعبين نفسك ؟ والبيبي !
ارياف ابتسمت : تعبك راحة يا حبيبي بس كمل أكلك.
خرجت ارياف و كمل بهاج اكله
.
في الليل ، وصلو مازن ومصعب والكل بيت ابو نايف.
عند الحريم
دخلت ام هايف و غدير و سلموا على الموجودين و جلسوا ، و الكل كان يسولف و يحاولو يونسو ام هايف و غدير
.
عند الرجال ، مازن و مصعب ماكانوا يعرفوا بالحادث
مصعب لسهم : وش فيك انت مسوي حادث ؟
سهم بضيق: ايه
مازن : سلامتك حبيبي ماتشوف شر
سهم : الشر ما يجيك
غياث : ياعيال اليوم نبي نسهررر
بهاج : انتم اسهرو انا مالي خلق
مصعب رفع حواجبه : غريبة ما تبي تسهر !
مهند : بهاج حرام عليك ! ارحم نفسك شوي؟
مصعب قمط حواجبه وهمس لغياث :وش فيه بهاج؟
غياث بنفس الهمس : يحب جُمانة اخت سهم و دخلت ف غيبوبة.
مصعب بصدمه : ليه ما قلتو لي من قبل !
غياث : امس صار الحادث و مالقيت وقت اقولكم
مصعب نزل راسه بضيق : الله يقومها بالسلامة
.
وبعد ما تعشوا كلهم اخذ يزن روان و راحو للفندق
و الباقي كل واحد رجع لبيته الا مازن ومصعب لزم عليهم الجد يناموا في بيت ابو نايف و بكرا كلهم يرجعو ، وبهاج طلع لغرفته.
في المجلس
مهند : غياث قم نادي بهاج تكفى
وقف غياث وراح لغرفة بهاج
غياث: بهيييج صاحي؟
بهاج لف له : ايه وش تبي ؟
غياث : قم مهند يبيك
بهاج : ابي انام
غياث راح عنده و شاله بالقوة ، صح انه كان ثقيل بس حب يغير نفسيته
بهاج غصباً عنه ضحك من تصرف غياث :
هههههه نزلني يا ورع
غياث وهو يضحك : لو جيت معي بالطيب ما جبتك بالغصب
وصل غياث للمجلس وهو للحين شايل بهاج
العيال ناظروهم وضحكوا.
نزّل غياث بهاج و انسدح على الارض : اخخخ ظهري انكسسسسر
بهاج وهو يضربه : احسن ههههههههههههههه
مازن : دوووووم الضحكة يا بعد حيي
بهاج ابتسم وجلس : يدوم غاليك يا بعد قلبي
مهند : اعلمك على العود ؟
بهاج رفع حواجبه : والله !
مهند ابتسم : ايه
بهاج : يلا جبه
وقف مهند وراح لسيارته يجيب العود
مصعب : اخخخخ اذنيييي من الحين توجعني
غياث رمى عليه المخدة : اسكت بس
رجع مهند ومعه العود وجلس جنب بهاج : يلا نبدا
بهاج عدل جلسته : يلا
بدأ مهند يعلم بهاج ، وبهاج بدأ يتعلم شوي شوي ، والعيال يحاولو يغير نفسيته.
.
في الفندق ، عند يزن و روان ، كانو جالسين في صالة الفندق.
يزن مسك يدها وباسها : مبروك روان
روان ابتسمت و بصوت خفيف : الله يبارك فيك
يزن قرب : ها ؟، ماسمعت !
روان : الله يبارك فيك
يزن ابتسم : امين
روان اخذت كاسة المويا ومدتها ليزن : تفضل
يزن اخذها وقبل يشرب : يا روحي انتي شكراً
شرب يزن شوي ، و طلع المويا على طول ، وروان كانت تضحك عليه
يزن : يعععع يا روان يع ( كان فيها ملح )
روان وهي تضحك : حسيت بشعوري !!!!
يزن قرب منها وحاوط خصرها : ايه حسيت
روان ابتسمت بتوتر ، ويزن كان يقرب منها و يتأمل كل تفاصيلها وهو ذاااااايب فيها.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
