وصلو للمستشفى وركضو لاول دكتور شافوه
ابو هايف : السلام عليكم ، في بنت وولد جو قبل شوي مسويين حادث
الدكتور : وعليكم السلام ، جمانة وسهم محمد ؟
ابو هايف : ايه ايه وش صار لهم ؟
الدكتور : سهم اصاباته بسيطة الحمدلله كسر في الكتف و الباقي رضوض ،لاكن جمانة كان الحادث من جهتها جداً قوي و اثر على راسها ودخلت غيبوبه
ابو هايف بخوف : متى بتصحى يادكتور ؟
الدكتور : والله ما اقدر احدد لكم متى بتصحى لان غالباً الحالات الي كذا تطول او تنتهي بوفاة
ام هايف بصراخ : بنتييييي ، لا يدكتوووور لااااا
جلس ابو هايف وهو ماسك راسه ويبكي : يااارب قومها بالسلامه ياااارب
الدكتور : سهم في الغرفة رقم **
وقف ابو هايف و توجهوا للغرفة الي فيها سهم.
.
دخلو الغرفة وسهم كان راقد ويتألم
سهم بصوت تعبان : يبه ! وين جمانة ؟
ابو هايف حضنه بضيق واضح على صوته :
يا حبيبي الحمدلله على سلامتك
سهم بصوت تعبان وخايف :
يبه جمانة ! يبه وينها! وش صار عليها ؟
ام هايف جات له وهي تمسح على راسه
: استهدي بالله يا حبيبي
سهم عدل جلسته بتعب وصوته يرجف : يمه ، وش فيها جماااااانه ، لا تخوفووووني !
ناظر غدير الي كانت منهارة : غديييير وش فيها جمااانة؟
غدير وهي تبكي : الحادث اثر على راسها ودخلت غيبوبة
سهم بصراخ وصوت مبحوح : لاااااا... لا ياربيييي لااا
حاول يوقف بس مسكه ابوه : يا حبييي يا سهم استغفر ربك ، بإذن الله بتقوم بالسلامة
سهم وهو يبكي : انا السبب يايبه انا السبببب، ما انتبهت للشاحنة كله بسببييي
ام هايف حضنته وهي تبكي : هذا قضاء الله ياسهم ، ربي كتب انه يصير الحادث انت مالك دخل
سهم حاول يوقف : برووووح لهاااا تكفوووون
ابو هايف مسكه : يا سهم اجلس وتعوذ من الشيطان.
سهم جلس وهو يبكييي ، ويلوم نفسه انه هو السبب في الحادث ، وغدير كانت منهارة ومو مصدقة ، و ام نايف كانت تبكي وتهدأ سهم.
اما ابو هايف خرج واتصل على ابو نايف
ابو نايف كان في الصالة و رد : الو
ابو هايف بصوت باكي: السلام عليكم
ابو نايف بإستغراب : وعليكم السلام ، وش فيك؟
ابو هايف : سهم وجمانة صار لهم حادث
ابو نايف فز بصدمة : وشو ! فيهم شي !!!
عند ابو نايف مع فزة ابو نايف وقفو كلهم بخوف ويأشرون له وش فيه ؟
ابو هايف (قال له الي صار)
ابو نايف : يلا يلا الحين اجيكم
قفل ابو نايف الاتصال
.
ام نايف : وش صار يا ابو نايف؟
ابو نايف وهو يحط اغراضه في جيبه : سهم وجمانة صار لهم حادث
فز بهاج بخوف وكلهم ناظروه
بهاج مسك ابوه : يبه ، وش صار لجمانة !!!
ابو نايف : دخلت غيبوبة
خرج ابو نايف وهو مسرعع.
تجمد بهاج في مكانه وهو يهز راسه ويحاول ينكر الي سمعه : لا....لا..لا
مسك غياث بهاج ، بهاج ناظره بصدمة :
لا مستحيل مستحييل
غياث : بهاج اسمعن...
ابعّد بهاج غياث وركض ورا ابوه
ام نايف وهي تمسك غياث وتبكي : الحق اااخوك ياغيااااث تكفى
ركض غياث ورا بهاج وركب معهم السيارة وتوجهو للمستشفى
.
.
في المستشفى
وصلو عند باب غرفة سهم و شافو ابو هايف جالس وماسك راسه.
ابو نايف حضن ابو هايف : الله يقومها بالسلامه ، استغفر ربك وانا اخوك و ما بيدنا الا الدعاء
ابو هايف انهار في حضن ابو نايف و ابو نايف كان يصبره
و بهاج إلى الان ماكان مصدق و كان يحاول يمنع دموعه انها تنزل وغياث ماسكه
دخلو ابو هايف وابو نايف وبهاج وغياث لغرفة سهم.
سهم اول ما شاف بهاج انهاااار زيادة.
ركض له بهاج وحضنه
بهاج بصوت يرجف: سهم ، كـذب الي صار صح؟جمانة ماصار لها شي صح ؟
سهم وهو منهااااار : اسسسسف اسف يا بهااااج ، والله ما أنتبهت والله
ابعد بهاج عنه وبدأت دموعه تنزل : سسهممم ، لاااا تكذب ، قوووول اااانك تكذببب
سهم هز راسه ب ( لا ) : اسف يا بهااج والله اسسف
مسك غياث بهاج الي بدء يفقد توازنه وخرجه برا الغرفة
بهاج وهو منهار : تسسمععع يا غياااث وش يقول !!!
غياث حضن بهاج : قل لا اله الا الله يا بهاج ، بإذن الله بتقوم بالسلامة.
بهاج انهار في حضن غياث : وش اسوييي ، وشش اسوي لو طولت وما صحتتتتت !!! انا احبهااا يا غياااث احبهاااا
غياث جلّس بهاج على الكرسي: استغفر ربك ، بإذن الله ما بتطول ، إن شاءالله بتصحى يا بهاج
بهاج كان منهار مو قادر يصدق الي صار وغياث كان يهدئه.
بعد ما تحمد ابو نايف لسهم بالسلامة خرج هو وابو هايف عند الباب
ابو هايف : لا تأجلوا عرسكم يا عبدالعزيز
ابو نايف : لا وال......
قاطعه ابو هايف : والله بتسووه ولو أجلتوه بأزعل عليكم
هز ابو نايف راسه برضى وبعدها لف على بهاج وغياث : يلا يا عيال
وقفو بعد ما ودعو ابو هايف وتحمدو له بسلامة سهم و ركبوا السيارة ورجعو البيت.
.
في بيت ابو نايف
دخلوا البيت وطلع بهاج لغرفته وانسدح وهو منهااار ، لما قرر يخطبها يصير كل ذا !!!
.
.
في الصالة ، كلهم كانوا حزينين على بهاج و جمانة.
روان لغياث : وش صار ؟
غياث جلس و قال لهم الي صار بضيق
رنيم وهي تبكي : ياقلبي يا بهاج كيف بيتحمل؟!!
ام نايف وهي منهارة : يارب صبررر قلبه ياااارب
غياث : وعمي يقول لا تأجلوا عرسكم
روان بضيق: نسويه عشاء صغيرعائلي في البيت وبس
ابو نايف : الي تبيه يصير
كل واحد راح لغرفته وهو ضااايق من الي صار
.
في جناح غياث
كانت رغد ضامة رجلها لصدرها و تبكي ، مسك غياث وجهها : رغد حبيبتي خلاص ذبحتي نفسك بكاء ! ماينفع لك ولا للبيبي
رغد ناظرته وجهها كله دموع : وش بيسوي بهااج مابيقدر يتحمل يا غياث !
غياث نزل راسه : بأذن الله بتقوم بالسلامة ، وبهاج راح يصبر ان شاء الله
رفع عينه وناظرها : بس أنتي لا تبكي خلاص ! والله قلبي يتقطع وانا اشوف دموعك.
جلس غياث و حط راس رغد على رجله وبدأ يمسح على شعرها الين هدأت نامت.
.
.
في غرفة بهاج
كان مغطي نفسه بالحاف ومنهاااااار
ودخلت عليه امه ؛ بهاج
بهاج بصوت واضح عليه البكاء : هلا يمه
جلست ام نايف جنبه وابعدت اللحاف عنه :
يا حبيبي يابهاج مايصلح كذا !
جلس بهاج : وششش اسوي يااا يمه ووش اسويييي! حبيتهاااا يا يمه اكثرررر من نفسيييي، وش بسويييي لو ماصحتتتتتت ياااا يمه وشش؟؟؟
ام نايف حضنته : يا ولدي ربي كتب يصير كذا ، ويمكن اختبار من ربي لك يا يمه اهدء واستغفر ربك ! وبإذن الله بتصحى لا تتشائم.
بهاج : يا يمه خايف ما تصحى ، والله لو ماصحت بمووووت والله
ام نايف وهي ترجعه يرقد : لا ياحبيبي لاتقول كذا، بسم الله عليييك ، وبإذن الله بتصحى يا حبيبي ، بس انت ارتاح الحين
رجع بهاج وتغطى باللحاف ، وجلست ام نايف عنده و تمسح على راسه و تهديه وتقرأ عليه إلين نام.
.
.
في الصالة
كانت رنيم جالسة وهي تبكي ، ودخل عليها نايف
نايف : ليه تبكين ؟
رنيم قالت له الي صار وهي تشاهق : وانا الحين خايفة على بهااج ، مابيقدر يستحمل يا نايف مابيقدر
حضنها نايف : وش فيك يا رنيم ؟ اهدئي شوي ، وبهاج يعرف انه قضاء وقدر لاتبكين انتي !
دخلت عليهم ام نايف
ام نايف : نايف يمه ، متى جيت ؟
نايف وهو يسلم عليها: قبل شوي ، يمه كيفه بهاج ؟
ام نايف تنهدت : والله وضعه يعور القلب ، الله يصبر قلبه يارب ويقومها بالسلامة
نايف : امين
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
