اليوم الثاني
رجعوا كلهم لمدنهم
مصعب ومازن رجعو للدمام
وبهاج وابوه واخوانه رجعو للرياض
و بيت ابو يزن للقصيم
.
.
في الرياض ، وتحديداً بيت ابو نايف
بهاج وامه واخوانه كانوا جالسين في الحوش
بهاج : اخخخ لو ارياف موجودة الحين سوت لي اكل
رنيم : انت بس ذا الي تبيه
بهاج : وش فيه احلى من الاكل ؟ وجهك ؟
غياث : انت
بهاج ضحك : هههههههههه حبيبي الله يسعدك
رنيم : يععععع يععع تقهرروووون
روان : والله دمكم ثقيل
غياث وهو يقلد صوت روان : اخاف اتكلم عليك و تبكين
بهاج ضحك : يمه بنتك ذي كيف نغير صوتها
ام نايف وهي تمسح على شعر روان : يا زينها هي وصوتها بسم الله عليها
دخل ابو نايف وجلس :السلام عليكم
الكل : وعليكم السلام
ابو نايف لبهاج : متى بترجع للدمام ؟
بهاج : ان شاء الله الصباح
ابو نايف : لا اشوفك سهران مع الي جنبك ( قصده غياث )
بهاج : ابشر
ابو نايف ناظر غياث : ماودك تتزوج انت ؟
غياث : والله عادي مافي مشكله
بهاج ناظر له بهمس : متأكد يولد !
غياث ابتسم ورد بنفس الهمس : ايه
ام نايف : الحمدلله ، وانا عندي بنت ماشاءالله مابتلقى مثلها قمر قمرررر وتعرفها
غياث : مين ؟
ام نايف : رغد بنت عمك ، ماشاءالله عليها محترمة و جميلة ، وش رايك ؟
رنيم : ايه يازينها رغوده
غياث ابتسم برضى : موافق
ابو نايف : اجل ان شاء الله بعد ثلاث ايام نروح القصيم نتقدم لها ، الله يكتب الي فيه الخير
غياث : امين
وقف ابو نايف : يلا انا استئذنكم ، وانت يا بهاج لا تسهر نام بدري
بهاج : ابشر
ام نايف ؛ وانا جاني النوم يلا مع السلامة
الكل : مع السلامة
بهاج انسدح على رجل رنيم: رنيم سوي لي مساج
رنيم حطت يدها على راسه وبدات تسوي له مساج
بهاج ناظر غياث الي الابتسامة شاقه وجهه :
ذا الي قبل كم يوم يقول ما يبي يتزوج !
غياث ناظر له وضحك : وش تبي انت! خلاص يا رجال غيرت راي وبتزوج
روان : يوووه عاد رغد نفس سخافتك الله يعيننا
غياث رمى عليها المخدة : خير تتكلمي عن زوجتي المستقبلية !
رنيم : بدينا مسخره بدييناااا ، هذا وهي ماصارت زوجتك تدافع عنها
غياث : اص انتي
بهاج ضرب غياث برجله : عاد حدك على خواتي
غياث بطرف عين : الله وكبر توك تتذكر انهم خواتك !
بهاج وقف وهو يتثاوب : يلا يلا انا بروح انام
الكل : تصبح على خير
.
.
.
صباح اليوم الثاني حرك بهاج للدمام بعد ما ودع اهله ، اول ما وصل الدمام شاف رجال سيارته متعطلة ووقف يساعده
بهاج : السلام عليكم
ابو هايف : وعليكم السلام
بهاج قطب حواجبه ، يحس ان عمره شاف الشايب بس مايدري وين : وش فيك يا عم ؟
ابو هايف : سيارتي خربت ، بس ولدي في الطريق
بهاج بفضول: معليش بس وش اسمك يا عم ؟
ابو هايف : محمد ابو هايف
بهاج انصدم : والله !!!
ابو هايف بأستغراب : ايه وش فيك ؟
حضنه بهاج : هلااااا ، ماعرفتني يا عمي؟
ابو هايف قطب حواجبه : لا والله ماعرفتك ، مين انت ؟
بهاج بفرحة : بهاج ولد عبدالعزيز صديقك زمان
ابو هايف رفع حواجبه بصدمة و رجع حضنه بالقوة و بفرحه : هلااااا هلا بالغالي ولد الغالي هلااااا
بهاج : وين اختفيت ياعم !
ابو هايف : والله بعت بيتي في الديرة وانشغلت ولا عاد رجعت ، قولي كيف ابوك واخوانك ؟
بهاج : كلهم بخييير الحمدلله ، وابشرك نايف تزوج وجاب سميّ ابوي و ارياف قبل كم شهر اعرست، و غياث عرسه قريب ان شاء الله
ابو هايف : ماشاءالله ماشاءالله ، والله اني مشتاااق لكم
بهاج : والله ونحنا اكثر ، يوووه 15 سنة ! متخيل يا عم 15 سنة ما تقابلنا !!
ابو هايف : والله دورت عليكم كثييير بس ما لقيتكم لين فقدت الامل
قاطع كلامهم وصول هايف
ابو هايف : هذا هو هايف جاء
توجه له بهاج وحضنه : هلاااا هااااايف
هايف بإستغراب : اهلين ، من انت اخوي ؟
بهاج ضحك : بهااج تذكرني ؟
هايف : ولد عمي ابو نايف !!!!؟
بهاج : ايه ايه
هايف رجع حضنه بشووق : هلاااااا بهيييج ، ويييين 15 سنه ماشفناكم ، يوووووه
هايف : وش اخبار سهم ؟
هايف ضحك وغمز له : سهم بخير وجمانه بخييييير
دق قلب بهاج اول ما سمع اسم جمانة ، كان ناسيها ، وحس بشعور مايعرف يوصفه : ههههه الحمدلله
ابو هايف : اجل دام الله جمعنا اليوم حياك على العشاء عندنا
بهاج : ابشر ، وانا استئذنكم واشوفكم في الليل
ابو هايف و هايف : مع السلامة
رجع بهاج لسيارته وتوجه للشقة وهو مبسووووط واخيراً واخيراً اجتمع معهم بعد 15 سنه !!! متخيلين 15 سنة !
وفي نفس الوقت في قلبه شعور مايعرف يوصفه بعد ما سمع اسم جمانة ، هو حب ؟ ، او شوق ؟ ، او ايش بالضبط مايدري .
.
.
وصل الشقة ودخل و الابتسامة شاقة وجهه
مازن : الحمدلله على السلامة
بهاج : الله يسلمك
مصعب : ي يولد هد لا تطير سنونك ، وش فيك؟
بهاج جلس في النص : تخيلووووو مين حصلت ؟
مازن : مين
بهاج : صديق ابوي الي ما شفناه من 15 سنه!
مصعب : احححللفف!
بهاج : والله ، يووووه يالصدف
مازن : وش سالفته
بهاج : ( قال لهم السالفة )
مازن : والله مر وقت مرا كثير بس الحمدلله بترجعون الحين
بهاج وقف : بروح اعلم اهلي
راح بهاج لغرفته واتصل على غياث : الو
بهاج: غياث انت وين ؟
غياث : في البيت الصالة تحديداً
بهاج : حلوووو ، افتح سبيكر بسرررعه
غياث : ليه ؟
بهاج : غيااااث ! بسرعه الحين تعرف ، و قرب الكل عندك
فتح غياث السبيكر وقرب من اهله عشان يسمعو
بهاج : تخيلو مين شفت ؟
ام نايف : مين ؟
بهاج : ابو هايف
ابو نايف بفرحة: بالله ؟؟؟؟؟
غياث وهو مصدوم : احلف !
بهاج وهو يضحك : والله شفته والله ( قال لهم الي صار )
رنيم : انا ما اذكره
غياث : كنتي بزر عمرك خمس او ست سنوات
روان : انا ما اذكر الا جمانه الي كانت تلعب مع بهاج
بهاج قلبه دق لما سمع اسم جمانة ثاني
غياث : ايييه ههههههه كانت صديقته
بهاج : اسكت انت وياها لا اجيكم
ابو نايف : اجل لازم نقابلهم ان شاء الله
بهاج : ان شاء الله ، يبه متى بتروحون القصيم ؟
ابو نايف : بكرا ان شاء الله
بهاج : اجيكم ؟
غياث ؛ لا يارجال اجلس في الدمام ، واذا في نصيب لاحق على العرس
بهاج : اجل ربي يكتب لك الي فيه الخير ، يلا مع السلامه
الكل : مع السلامه
قفل بهاج و انسدح على السرير وهو يتذكر ذكرياته مع جمانة و سهم الين اخذه النوم.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
