.
.
بعد ساعتين ونص وصلو اهل ابو نايف لشقراء ، وتحديداً بيت الجد
فتح مهند الباب يستقبلهم بالأحضان وهو مشتاق لهم : يا مرحباااا يالله حييهم
ابو نايف : الله يحييك
الجد : هلا هلا بأحفاادي هلا
توجهو كلهم يسلموا على الجد
خرجت العمة هنادي : يا هلااااا بأخوي و عياله
و توجهو يسلمو عليها ويحضنونها
العمه هنادي : تفضلو في الصالة
دخل ابو نايف وعياله للصالة و توجهو البنات يسلمو على الهنوف الي كانت جالسة بجلالها
وبعدها جلسو وبدأت السوالف
بهاج : جدي ، عزمت واحد من اخوياي للديرة وبيجي يعيد معنا
الجد : الله يحيه البيت بيته ، لزّم عليه ينام عندنا
بهاج : ان شاء لله
ابو نايف : ابو يزن ما جاء ؟
الجد : جاء بس في بيته
ابو نايف : والله شكلنا بنشتري بيت في الديرة و اذا جينا جلسنا فيه
الهنوف : لا يعم بيت جدي كبير ماشاءالله ويكفينا ، وانا انبسط مع رنيم واخواتها اذا جو
الجد : الهنوف قالتها قبل اقولها ، مايحتاج ، هذا هو بيتي موجود
وكملوا سوالف و طبعاً مستحيل جلسة تخلا من هواش الهنوف و رنيم و غياث و مهند كل واحد يدافع عن اخته و بهاج و عزوز ميتين ضحك عليهم
بعد 6 ساعات تقريباً على الساعة 2:30 الليل
وصل مصعب لشقراء وراح لـ اللوكيشن الي ارسله بهاج
اتصل عليه
بهاج : الو
مصعب : انا عند الباب
بهاج : يلا الحين افتح لك
بعد كم دقيقة فتح بهاج الباب
بهاج وهو يحضنه : يااا حي ذا العييين
مصعب : حياك الله وحيا عيوووونك
دخل مصعب للمجلس مع بهاج : السلام عليكم
الكل : وعليكم السلام
سلم مصعب عليهم وجلس جنب بهاج
الجد : كيفك يا ولدي ؟
مصعب ابتسم : الحمدلله يا جد
بهاج : ذا خويي مصعب الي معي في الشقة
الجد : يالله حييه مصعب ، لا تستحي انت بين اهلك وخذ راحتك
مصعب : الله يحيي قدرك
كملوا سوالف ومصعب مبسوووط من علاقتهم و تعاملهم معه كأنه ولدهم.
.
قبل اذان الفجر في بيت الجد الوضع كان فوووضى الي يتعطر و الي يكوي ثوبه والي يتروش و الي يغني والي يرقص والي ياكل
ومصعب و بهاج كانوا يضحكوا على غياث الي معصب ويدور على عقاله وهم مخبينه
غياث : بس يا ورع انت وياه ، صدق مبزرة.
مصعب رفع العقال وهو يضحك
: غياث ذا لمين ؟هههههههه
غياث قرب يبي ياخذ العقال بس مصعب رماه لبهاج وغياث راح ياخذه من بهاج و بهاج رماه على مصعب
غياث وهو معصب : هيييي ورع انت وياااااه عطوني عقالي!!!!
بهاج وهو يضحك : مين عمك ؟
مصعب اخذ عقاله وضرب فيه بهاج ومصعب : والله انكم كلاب ما تنعطون وجه
دخل عليهم الجد: غياااث ماتستحي !،
تضرب ضيفك ؟!!
مصعب يمثل الالم: شفت ياجد كيف ما يستحي !
غياث وهو يضحك : والله الضيف يا جدي له ساعه يطقطق علي مع بهاج المعفن
أبو عبدالعزيز: يلا يلا انت وياه بعد شوي بنروح المسجد اخلصوا ، وانت يا بهاج عقابك روح خذ المبخرة و طييير على المسجد بخره
بهاج باس راس جده واشر على عينه : من عيوني
راح بهاج عند باب البيت وبدأ يطبل عليه ويلحن : يااا رنووومهه .. عطينييي المبخره .. لا جدي يجلدنييي .. اسرعييي يا رنومههه
جات رنيم وهي تعطيه على جوه وترقص وبيدها المبخرة
و الهنوف من ورا باب الغرفة تصفق وتعزز ،
ابو نايف خرج: وجععع يا بهااج ازعجتنا
بهاج اخذ المبخره من رنيم : اسف يبه بس تعرف عيد وفله وحماس
ابو نايف ضرب راس بهاج : لا اشوفك مسوي ذا الازعاج ثاني !
بهاج : ابشر يبه
خرج بهاج ودخل المسجد وبدأ يبخره ، وبعد دقايق اذن الفجر والكل دخل المسجد وصلوا الفجر ، وجلسو الشباب مع يزن الي جاء متأخر لان ثوبه اتحرق ينتظرو صلاة العيد
وبعد نص ساعة صلوا صلاة العيد وبعد الخطبة وقفو كلهم يسلموا على بعض و يباركو لبعض
.
في الدمام ، في بيت ابو هايف.
كانت جمانة في غرفتها وتحط اخررر لمساتها ، وهي تغني
" كل عام وانتم بخير ... كل عام وانتم بخير .. ضحكة فرح .. من كل قلب .. في احلى عيد ..." وكانت جميييلة جداً بفستانها الأزرق و شعرها البني الفاتح الويفي و عيونها العسلية ، خلصت وابتسمت وبرزت غمازاتها الجميلة ، وبعدها نزلت تسلم على أهلها : السلام عليكم ، عاد عيدكم
الكل : وعليكم السلام ، علينا وعليك
وردة ركضت لها : عمة جمانة يلا نرقص
جمانة ضحكت : يلا بس خليني اجيب السماعة
راحت جمانة وجابت السماعة وشغلت
" أهلاً أهلاً بالعيد " وبدأت ترقص مع وردة و غدير انضمت لها وشوي وقف سهم يستهبل وبعده هايف وقلب الوضع رقص واستهبال وضحك ،و قرر سهم يعلم غدير وجمانة العرضة و شغل عرضة و حاول يعلمهم بس كانو يضحكوا وبعدها شغلو شيلات و وقفت ام هايف ترقص و ابو هايف يصفق و اصال مبتسمة وتصور فرحتهم.
.
.
نرجع لشقراء
بعد صلاة العيد توجه الجد ابو نايف و عياله و ابو يزن ويزن ومصعب لبيت الجد .
دخلو الحوش وهم فرحانيييين ، ومثل كل عيد مهند دخل سيارته الحوش وشغل المسجل على السامري الي الكل يحبه ، ورفع الصوت على اعلى شي و بدأ الكل يرقص و بهاج يستهبل عند غياث ،و ابو يزن وقف يرقص معهم وشوي انضم ابو نايف ورقص معهم و بعدها الجد وقف يرقص بينهم مع تعزيز من احفاده و اولاده والكل كان مستانس من قلبه ، والبنات وراء الشباك يصوروهم ويعززولهم و روان كالعادة جابت كاميرتها تصورهم .
بعد الرقص و التعب جهز الفطور وجلسوا على السفرة يفطرو ،
ابو عبدالعزيز اعطى بهاج كوب شاهي : خذ بهاج اعطي اخوك الي جنبك ( اخوك يقصد فيها مصعب الي جالس جنب بهاج)
بهاج مد الفنجال لمصعب : تفضل
مصعب ناظره : يقول اخوك مو انا
بهاج ابتسم ومسك كتفه : انت اخوي ، خذها يدي تعبت
اخذ مصعب كاسة الشاهي من بهاج وهو مبتسم ومبسوووط من كلمة " اخوك " : شكراً يا اخوي.
خبط بهاج على كتف مصعب وهو عارف ليش مصعب استانس : عفواً عفواً
عند البنات الجو كان حلو ، رنيم ماسكة الاغاني و كل شوي تغير الاغنيه و الهنوف تعصب عليها ، والهنوف و رغد كانو يرقصو و يستعبطو و روان و ميساء ياكلو ويضحكو على و عصبية الهنوف و عناد رنيم ، وارياف تصوروهم وهي تضحك عليهم وعلى هواشهم ، وام نايف و العمه هنادي وام يزن يسولفوا ويضحكو على البنات ، وبعدها دخل الجد عليهم ووزع العيديات.
بعد الفطور بدأ الجد يوزع عيديات للعيال وعزوز ولد نايف كان مبسووط وينتضر دوره
يزن : عزوز انتبه لا تطير من الحماس ،وش فيك!
نايف : وش دخلك انت ؟ خليه يطييييير طييير يا عزوز طيييير
رفع بهاج عزوز وعزوز مد يدينه كانه يطير ، والكل ضحك على هبالة عزوز وبهاج.
.
ابو يزن و اهله رجعو لبيتهم.
و البنات كانو في غرفة الهنوف ويسولفوا
الهنوف : شفتو صديق بهاج ؟
روان : ايييه يازينه ماشاءالله طق ميانه مع الكل
الهنوف : واضح انه طيب
ارياف وهي ماسكه جوالها : ايه دايم بهاج يتكلم عنه
رنيم : ايه مرا يجنن ههههههههههههههه
ميساء : المهم وش الفعاليات اليوم الليل ؟
الهنوف : في عزومة في بيت ام جواهر عازمة كل اهل الديرة
رنيم : الله حمااااس
كملوا سوالفهم وتجهيزاتهم لليل وبعدها دخلو في غيبوبة العيد
.
اما عند العيال في المجلس ، كانو فارشين فرشهم وكل واحد على فراشه
بهاج : يعيال ما بنروح عزومة ابو جواهر صح ؟
غياث : انا عن نفسي ماراح اروح يغثني
نايف :اجل انا بجلس معك
بهاج : وانا معكم طبعاً
مهند : اجل معكم
سكتوا ينتظرو رد مصعب الي مارد
غياث : مصعب بتروح ولا بتجلس معنا ؟
مصعب : وش اروح اسوي لوحدي ؟ معكم معكم
بهاج : اجل خلونا نطلع البر
مهند : والله فكره حلوه
الكل : تم
مصعب كان منسدح و هو مبتسم ، فرحااان و مبسوط بأهل بهاج الي يعاملوه كإنه ولدهم ، و كان فرحان معهم و طق الميانه معهم وكإنه يعرفهم من دهر وهو توه قبل كم ساعة عرفهم.
وبعدها دخلو في غيبوبة العيد
.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
